फिफा विश्वकप फुटबल प्रतियोगिता प्रारम्भक कथा अन्तर्राष्ट्रिय फुटबल महासङ्घ फिफासँ जुड़ल अछि तहिने फिफाक कथा विभिन्न देशमे स्थापना भेल राष्ट्रिय फुटबल सङ्घसभक विकाससँ जुड़ल अछि । सन् १८६६ मे विश्वक पहिल राष्ट्रिय फुटबल सङ्घक रूपमे इङ्गल्यान्ड फुटबल एसोसिएसन (एफए) गठन भऽ गेल छल । किछ वर्षबाद अन्य देशसभमे सेहो धमाधम राष्ट्रिय फुटबल सङ्घसभक स्थापना होमए लागल । अहिना फुटबल खेल आ ओकर राष्ट्रिय सङ्घसभक विस्तार भऽ गेलाक बाद एकटा अन्तर्राष्ट्रिय फुटबल सङ्घक आवश्यकता सर्वत्र महसुस होमए लागल । अहि जरुरतक निकास खोजवाक क्रममे फ्रान्स, बेल्जियम, नेदरल्यान्ड्स, डेनमार्क, स्पेन, स्वीडेन आ स्विजरल्यान्ड समेत सात देशक प्रतिनिधि फ्रान्सक राजधानी पेरिसमे जम्मा भेल । अहि सभाद्वारा २९ मई १९०४ मे फुटबलक सर्वोच्च संस्था अन्तर्राष्ट्रिय फुटबल महासङ्घ -फेडरेसन इन्टरनेशनल डे फुटबल एसोसिएसन, फिफाक औपचारकि गठन केलक । इङ्गल्यान्ड दुई वर्षबाद फिफा सदस्य बनल । एकरबाद आर बहुतेक देशसभ सेहो एकर सदस्य होमएक क्रम चलल, जे अखनो जारी अछि । अखन दुई सय सँ बेसी देश फिफा सदस्य अछि । नेपाल सन् १९७० मे फिफाक पूर्ण सदस्य बनल छल ।
स्थापना | १९३० |
---|---|
समुह सङ्ख्या | ३२ (फाइनल) २०४ (२०१० कऽ चुनावसँ) |
सब सँ सफल टिम | ब्राजिल (५ उपाधि) |
वेबसाइट | आधिकारिक वेबसाइट |
२०१४ फिफा विश्वकप |
विश्वकप फुटबल प्रतियोगितासभ | |
---|---|
|
विश्वकप फुटबल प्रतियोगिताक आरम्भक श्रेय आधुनिक ओलम्पिक खेलकुद प्रतियोगिताक सफल सुरूवातके जाइत अछि । सन् १९०० मे भेल दोसर ओलम्पिक खेलकुदमे फुटबल पहिल बेर समावेश कएल गेल छल । ओलम्पिक फुटबलक सफलतासँ उत्साहित भऽ फिफा पदाधिकारीसभ अन्तर्राष्ट्रिय फुटबल प्रतियोगिता ओलम्पिकक घेराभितर सीमित नै राखैक निष्कर्ष निकाललक । वार्ता आरम्भ भेलाक बाद अन्ततः २६ मई १९२८ मे बैसल फिफा एम्स्टर्डम कङ्ग्रेसद्वारा युगान्तकारी निर्णय कएल गेल, जाहिमे हरेक चारि-चारि वर्षक अन्तरालमे फिफा सदस्य देशसभ बीच विश्वकप प्रतियोगिता आयोजना आरम्भ केनाए आ पहिल विश्वकप सन् १९३० मे करेबाक निचोड़ निकालल गेल । ताहि स्वरूप ओकर एक वर्षक बाद, सन् १९२९ कऽ बार्सिलोना फिफा कङ्ग्रेस ई ऐतिहासिक जिम्मेवारी पूरा करवाक दायित्व उरूग्वेके प्रदान केलक । फलस्वरूप, राजधानी मोन्टेभिडियोमे एक लाख दर्शक क्षमताक नवनिर्मित रङ्गशाला स्टेडियम डेल सेन्टेनारियोमे १३ जुलाई १९३० मे फ्रान्स आ मेक्सिकोबीच पहिल विश्व कपक पहिल म्याच विधिवत् उद्घाटन खेलक रूपमे सम्पन्न भेल छल ।
पहिल विश्वकप आयोजना होमएत काल फिफा सदस्य देश सङ्ख्या कूल ४१ छल । विश्वकप फुटबलसभ सँ बेसी देखल जाइवाला खेलकुद छी ।
वर्ष | आयोजक | विजेता | स्कोर | उप-विजेता | तेसर स्थान | स्कोर | चारिम स्थान | टिम सङ्ख्या | |||
---|---|---|---|---|---|---|---|---|---|---|---|
१९३० विवरण | उरुग्वे | उरुग्वे | ४–२ | अर्जेन्टिना | संयुक्त राज्य अमेरिका | युगोसलाभिया | १३ | ||||
१९३४ विवरण | इटाली | इटाली | २-१ (अ.स.) | चेकोस्लोभाकिया | जर्मनी | ३-२ | अस्ट्रिया | १६ | |||
१९३८ विवरण | फ्रान्स | इटाली | ४-२ | हंगेरी | ब्राजिल | ४-२ | स्विडेन | १६/१५ | |||
१९५० विवरण | ब्राजिल | उरुग्वे | ब्राजिल | स्विडेन | स्पेन | १६/१३ | |||||
१९५४ विवरण | स्विजरल्यान्ड | पश्चिम जर्मनी | ३-२ | हंगेरी | अस्ट्रिया | ३-१ | उरुग्वे | १६ | |||
१९५८ विवरण | स्वीडेन | ब्राजिल | ५-२ | स्विडेन | फ्रान्स | ६-३ | पश्चिम जर्मनी | १६ | |||
१९६२ विवरण | चिली | ब्राजिल | ३-१ | चेकोस्लोभाकिया | चिली | १-० | युगोस्लाभिया | १६ | |||
१९६६ विवरण | इङ्ल्यान्ड | इङ्ल्यान्ड | ४-२ (अ.स.) | पश्चिम जर्मनी | पोर्चुगल | २-१ | सोभियत सङ्घ | १६ | |||
१९७० विवरण | मेक्सिको | ब्राजिल | ४-१ | इटाली | पश्चिम जर्मनी | १-० | उरुग्वे | १६ | |||
१९७४ विवरण | पश्चिम जर्मनी | पश्चिम जर्मनी | २-१ | नेदरल्याण्ड | पोल्यान्ड | १-० | ब्राजिल | १६ | |||
१९७८ विवरण | अर्जेन्टिना | अर्जेन्टिना | ३-१ (अ.स.) | नेदरल्याण्ड | ब्राजिल | २-१ | इटाली | १६ | |||
१९८२ विवरण | स्पेन | इटाली | ३-१ | पश्चिम जर्मनी | पोल्यान्ड | ३-२ | फ्रान्स | २४ | |||
१९८६ विवरण | मेक्सिको | अर्जेन्टिना | ३-२ | पश्चिम जर्मनी | फ्रान्स | ४-२ (अ.स.) | बेल्जियम | २४ | |||
१९९० विवरण | इटाली | पश्चिम जर्मनी | १-० | अर्जेन्टिना | इटाली | २-१ | इङ्ल्यान्ड | २४ | |||
१९९४ विवरण | संयुक्त राज्य अमेरिका | ब्राजिल | ०-० (अ.स.) (३-२पे) | इटाली | स्विडेन | ४-० | बुल्गेरिया | २४ | |||
१९९८ विवरण | फ्रान्स | फ्रान्स | ३-० | ब्राजिल | क्रोएशिया | २-१ | नेदरल्याण्ड | ३२ | |||
२००२ विवरण | दक्षिण कोरिया आ जापान | ब्राजिल | २-० | जर्मनी | टर्की | ३-२ | दक्षिण कोरिया | ३२ | |||
२००६ विवरण | जर्मनी | इटाली | १-१ (अ.स.) (५-३पे) | फ्रान्स | जर्मनी | ३-१ | पोर्चुगल | ३२ | |||
२०१० विवरण | दक्षिण अफ्रिका | स्पेन | १-० (अ.स.) | नेदरल्याण्ड | जर्मनी | ३-२ | उरुग्वे | ३२ | |||
२०१४ विवरण | ब्राजिल | जर्मनी | १-० (अ.स.) | अर्जेन्टिना | नेदरल्याण्ड | ३-० | ब्राजिल | ३२ | |||
२०१८ विवरण | रसिया | भविष्य प्रतियोगिता | भविष्य प्रतियोगिता | 32 |
This article uses material from the Wikipedia मैथिली article फिफा विश्वकप, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0 कऽ अन्तर्गत विषय सूची उपलब्ध अछि । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मैथिली (DUHOCTRUNGQUOC.VN) is an independent company and has no affiliation with Wiki Foundation.