Акаві́та (па-лацінску: aqua vitae — «вада жыцьця») — традыцыйная назва моцнага алькагольнага напою.
З XIII стагодзьдзя агульнаэўрапейскім тэрмінам aqua vitae называлі гарэлку або вінны сьпірт, атрыманыя праз дыстыляцыю віна, пазьней таксама гарэлку з соладу, збожжа, мукі і інш. У кельцкіх народаў скарочаны даслоўны пераклад лацінскага выразу uisce beatha — «вада жыцьця» — стаў назвай нацыянальнага моцнага напою зь ячменнага соладу — ўіскі.
У Польшчы і ВКЛ гэтая назва вядомая з канца XV — пачатку XVI стагодзьдзя. Пачаткова акавіта ўжывалася як аптэчны сродак (найчасьцей для настойваньня лекавых зёлак і г. д.). З пашырэньнем ужытку моцных напояў і дывэрсыфікацыяй іх тыпаў акавітай у вузкім сэнсе пачалі называць найвышэйшую ступень дыстыляцыі гарэлкі (ад 70% аб.), даступную даіндустрыяльнай тэхналёгіі. У сучасных скандынаўскіх краінах акавітай называюць моцную гарэлку (як правіла, з жыта), часам араматызаваную невялікай колькасьцю кмена, якую прынята піць зь невялікіх (50 г) кілішкаў адным глытком. Да сярэдзіны XX стагодзьдзя ўжываўся старадаўні жартаўлівы беларускі тост:
(пасьля чаго акавіту выпівалі). У сучаснай беларускай папулярнай гістарычнай літаратуры акавітай часта называюць старадаўнюю гарэлку ўвогуле.
Некаторыя алькагольныя напоі на аснове сьпірту-дыстыляту маюць адпаведную назву: аквавит (сканд.), оковита (укр., польск.), акавіта (бел.), eau-de-vie (фр.), віскі (ад ірл. uisce beathadh) і іншыя, але значна адрозьніваюцца па зыходнай сыравіне, інгрэдыентах і метадах вытворчасьці. Так, пасьля аднаўленьня сярэднявечнага рэцэпту аква-віты на шатляндзкай дыстылерыі Lindores Abbey, у эўрапейскую камісію па харчовых прадуктах у 2021 быў пададзены зварот аб стварэньні новай катэгорыі алькагольных напояў «батанічныя сьпірты» (botanical spirits) на аснове дыстылятаў, з прымяненьнем мацэрацыі (настойваньня), але без выкарыстаньня цукру.
This article uses material from the Wikipedia Беларуская (тарашкевіца) article Акавіта, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.