ليبيريا، رسميا لجمهورية د ليبيريا (بلينݣليزية: Republic of Liberia) هي بلاد جات ف لغرب د إفريقيا.
تاتحدّها سييرا ليون من الشمال لغربي، غينيا من الشمال، كوط ديڤوار من الشرق، و لمحيط لأطلسي من لجنوب و لغرب.
ليبيريا | ||||
Republic of Liberia (en) | ||||
نشيد | النشيد لوطني د ليبيريا
| |||
لعاصيمة | مونروڤيا | |||
الساكينة | ||||
شحال دالسكان | 5,214,030 (2021) | |||
السمية ديال السكان | ليبيري، ليبيرية، ليبيريين, ليبيريات | |||
اللوغات الرسمية | نڭليزية | |||
متوسط ديال لعمر | 62.505 (2016) | |||
لجغرافيا | ||||
لميساحة | 111,369 كم² | |||
لقمة لعالية | جبل ووطيڤي (1,440 م) | |||
لبلاصة الطايحة | لمحيط لأطلسي (0 م) | |||
لإدارة | ||||
رئيس ليبيريا | جورج ويا | |||
رئيس ليبيريا | جورج ويا | |||
لبرلمان | السلطة التشريعية ف ليبيريا | |||
لقتيصاد | ||||
الناتج الداخلي لكامل | 3,509,000,000 $ (2021) | |||
لبيطالة (شوماج) | 4 % (2014) | |||
مؤشر التنمية لبشرية | 0.481 (2021) | |||
لفلوس | دولار ليبيري | |||
معلومات خرة | ||||
توقيت ديال لبلاد | ڭريتينش Africa/Monrovia | |||
رمز لبلاد | LR | |||
رمز لانترنيت | .lr | |||
رمز التيليفون | +231 | |||
نماري د ليرجونس | 911 و 114 | |||
جيهة د صوڭان | ليمن | |||
السيت الرسمي | visitliberia.net |
التاريخ د ليبيريا مرتابط بزاف ب لبلاصة اللي جات فيها و بلعبودية. من 1820، بداو بزاف د لعبيد اللي تحرّرو ف لميريكان تيرجعو لإفريقيا، و بالضبط لهاد لمنطقة. كانت تاتعاونهم جمعية سميتها جمعية لإستعمار لميريكانية، اللي كانت تاتقول باللي حسن لعبيد يرجعو لإفريقيا على يبقاو ف لميريكان. ملي وصلو بزاف د هاد الناس لإفريقيا، علنو لإستقلال ديال لبلاد اللي أسسو ف 1847، و سمّاوها ليبيريا. هي أول جمهورية علنات لإستقلال ديالها ف إفريقيا كاملة، و خدات الدستور و الراية ديالها من هادوك ديال لميريكان، و عليها كيتشابهو.
من لمشاكل اللي ف لي ليبيريا هي باللي الناس اللي جاو من ميريكان ما تفاهموش مع السكان لأصليين و كانو بزاف د لمدابزات بيناتهم. ف 1980 وقع نقلاب عسكري طيّح لحكام اللي أصلهم من لميريكان، و دخلات لبلاد ف حرب أهلية مات فيها كتر من ربع مليون واحد. ف 2003 تسينات اتفاقية ديال السلام، و ف 2005 تدارو أول نتخابات ديموقراطية ف لبلاد. الرئيس د ليبيريا من 2018 هو جورج ويا.
تيسكنو ف ليبيريا شويا كتر من 5 د لمليون د الناس، و لعاصمة ديالها هي مونروڤيا. اللغة الرسمية د لبلاد هي لينݣليزية، و عاد كاين كتر من 20 لغة محلية كاتّهضر ولكن ما عندها تا وضع رسمي. لفلوس اللي كاتخدّم هي الدولار الليبيري. هي عضو مؤسس د عصبة لأمم و لأمم لمتحدة و لمنضمة د لوحدة لإفريقية، و داخلة مع بزاف د لمنضمات الدولية بحال ليتيحاد ليفريقي و إيكوواس و لحركة د عدم لإنحياز.
تقدر تزيد شوف بزاف د تّصاور و لمعلومات ديال Liberia ف ويكيميديا كومنز. |
This article uses material from the Wikipedia داريجة article ليبيريا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.