Augsburgu
Augsburgu (n'alemán: Augsburg (?·i)) ye una ciudá alemana, capital de la rexón alministrativa de Suabia del estáu federáu de Baviera.
Augsburgu ye ciudá independiente y coles mesmes capital del distritu homónimu.
 Augsburgu | |||||
|---|---|---|---|---|---|
 | |||||
| |||||
| Alministración | |||||
| País |  Alemaña | ||||
| Estáu federáu |  Estáu Llibre de Baviera | ||||
| Regierungsbezirk | Suabia | ||||
| Tipu d'entidá | gran ciudá | ||||
| Cabezaleru/a del gobiernu | Eva Weber | ||||
| Nome oficial | Augsburg (de) | ||||
| Nome llocal | Augsburg (de) | ||||
| Códigu postal | 86150, 86199, 86152, 86153, 86154, 86156, 86157, 86159, 86161, 86163, 86165, 86167, 86169 y 86179 | ||||
| Xeografía | |||||
| Coordenaes | 48°22′08″N 10°53′52″E / 48.3689°N 10.8978°E | ||||
  Augsburgu Augsburgu (Alemaña) .svg) | |||||
| Superficie | 146.87 km² | ||||
| Altitú | 489 m, 498 m y 482 m | ||||
| Llenda con | | ||||
| Demografía | |||||
| Población | 301 033 hab. (31 avientu 2022) - 145 786 homes (30 setiembre 2021) - 150 044 muyeres (30 setiembre 2021) | ||||
| Porcentaxe | 100% de Suabia 2.29% de Estáu Llibre de Baviera 0.36% de Alemaña | ||||
| Densidá | 2049,66 hab/km² | ||||
| Más información | |||||
| Fundación | 15 edC | ||||
| Prefixu telefónicu | 0821 | ||||
| Estaya horaria | UTC+01:00 UTC+02:00 | ||||
| Llocalidaes hermaniaes | |||||
| augsburg.de | |||||
 | |||||
Historia
Conocida como Augusta vindelicorum cuando formaba parte de la provincia romana de Retia, Augsburgu ye una de les ciudaes más antigües d'Alemaña.
Mientres el sieglu XVI, les families Welser y Fugger, aniciaes nesta ciudá, apoderaron dellos sectores de la economía europea y mundial, destacando sobremanera por financiar el reináu de Carlos I d'España y V d'Alemaña. Los Welser en particular sostuvieron económicamente les esploraciones realizaes na provincia de Venezuela por Ambrosio Alfinger, Nicolás Federmann y Felipe de Utre. Mientres les deliberaciones de la Dieta de Augsburgu, los líderes protestantes (empobinaos por Philip Melanchthon, amigu del reformador Martín Lutero) apurriéron-y a Carlos V la Confesión de Augsburgu el 25 de xunu de 1530, siendo este la espresión de la fe del luteranismu.
L'arquiteutu Elias Holl foi l'autor de dalgunos de los sos edificios más representativos, mientres el sieglu XVII, como'l Conceyu.
Mientres la Segunda Guerra Mundial, los alemanes crearon nes contornes de la ciudá un campu de concentración satélite del campu de concentración de Dachau.
Economía
Una enorme fábrica de papel, la fábrica de motores diésel MAN, Siemens, DaimlerChrysler, Aeroespacial, KUKA robots industriales, según el consorciu de computación NCR, son dalgunes de les mayores firmes de la ciudá. La ciudá ye miembru de la Comunidá de Ciudaes Ariane.
Estudios Cimeros en Augsburgu
La Universidá de Augsburgu foi fundada en 1970 y ye una de les más nueves y modernes universidaes en Baviera. Cuenta con 15.000 estudiantes aproximao.
La Universidá de Augsburgu tien siete facultaes:
- Facultá d'Alministración de Negocios y Economía
- Facultá de Teoloxía
- Facultá de Filosofía y Ciencies Sociales
- Facultá de Filoloxía ya Historia
- Facultá de Matemátiques y Ciencies Naturales
- Facultá de Derechu
- Facultá de Ciencies Aplicaes a la Computación
A partir de 2008 inauguró'l «Leopold-Mozart-Zentrum», que ye onde s'estudia música y qu'antes formaba parte de la Escuela Cimera de Música Núremberg-Augsburgu».
La Universidá de Augsburgu ta acomuñada con otres, como la de Pittsburgh (EE.XX.), Osijek (Croacia), Iaşi (Rumanía), Chabarowsk (Rusia) y Johannesburgu (Sudáfrica).
La Escuela Cimera de Augsburgu foi fundada en 1971 y ye una de les mayores de Baviera. Cuenta con más de 4000 estudiantes.
La Escuela Cimera de Augsburgu tien seis facultaes:
- Facultá d'Arquiteutura ya Inxeniería Civil.
- Facultá d'Economía.
- Facultá d'Inxeniería Llétrica.
- Facultá de Diseñu.
- Facultá d'Informática.
- Facultá d'Inxeniería mecánica.
Personaxes célebres
- Bartolomé Welser
- Leopold Mozart
- Rudolf Diesel
- Hans Holbein el Viejo
- Hans Holbein el Mozu
- Johann Moritz Rugendas
- Félix José de Augusta
- Bertolt Brecht
- Philipp Kohlschreiber
- Guilielmus Xylander
- Bernd Schuster
- Marcos González Salazar
Ciudaes hermaniaes
Inverness, Escocia, Reinu Xuníu, dende 1956.
Amagasaki, Xapón, dende 1959.- Nagahama, Xapón, dende 1959.
Bourges, Francia, dende 1963.
Dayton Ohio, Estaos Xuníos d'América, dende 1964.
Liberec, República Checa, dende 2001.
Jinan, República Popular de China, dende 2004.
Ver tamién
- Catedral de Augsburgu
- Copa Mundial Femenina de Fútbol Sub-20 de 2010
Referencies
Enllaces esternos
Wiki Commons acueye conteníu multimedia sobre Augsburgu 
.
Sitiu web oficial (n'alemán)
This article uses material from the Wikipedia Asturianu article Augsburgu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.