Mažāsis princos (prancūzėškā Le Petit Prince) – prancūzu rašītuojė Antuana de Sent Egziuperi 1943 m.
ėšleista līrėnė fėluosuopėnė pasaka. Autuorios anou parašė gīvendams Niujorkė, JAV. Prancūzėjuo kninga ėšleista jau pu autuoriaus smertėis, kumet Prancūzėjė ėšėvadava ėš Viši režėma. Kningas iliustracėjės pėišė tēpuogė autuorios.
„Mažāsis princos“ prigol vākū literatūrā, ale diel fėluosuopėniu gelmiū pritėnk tēpuogė soaugosiems. Kninguo īr pasakuojama aple žmuogaus lėkėma, gīvenėma prasmė, kritėkoujams pavėršėnis soaugosiu gīvenėms, vėsoumenė. Lietovuo kninga pėrma karta palėka ėšleista 1959 m. Tumet anou ėšlēda Valstībėnė gruožėnės literatūras leidīkla, vuo pargoldė Vītauts Kauneckis. 2024 m. kninga bova pargoldīta i žemaitiu kalba (pargoldė Jūzos Pabrieža, vuo ėšlēda Marios Čioželis). 2017 m. doumenim „Mažāsis princos“ bova pargoldīts i daugiau kāp 300 svieta kalbū, vuo bėndros tiražos prigava 200 milijonų. Palē pargoldīmu skaitlio ta īr ontra kninga pu Biblėjės.
This article uses material from the Wikipedia Žemaitėška article Mažāsis princos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Torėnīs pateikts so CC BY-SA 4.0 lėcencėjė, jēgo nie parašīta kėtāp. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Žemaitėška (DUHOCTRUNGQUOC.VN) is an independent company and has no affiliation with Wiki Foundation.