Da QR Code (engl. Quick Response) is a zwoadimensionala Strichcode (2D-Code) oda Matrix-Barcode, dea wo vo da japanischn Firma Denso Wave anno 1994 entwicklt woan is.
Da QR Code ko mit spezielln Lesegerätn und mit Fotohandys (Camera Telephone), wias iPhone beispuisweis glesn wean. De kodiate Information ko a Text, a Netzadress (URL) oda ondare Datn sei.
Da QR Code gheat zu de populeastn zwoadimensionaln Strichcodes. Ea is voa oim dafia entwicklt woan, um Hochgeschwindigkeits-Kodiarung z eameglichn.
Es gibt mearane Standards, de wo de Kodiarung vo QR-Codes beschreim:
QR Code Datn-Kapazitätn | |
---|---|
Numerischa Code nur | Max. 7,089 Zeichn |
Alphanumerisch | Max. 4,296 Zeichn |
Binea (8 bits) | Max. 2,953 bytes |
Kanji/Kana | Max. 1,817 Zeichn |
QR Codes kena auf vaschiedane Oatn glesn wean: Mit Scannern, Handhelds, PCs (mit Kameera und speziejn Programm) usw. Am beliabtastn is s Eilesn mitn Mobuitelefon und PDAs vo da neien Generation. Des san Geräte, de wo scho a Kamera und a Programm Literatua vo QR-Codes eibaut hom. Des Eilesn mitn Mobiltelefon kimmt aus Japan, nennt ma Mobile Tagging und wead imma beliabta.
Da QR Code ko beispuisweis a Netzadress enthoidn. A Mobiltelefon mit am Netzbrowser leidt nochn Eafossn nacha sofoat zua Netzseitn weida. Damit easpoat ma si s Obtippm. Da QR-Code ko owa a jedn ondan Text enthoidn.
This article uses material from the Wikipedia Boarisch article QR Code, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Boarisch (DUHOCTRUNGQUOC.VN) is an independent company and has no affiliation with Wiki Foundation.