بارسلونا فوتبال کولوبو
بارسلونا فوتبال کولوبو یوخسا بارسا کاتالانجا: Futbol Club Barcelona یا Barça، ایسپانیا کاتالونیا خودموختار ایالتی نین پایتختی بارسلونادا یئرلشن بیر حرفه‌ای فوتبال کولوبودور.
| گئچرلی آد | بارسلونا فوتبال کولوبو (Fútbol Club Barcelona) | |||
|---|---|---|---|---|
| لقب(لر) | عمواوغلیکاتالانجا: Barça آبی و اناریایسپانجا: azulgrana | |||
| شوعار | بارسلونا بیر کولوبدان یۇخاری | |||
| گئچرسیز آد | بارسا | |||
| یارادیلمیش تاریخ | ۲۹ نوامبر ۱۸۹۹ بارسلونا فوتبول کولوبو آدینن | |||
| ایستادیوم | نیوکمپ (یئرلشیمی: ۹۹٬۳۵۴) | |||
| ایداره‌چی | جوزپ ماریا بارتومئو | |||
| باش مشقچی | ارنستو والورده | |||
| لیگ | لالیگا | |||
| ۲۰۱۷-۱۸ | لالیگا، ۱-جی | |||
| وب سایتی | http://www.fcbarcelona.com | |||
| چوخ قولو اویون | بارسلونا ۲۰–۱ اسمیلد هلند | |||
| چوخ قول ایله اوتوزان | بارسلونا ۱–۱۲ اتلتیکو بیلبائو | |||
| طرفدارلاری | کولز (culés) | |||
| ||||
 ایندیکی مووسومیوخلاما تاریخی: {{{یوخلاما تاریخی}}} | ||||
بۇ کولوب، ۱۸۹۹ م ایلینده خوان گمپر باشچیلیغی ایله بیر تعداد سوئیسلی و اینگیلیسلی فوتبالچی الی ایله قۇرولدو. بارسلونا بیر کولوبدان یۇخاری "Més que un club" اینگیلیسجه: "More than a club" لقبینی آلیب، کاتالونیا ایله کاتالانیسم سمبولونا چئویریلیبدیر. چوخلو آیری فوتبال کولوبلاری ترسینه، طرفدارلار بارسلونانین یییه‌‌لیگی ایله ایداره‌سینه اللرینه آلیبلار. بۇ کولوب ۳.۵۶ میلیارد دلارلا دۆنیانین ایکینجی دیرلی ایدمان تیمی و ۵۶۰.۸ میلیون یورو گلیرله دونیانین ایکینجی وارلی فوتبال کولوبودور. بارسلونانین رسمی مارشی‌نین آدی Cant del Barça دیر و خائوم پیکاس ایله جوزپ ماریا اسپیراس الی ایله یازیلیبدیر.
بۇ کولوب ۲۴ دفعه لالیگادا، ۲۸ دفعه کوپا دل ریده، ۱۲ دفعه ایسپانیا سوپرکاپیندا، ۳ سری کوپا ائوا دیورته‌ده ، ۲ سری کوپا دئ لالیگادا، ۴ سری اوروپا کاپلار کاپیندا، ۵ دفعه اوروپا سوپرکاپیندا، ۵ سری اوروپا قهرمانلار لیگینده، ۳ دفعه اینتر-سیتیز فیرز کاپدا و ۳ دفعه دونیا فوتبال کولوبلاری کاپیندا قهرمان اوْلوبدور. بۇ کولوب 1997, 2009, 2011, 2012 و 2015-جی ایللرده دونیانین بیرینجی فوتبال کولوبو سئچیلیبدیر و گۆنوموزده ۳-جو روتبه‌ده یئرلشیبدیر. بۇ کولوبون اصلی رقیبی رئال مادریددیر. ایکی تیمین آراسینداکی اوْیونلار ال کلاسیکو آدلانیر.
بارسلونا، دونیانین ان چوخ طرفدارلی ایدمان تیملریندن و اجتماعی مدیالاردا ایدمان تیملری‌نین آراسیندا ان چوخ ایزله‌نن ساییلیر. بارسلونا اوْیونجولاری ۱۱ دفعه اوروپا قیزیل توپونو قازانیب، ۷ دفعه ایلین دونیا فوتبال اویونجوسو سئچیلیبلر.
بارسلونا کولوبو، اتلتیک بیلبائو و رئال مادریدله بیرلیکده تکجه ۳ سقوط ائتمه‌ین لالیگا قوروجو کولوبلاردان بیریدیر.۲۰۰۹-جو ایلده بارسلونا ایسپانیا کولوبلاری آراسیندا اول دفعه اۆچون لالیگا، کوپا دل ری و اوروپا قهرمانلار لیگینه شامیل اوْلان اوچلوکو اله گتیردی و ایسپانیا فوتبالی سوپرکاپی، اوروپا سوپرکاپی و دونیا فوتبال کولوبلاری کاپینی اوتماقلا بیر ایلده ۶ کاپ قازانان بیرینجی اسپانیالی کولوب اولدو. پپ قواردیولا الی ایله ۴ ایل ایچینده ۱۴ کاپ قازانان بارسلونا بعضی ایدمانچیلار طرفیندن تاریخ بویو ان بؤیوک تیم ساییلیبدبر.
گئچمیش
بارسلونا تاسیسی (۱۸۹۹–۱۹۲۲)
۲۲ اوکتوبر ۱۸۹۹-جو میلادی ایلده خوان گمپر بیر تیم یاراتما ایستگینی لوس دپرتوس دا یایدی. موثبت جوابلار نوامبرین ۲۹-دا ژیمناسیو سوله گوروشونه باعیث اولدو. اوْن‌بیر اویونچو جذب اولدولار ـ والتر ویلد ( کولوبون بیرینجی مودیری)، لوییس دئ اوسو، بارتمیو تیراداس، اوتو کونزله، اوتو مایر، انریک دوکال، پره کابوت، کارلس پوژل، جوزپ لیوبت، جان پارسونز و ویلیام پارسونز ـ و بارسلونا فوتبال کولوبو دوْغولدو.
کولوب کاتالونیا فوتبال قهرمانلیغی و کوپا دل ریده حضور تاپیب، منطقه و ملی کاپلاردا موفق باشلانیشی اولدو. ۱۹۰۲-جی ایلده، کوپا ماسایا ایله بیرینجی قهرمانلیق کاپینی قازاندی و بیرینجی دفعه کوپا دل ریده حضور تاپیب، فینالدا اتلتیکو بیلبائوا ۲-۱ -ه اۇتوزدو. کولوب ۱۹۰۵-جی ایلدن هئچ بیر کاپ قازانمادیغی اۆچون و بارسلونانی قوْرویوب، دیری ساخلاماق اۆچون ۱۹۰۸-جی ایلده خوان گمپر کولوبون باشچیسی اوْلدو. اوْ بیر گؤروشده بئله دئدی: "بارسلونا دیری قالمالیدیر. هئچ کیمسه ده اوْلمازسا، من ایندی‌دن کولوبو دوْلاندیرما مسئولیتینی بوْیونوما آلیرام". گمپر ۲۵ ایل کولوب باشچیسی اوْلدو و اوْنون چاغیندا بارسلونا بیر اختصاصی ایستادیوم و ثابیت گلیره ال تاپدی.
۱۹۰۹-جو میلادی ایلین مارس آیی‌نین ۱۴-ونده، تیم ۸۰۰۰ ظرفیتلی اینداستریا ایستادیومونا داشیندی. اوْ ایل کولوب لوقوسو اۆچون بیر موسابقه قۇرولدو. بۇ موسابقه‌ده کارلوس کومامالا طرحی سئچیلدی و اوْنون طرحی نئچه کیچیک دییشدیرمه‌دن سوْنرا گونوموزه قدر تیمین لوقوسو اوْلدو.
یئنی ایستادیوملا، مارکا هیسپانیکایا باغلی اوْلان لانگداک، میدی، آکیتن (جنوبی فرانسه)، باسک و کاتالونیا منطقه‌لری‌نین ان یاخشی تیملریندن تشکیل تاپان پیرنه کاپی‌نین آچیلیش دوره‌سینده حضور تاپدی. اوْ چاغدا بو موسابقه‌لر چوخ معتبر ساییلیردی. ۱۹۱۰-دان ۱۹۱۳-ه قدر بارسلونا بو کاپی ۴ سری قازاندی. کارلوس کومامالانین بو قهرمانلیقلاردا بویوک نقشی اولوب، آموچازرا و جک قرینول‌له بیرلیکده تیمی ایداره ائتدی. اوْ سوْنرالار و ۱۹۱۷-جی ایلده تیمین بیرینجی تمام وقت موربیسی اوْلدو. بۇ کاپین سونونجو دوره‌سی ۱۹۱۴-جی ایلده بارسلونا شهرینده قۇرولدو و کولوبون یئرلی رقیبی، ایسپانیول قازاندی.
ائله بۇ چاغدا کولوب رسمی دیلینی ایسپانیولجادان کاتالانجایا دییشدیریب، کاتالان کیملیگی‌نین اهمیتلی سمبولونا چئویریلدی. ۱۹۱۷-جی میلادی ایلین فوریه آیی‌نین ۴-و ۱۹۱۳-۱۹۲۸ ایللری آراسیندا کولوبدا اوْینایان رامون تورالبا ایفتخارینا کولوبون بیرینجی ایفتخاری اویون ترراسسا آدلی یئرلی تیم قاباغیندا قۇرولوب، بارسلونانین ۵-۲ یه غلبه‌سی ایله سونا چاتدی.
گمپر کولوبون طرفدارلارین آرتیرماق اۆچون چالیشیب، ۱۹۲۲-ده ۲۰۰۰۰ نفر یئنی ایستادیوم اۆچون مالی کومک ائتدیلر. کولوب اوْ ایلده یارادیلمیش لس کورتس ایستادیومونا داشیندی. بۇ ایستادیومون ظرفیتی ۳۰۰۰۰ نفر ایدی و سوْنرا 1944-ده ۶۰۰۰۰ نفره چوْخالدی.
گمپر، جک قرینول‌ی بارسلونا تاریخینده بیرینجی تمام وقت موربی عونوانیندا ایستخدام ائتدی. گمپر چاغیندا بارسلونا 11 دفعه کاتالونیا قهرمانلیق کاپی، ۶ دفعه کوپا دل رئ و ۴ دفعه پیرنه کاپینی قازانیب، بیرینجی پارلاق دوره‌سینی گئچیردی.
ریورا، جومهوریت و ایچ ساواش (۱۹۵۷–۱۹۲۳)
.jpg)
۱۹۲۵-جی ایلین ژوئن آیی‌نین ۱۴-و بیر اوْیوندا طرفدارلار میگوئل پریمو ده ریورا دیکتاتورلوغونا اعتراض عونوانیندا میلی مارشا ایهانت ائتدیلر. بۇ حرکتدن سوْنرا حکومت ۶ آی ایستادیومو باغلاییب، گمپری ایستعفایا مجبور ائتدی. بۇ چاغدا حرفه‌ای فوتبالا گئچیش باشلاندی و ۱۹۲۶-دا بارسلونا مودیری، عمومی حالتده بیرینجی دفعه اۆچون بیر حرفه‌ای فوتبال کولوبو کیمی چالیشماسینی بیلیندیردی. ۱۹۲۷-جی میلادی ایلی‌نین جولای آیی‌نین ۳-ونده پائولینو آلکانترانین ایکینجی تست اویونو ایسپانیا میلّی فوتبال تیمی قاباغیندا قورولدو. اویونون باشلاماق اۆچون یئرلی خلبان و ژورنالیست جوزپ کانوداس طیاره‌دن توپو میدانا آتدی. ۱۹۲۸-جی ایلده تیم ایسپانیا کاپینی اوتماسی موناسبتی ایله و بارسلونا قولری فرانز پلاتکو وصفینده ۲۷ نسلی گروهونون عوضوو اولان رافایل آلبرتی شاعیرین اودا اِ پلاکتو آدلی ماهنیسی اوخوندو. ۱۹۲۹-جو ایلین ژوئن آیی‌نین ۲۳-ونده بارسلونا لا لیگانین بیرینجی دوره‌سینی قازاندی. بیر ایل سونرا جولایین ۳۰-وندا قمپر بیر مودت روحی مریضلیک و اقتصادی موشکوللردن سونرا اؤزونو اؤلدوردو.
بارسلونا جوزپ اسکولا کیمی آدلیم فوتبالچیلارلا اؤز ایشینه ایدامه وئردی، آنجاق ایدمان عرصه‌سینه اثر قویان سیاسی چیرپیشمالار اۆچون نزول ائتدی. بارسلونا اهالیسی سیاسی موردلره مشغول اولوب، توتولدوقلارینا گؤره اویونلاردا هوادار ساییسی آزالدی. کولوب ۱۹۳۰، ۱۹۳۱، ۱۹۳۲، ۱۹۳۴، ۱۹۳۶ و ۱۹۳۸ ایللرینده کاتالونیا کاپینی قازاندی آنجاق میلی سطحده ۱۹۳۷ جنجاللی قهرمانلیقدان سوای هئچ بیر موفقیته ال چاتمادی.
۱۹۳۶-جی ایلده ایسپانیا ایچ ساواشی‌نین باشلانیشیندان بیر آی سونرا بارسلونا و اتلتیک بیلبائو اویونچولاریندان نیظامی ساواشچیلار قاباغیندا عسگرلیک خیدمتی اۆچون داوطلب اولدولار.
ایفتیخارلار
| نوع | ریقابتلر | عونوان ساییسی | مووسوم‌لر / ایل‌لر |
|---|---|---|---|
| ایچ | لالیگا | ۲۴ | ۱۹۲۸–۲۹، ۱۹۴۴–۴۵، ۱۹۴۷–۴۸، ۱۹۴۸–۴۹، ۱۹۵۱–۵۲، ۱۹۵۲–۵۳، ۱۹۵۸–۵۹، ۱۹۵۹–۶۰، ۱۹۷۳–۷۴، ۱۹۸۴–۸۵، ۱۹۹۰–۹۱، ۱۹۹۱–۹۲، ۱۹۹۲–۹۳، ۱۹۹۳–۹۴، ۱۹۹۷–۹۸، ۱۹۹۸–۹۹، ۲۰۰۴–۰۵، ۲۰۰۵–۰۶، ۲۰۰۸–۰۹، ۲۰۰۹–۱۰، ۲۰۱۰–۱۱، ۲۰۱۲–۱۳، ۲۰۱۴–۱۵، ۲۰۱۵–۱۶ |
| کوپا دل ری | ۲۹ | ۱۹۰۹–۱۰، ۱۹۱۱–۱۲، ۱۹۱۲–۱۳، ۱۹۱۹–۲۰، ۱۹۲۱–۲۲، ۱۹۲۴–۲۵، ۱۹۲۵–۲۶، ۱۹۲۷–۲۸، ۱۹۴۱–۴۲، ۱۹۵۰–۵۱، ۱۹۵۱–۵۲، ۱۹۵۲–۵۳، ۱۹۵۶–۵۷، ۱۹۵۸–۵۹، ۱۹۶۲–۶۳، ۱۹۶۷–۶۸، ۱۹۷۰–۷۱، ۱۹۷۷–۷۸، ۱۹۸۰–۸۱، ۱۹۸۲–۸۳، ۱۹۸۷–۸۸، ۱۹۸۹–۹۰، ۱۹۹۶–۹۷، ۱۹۹۷–۹۸، ۲۰۰۸–۰۹، ۲۰۱۱–۱۲، ۲۰۱۴–۱۵، ۲۰۱۵–۱۶، ۲۰۱۶–۱۷ | |
| ایسپانیا فوتبالی سوپرکاپی | ۱۲ | ۱۹۸۳، ۱۹۹۱، ۱۹۹۲، ۱۹۹۴، ۱۹۹۶، ۲۰۰۵، ۲۰۰۶، ۲۰۰۹، ۲۰۱۰، ۲۰۱۱، ۲۰۱۳، ۲۰۱۶ | |
| کوپا اوا دیورته | ۳ | ۱۹۴۸، ۱۹۵۲، ۱۹۵۳ | |
| کوپا دئ لالیگا | ۲ | ۱۹۸۲–۸۳، ۱۹۸۵–۸۶ | |
| اوروپایی | اوروپا قهرمانلار لیگی / اوروپا قهرمانلار لیگی | ۵ | ۱۹۹۱–۹۲، ۲۰۰۵–۰۶، ۲۰۰۸–۰۹، ۲۰۱۰–۱۱، ۲۰۱۴–۱۵ |
| اوروپا سوپرکاپی | ۵† | ۱۹۹۲، ۱۹۹۷، ۲۰۰۹، ۲۰۱۱، ۲۰۱۵ | |
| اوروپا کاپلار کاپی | ۴ | ۱۹۷۸–۷۹، ۱۹۸۱–۸۲، ۱۹۸۸–۸۹، ۱۹۹۶–۹۷ | |
| اینتر-سیتیز فیرز کاپ | ۳ | ۱۹۵۵–۵۸، ۱۹۵۸–۶۰، ۱۹۶۵–۶۶ | |
| دونیا بوْیو | دونیا فوتبال کولوبلاری کاپی | ۳ | ۲۰۰۹، ۲۰۱۱، ۲۰۱۵ |
- اعداد پر رنگ در ستون عناوین ، رکورد محسوب می شوند.
- † رکورد مشترک با باشگاه دیگر
اوْیونچولار
ایندیکی ترکیب
- یوخلاما تاریخی: ۳ سپتامبر ۲۰۱۷
| . |
|
|
بوْرج وئریلن اوْیونچولار
ایستفاده اوْلونمیش بایراقلار فیفا طرفیندن تایید اوْلوب و مومکوندور بعضی اویونچولارین ایکی وطنداشلیقلاری اوْلموش اولا.
|
|
پرسنل
ایندیکی فنی کادر
| سیمت | آد |
|---|---|
| باش‌موربی | لوییز انریکه |
| کؤمک‌موربی | خوآن کارلوس اونزوئه |
| ایکینجی کؤمک‌موربی | روبرت مورنو |
| یدک کؤمک‌موربی | خوآن باربارا |
| فیت‌نس موربیسی | رافل پول ادو پونس فرانسسک کوس پاکو سیرولو |
| گولرلر موربیسی | خوزه رومان دئ لا فوئنته |
| میلت‌لر آراسی ایستعدادتاپما باشچیسی | آریئدو برایدو |
| میلی ایستعدادتاپما باشچیسی | کارلس رخاچ |
| ایستعدادتاپان | ایسیدره رامون خسوس کاساس جوردی ملرو جومه توراس |
| فیزیوتراپ | جومه مونیل خوانخو براو ژاوی لوپز ژاوی لینده |
| فیزیولوژیست | خوآکین والدس |
| دوکتور | رامون کانال ریکارد پرونا دنیل مدینا |
| تیم رابطی | کارلس ناوال |
| فوتبال مودیری | آلبرت سولر |
| آکادمی مودیری | جوردی رورا |
| ۲-جی تیمین موربیسی | جرارد لوپز |
| منشی | جوردی کالسامیقلیا |
| مالی ایشلر | انریکه تومباس |
| ۲-جی منشی | ماریا تیکسیدور |
| ۱-جی تیم فنی منشی‌سی | روبرت فرناندز |
| گنجلر تیمی فنی منشی‌سی | جوزپ سیقورا |
Last updated: 11 July 2015
Source:
ایداره
هیئت مدیره عوضولری
.jpg)
| سیمت | آد |
|---|---|
| مودیر | جوزپ ماریا بارتومئو |
| مودیریت معاونتی | رامون آدل |
| ایقتیصادی و استراتژیک معاونتی | خاویر فائوس |
| ایجتیماعی معاونتی | جوردی کاردونر |
| تشکیلاتی معاونتی | کارلس ویلاروبی |
| ایدمان معاونتی | جوردی مستره |
| مدیا و ایرتباطات معاونتی | مانل آرویو |
| مالی ایشلر معاونتی | سوزانا مانج |
| هیئت مودیره دبیری | آنتونی فریکسا |
| ایدمان طبی مودیری | جوردی مونس |
| ایدمان (فوتبال) مودیری | جوزپ رامون ویدال |
| ایدمان (بسکتبال) مودیری | خوان بلاده |
| ایدمان (فوتسال) مودیری | خاویر بورداس |
| ایدمان (گنجلر فوتبالی) مودیری | رامون سیرکو نوقور |
| ایدمان (هندبال) مودیری | ادوارد کول |
| ایجتیماعی مودیری | رامون پونت |
| ایجتیماعی مودیری | پیلار جوینووارت |
| ایقتیصادی و استراتژیک مودیری | جوردی مویکس |
| ایقتیصادی و استراتژیک مودیری | سیلویو الیاس |
| تکنولوژی مودیری | دیداک لی |
Last updated: 23 January 2014
Source: FC Barcelona
نوْتلار
اتک یازیلار
فایل‌لار ویکی‌آمباردا
- رسمی وبسایت
- بارسلونا لالیگا وبسایتیندا Archived 2015-06-17 at the Wayback Machine.
- بارسلونا یوفا وبسایتیندا
- بارسلونا imdb وبسایتیندا
This article uses material from the Wikipedia تۆرکجه article بارسلونا فوتبال کولوبو, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). عکسی بللیلشدیریلمزسه، ایچیندهکیلر CC BY-SA 4.0 لیسانسی آلتیندادیلار. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki تۆرکجه (DUHOCTRUNGQUOC.VN) is an independent company and has no affiliation with Wiki Foundation.