كاس لعالم 2034
كاس لعالم 2034 غادي تكون كاس لعالم نمرة 25 ديال كورة د الرجال، لي غادي يتنافسو فيها منتخبات د لبلدان لأعضاء ف لفيفا.
 مقالة ناقصينها تصاور. هاد لمقالة ناقصينها تصاور، حاول تزيد تصاور ماعليهاش كوپيرايت ف/من كومنز. باش تعرف كيفاش تزيد تصويرة ف مقال، شوف صفحة لمعاونة. يلا بان ليك بلي هاد لمقال مامحتاجش ل تصاور، زيد التصنيف تصنيف:ستيتناء من طاݣ ناقصين تصاور ف لّخر معا التصنيفات و حيّد هاد لموضيل.ماتّخلعش! هاد لميصاج مديور باش تشوفو لفرقة ديال الصيانة و لمراجعة د لمقالات، و ماكيعنيش بلي درتي شي غلط! |
هاد لكاس غادي تّلعب ف السعودية، لي كانت لبلاد لوحيدة لي دفعات الترشيح ديالها قبل الدادلاين لي حطاتو لفيفا د 31 أكتوبر 2023.
كاس لعالم 2034 | ||
| معلومات عامة | ||
| نوع د تورنوا | كاس لعالم | |
| سپور | كورة | |
| لبدية | 10 يونيو 2034 | |
| لمسالية | 10 يوليوز 2034 | |
| عدد د لمشاركين | 48 | |
الترشيح ل كاس لعالم 2034 كان مسموح غير ل بلدان لإتحادات د أسيا و ؤقيانوسيا، حيت كاس لعالم 2026 غادي تنضّم ف أميريكا الشمالية، و كاس لعالم 2030 غادي تنضّم ف تلاتة د لقارات لي هوما إفريقيا، ؤروپا و أميريكا الجنوبية. هادشي خلّا جورنال نيويورك تايمز يڭول بلي لفيفا دارت هادشي باش تسهّل لمأمورية على الترشيح السعودي.
ختيار لبلاد لمضايفة
لپروصي د الترشيح ل كاس لعالم 2034 بدا من 4 أكتوبر 2023، و تبازا على نفس الشروط ديال الترشيح ل كاس لعالم 2030. بسباب الشرط ديال تدوير حق الترشيح بين لقارات لي حاطاه لفيفا، غير لبلدان ديال لكونفيديراليات د أسيا و ؤقيانوسيا لي كان عندهوم لحق يترشّحو ل تنضيم هاد النسخة. لأجال اللخراني ل الترشيح هو 31 أكتوبر 2023، يعني 25 يوم بعدما علنات لفيفا على فتح باب الترشيح.
الترشيحات
الترشيحات لمأكدة
السعودية
بعدما تخلات السعودية على الترشيح ديالها ل كاس لعالم 2030 معا ليونان و مصر، قررات باش تركّز على الترشيح بوحدها ل كاس لعالم 2034. السعودية ف لغالب غادي تخدّم سطراتيجيات بحال لي طبّقات قطر ف كاس لعالم 2022، باش تتجنب السخونية د الصيف. وخا داكشي، ڭالت بلي بغات تنضم التورنوا ف الصيف، عكس قطر لي نضّماتو ف لخريف. لإعلان على هاد الترشيح تدار بشكل رسمي ف 4 أكتوبر 2023. ف 5 أكتوبر، الرئيس ديال لإتحاد د أسيا الشيخ سلمان بن إبراهيم آل خليفة علن على لمساندة ديالو ل الترشيح. ف 9 أكتوبر حطات السعودية لبرية د الطلب بشكل رسمي عند لفيفا. كتر من 100 عضو ديال لفيفا علنو بلي كيدعمو هاد الترشيح. ف 31 أكتوبر، جياني إنفاتينو، الرئيس د لفيفا، علن بلي كاس لعالم 2034 غادي تنضّم ف السعودية. هادشي كيخليها تالت بلاد ف أسيا و تاني بلاد ف الشرق لأوسط كاتنضم هاد التورنوا.
ترشيحات ملغية
-
أسيان - ؤسطراليا و نيوزيلاندا
- ؤسطراليا و ماليزيا و سانغافورا
- الشينوا
- كازاخستان و ؤزباكستان
عيون لكلام
This article uses material from the Wikipedia داريجة article كاس لعالم 2034, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.