كاس لعالم ديال كورة ديال الرجال، اللي معروفة بكاس لعالم، هي أكبر مسابقة ديال لكورة ف لعالم، و تينضمها لإتحاد الدولي ديال لكورة (فيفا).
كاس لعالم تاتنضم كل 4 سنين و تنضمات أول مرّة ف 1930. تحبسات كاس لعالم جوج مرّات فالتاريخ (1942 و 1946) علاود لحرب لعالمية التانية. من 1998، ولاّو تيشاركو 32 بلاد فكاس لعالم، مقسومين على تمنية د لمجموعات، و تيتنافسو كاملين على شكون أيربح لكاس.
تنضمات تال دابا كاس لعالم 22 مرّة و ربحوها 8 د لبدان، هوما: لبريزيل (5 د لمرات: 1958 - 1962 - 1970 -1994 - 2002)، الطاليان (4 د لمرات: 1934 - 1938 - 1982 - 2006)، ألمانيا (4 د لمرات: 1954 - 1974 - 1990 - 2014)، لارجونتين (3 د لمرات: 1978 - 1986 - 2022)، لوروݣواي (1930 - 1950)، فرانسا (1998 - 2018)، لينݣليز (1966) و صبانيا (2010).
آخر بلاد ربحات كاس لعالم كانت هي فرانسا ف لبطولة د روسيا 2018، و اللي غلبات كرواتيا ف النهاية ب 4 ل 2.
تأهل لمغريب ستة د لمرات ل كاس لعالم (1970 - 1986 - 1994 - 1998 - 2018 - 2022). تقصا ربعة د لمرّات من الدور اللول، و تأهل مرّة وحدة للدور التاني (ف 1986)، و مرة ل الدومي فينال (ف 2022). هاد الجوج كانو إنجازات تاريخية حيت كان لمغريب هو أول منتخب د إفريقيا اللي وصل ل تمن النهاية د كاس لعالم، و أول منتخب د إفريقيا كيوصل ل الدومي فينال.
تقدر تزيد شوف بزاف د تّصاور و لمعلومات ديال FIFA World Cup ف ويكيميديا كومنز. |
This article uses material from the Wikipedia داريجة article كاس لعالم, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.