ڤومپير: شخصية ف لأساطير و لقيصاص الشعبية

ف لفولكلور لؤروپي، لڤومپير كان عادةً بنادم لي مات و رجع و ولّا كائن ماشي ميت، باش يدير مشاكل ل حبابو ف لحياة، و يتسبب ف قتيلات ف لبلايص لي كان سكن فيهوم قبل. لڤومپير د لفولكلور كيكون لابس كفن و وجهو منفوخ و قريب ل لكحولية. هاد التصور كيختالف بزاف على اللي نتاشر من بعد ف الروايات لي تكتبو من لقرن 19 فاش تّنتاشر و تّشهر لمفهوم ديال لڤومپير، و لي كيبان فيهوم رقيق و وجهو شاحب.

لقيصاص ديال لڤومپير كانلقاوهوم ف لعالم كامل، ف ؤروپا، أسيا و إفريقيا، تحت مسميات مختالفين. لقصة لي عطات شهرة ل لڤومپيرات كانت ديال كاتب نڭليزي سميتو دجون ويليام پوليدوري لي كان عنوانها نيت لڤومپير، و خرجات ف 1819 ف إطار مسابقة ديال لقصة لي كانت شاركات فيها تا لكاتبة لمشهورة ماري شيلي ب رواية فرانكنشطاين. ولاكين الشكل ديال الرواية لڤومپيرية كا نوع أدبي كيما معروف دابا دارو لكاتب النڭليزي برام سطوكر ف روايتو دراكولا.

كلمة "ڤومپير" أصلها من اللوغة الصربية вампир، و كلمات مطابقة ؤلا بحالها كانلقاوهوم ف لوغات سلاڤية خرة. لمعنى لأصلي ديالها مامعروفش، ولاكين كاينة فرضية بلي جاية من شي كلمة تركيكية قديمة لي كاتعني "شوافة" ؤلا "سحّارة".

بعض لعولاما كيعتقادو بلي واحد لمرض د لكبدة سميتو پورفيريا يقدر يكون هوّا لأصل ديال لأساطير على لڤومپيرات و بنادم الديب، حيت كيسبب أعراض كيشبهو شوية ل لوصف الشعبي ديالهوم.