অসমীয়া গদ্য-সাহিত্যৰ গতি-পথ
অসমীয়া গদ্য-সাহিত্যৰ গতি-পথগ্ৰন্থখন অসমীয়া গদ্য সাহিত্যৰ ক্ৰমবিকাশ, স্বৰূপ আৰু গতি-প্ৰকৃতি অধ্যয়নৰ ক্ষেত্ৰত এখন গুৰুত্বপূৰ্ণ অসমীয়া গ্ৰন্থ। গ্ৰন্থখনৰ লেখক ড০ হৰিনাথ শৰ্ম্মাদলৈ। ১৯৯২ চনৰ জানুৱাৰী মাহত শান্তিপুৰ নলবাৰী জিলাৰ পদ্মপ্ৰিয়া লাইব্ৰেৰীৰ পৰা গ্ৰন্থখন প্ৰথম প্ৰকাশ পাইছিল। বৰ্তমানলৈকে গ্ৰন্থখনৰ ৬ টা সংস্কৰণ প্ৰকাশ পাইছে। শেহতীয়াকৈ ২০২০ চনৰ অক্টোবৰ মাহত গ্ৰন্থখনৰ ষষ্ঠ সংস্কৰণটি প্ৰকাশ পায়। গ্ৰন্থখনৰ পৃষ্ঠা সংখ্যা ২২০।
| অসমীয়া গদ্য-সাহিত্যৰ গতি-পথ | |
|---|---|
 | |
| লেখক | হৰিনাথ শৰ্মাদলৈ |
| দেশ | ভাৰত |
| ভাষা | অসমীয়া |
| প্ৰকাৰ | প্ৰবন্ধ |
| মিডিয়া প্ৰকাৰ | মুদ্ৰণ |
অধ্যায় সমূহ
অসমীয়া গদ্য-সাহিত্যৰ গতি-পথ গ্ৰন্থখনত অসমীয়া গদ্য সাহিত্যক দুটা মূল অধ্যায়ত ভাগ কৰি আলোচনা কৰা হৈছে। তদুপৰি বিষয়ৰ আলোচনাৰ সুবিধাৰ্থে গ্ৰন্থকাৰে মূল অধ্যায় দুটাক কেইবাটাও উপ-অধ্যায়ত ভাগ কৰিছে।
পুৰণি গদ্যৰ উন্মেষ আৰু বিকাশ (প্ৰথম মূল অধ্যায়)
- প্ৰাৰম্ভিক স্তৰ (মন্ত্ৰ-সাহিত্যৰ গদ্য, অঙ্কীয়া নাটৰ গদ্য)
- বৰ্দ্ধমান স্তৰ (ভট্টদেৱী গদ্য,ভট্টদেৱৰ আদৰ্শত সৃষ্ট গদ্য,বুৰঞ্জীৰ গদ্য,চৰিত পুথিৰ গদ্য,তাম্ৰ-শাসন, প্ৰস্তৰ-শাসন,ৰজাঘৰীয়া কাকত-পত্ৰ, চিঠি-পত্ৰ আৰু পেড়া কাকত আদিৰ গদ্য)
আধুনিক গদ্যৰ উন্মেষ আৰু বিকাশ (দ্বিতীয় মূল অধ্যায়)
- প্ৰাৰম্ভিক স্তৰ (এই স্তৰত মিছনাৰীসকলৰ আগমন, অৰুনোদইৰ প্ৰকাশ,অৰুনোদইৰ বৰ্ণবিন্যাস, অৰুনোদইৰ গদ্যৰীতি, হেমচন্দ্ৰ বৰুৱা-গুণাভিৰাম বৰুৱাৰ ৰচনাত মিছনাৰী প্ৰভাৱ ইত্যাদি বিষয়বোৰ আলোচনা কৰা হৈছে।)
- মাৰ্জ্জিত স্তৰ (হেমচন্দ্ৰ-গুণাভিৰামৰ হাতত অসমীয়া গদ্যৰ মাৰ্জ্জিত ৰূপৰ আৰম্ভণিৰ পৰা মৌ (মাহিলি কাকত)ৰ গদ্যৰীতিলৈকে সামৰি আলোচনা কৰিছে।)
- উন্নত স্তৰ (এই স্তৰত জোনাকী (আলোচনী)ৰ উদ্ভৱ আৰু অৱদান, জোনাকীৰ লেখকসকলৰ গদ্য ৰচনাৰ ভাগ আৰু গদ্যৰীতি, ইংৰাজী-বঙালী সাহিত্যৰ প্ৰভাৱ, জোনাকীৰ লেখকসকলৰ গদ্যৰ সাদৃশ্য-বৈসাদৃশ্য নিৰ্ণয় ইত্যাদি দিশবোৰ সন্নিৱিষ্ট হৈছে।)
তথ্যসূত্ৰ
This article uses material from the Wikipedia অসমীয়া article অসমীয়া গদ্য-সাহিত্যৰ গতি-পথ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). আন একো উল্লেখ নাথাকিলে এই বিষয়বস্তু CC BY-SA 4.0 ৰ আওতাত উপলব্ধ। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki অসমীয়া (DUHOCTRUNGQUOC.VN) is an independent company and has no affiliation with Wiki Foundation.