سڤيتلانا تيخانوڤسكايا، (ب لبيلاروسية: Святлана Ціханоўская، و ب روسية: Светлана Тихановская) (تزادت نهار 11 شتنبر 1982)، هي ناشطة سياسية بيلاروسية، و مرشحة ل لإنتخابات رئاسية ديال بيلاروسيا 2020.
سڤيتلانا تيخانوڤسكايا | ||
معلومات عامة | ||
زيادة | 11 شتنبر 1982 (41 عام) Mikaševičy (لإتحاد السوڤياتي) | |
لجنسية | بيلاروسيا (1991–) لإتحاد السوڤياتي (1982–1991) | |
لحرفة | سياسية | |
لّوغات لي كيعرف | لبيلاروسية، لألمانية، نڭليزية و روسية | |
لكاريير ديال الشخص | ||
شارك ف | ||
لفاميلة | ||
شريك | سيرجي تيكانوفسكي (2004–) | |
معلومات خرى | ||
لحيزب | لامنتمي | |
سّيت رّسمي | https://tsikhanouskaya.org | |
لجوايز | ||
قبل ما تكون مرشحة ل رئاسة، تيخانوڤسكايا كانت أستادة و مترجمة. و هي مزوجة من واحد ليوتوبر، مدون، و ناشط سياسي لمعتقل، سيرجي تيخانوڤسكي.
تعتاقل زوج ديال سڤيتلانا ف 29 ماي، بعدما ترشح ل لإنتخابات رئاسية. من بعد هادشي، علنات سڤيتلانا تيخانوڤسكايا بلي غادي ترشح بلاصتو. ف تسجلات نهار 14 يوليوز 2020 ك مرشحة مستقلة. من بعد ما تسجلات، حضات ب لمساندة ديال لحملة د ڤالري تيپكالو و ڤيكتار باباريكا، لي هوما جوج من أكبر شخصيات لمعارضة ف بيلاروسيا، و لي تمنعو من ترشح ل رئاسة. واحد تصويرة ديال تيخانوڤسكايا مع ماريا كوليسنيكوڤا، لي هي لمسؤولة د لحملة ديال ڤيكتار باباريكا، و زوجة ديال ڤالري تيپكالو، ولات رمز ديال لحملة لنتيخابية ديالها.
ف يونيو، نشرات واحد لڤيديو كاتݣول فيه بلي تعرضات ل تهديد ب لإعتقال، و أن ولادها غايتخادو منها ف حالة ستامرات ف لحملة لإنتيخابية ديالها. بعد هاد لحادتة، صيفطات ولادها ل برا د لبلاد، باش يبقاو ف أمان مع جداتهم.
قبل لحملة لينتيخابية، رئيس د بيلاروسيا ألكسندر لوكاشينكو ݣال بلي لبلاد ما مستاعداش ل رئيسة أنتى. لحملة ديال سڤيتلانا تيخانوڤسكايا جات بعد تقرير ديال أمنستي، لي ندد ب لمعاملة لعنصرية ديال ناشطات سياسيات ف بيلاروسيا.
تيخانوڤسكايا ݣالت بلي سبب ف ترشح ديالها ل رئاسة هو لحب، و رغبة ديالها ف أنها تحرر زوج ديالها من لمعتقل. و ݣالت بلي لهدف لأساسي ديالها هو تخلق انتخابات نزيهة و حرة. تيخانوڤسكايا كاتشوف بلي لإنتخابات لحالية ما عندهاش شرعية حيتاش لحكومة كاترفض تسجل لمنافسين سياسيين رئيسيين ديال لوكاشينكو. سڤيتلانا تعهدات أنها تدير بلان باش تولي لإنتخابات ف لبلاد أكتر شفافية وخاضعة ل لمسائلة ف 6 شهور بعدما تنجح تولي رئيسة.
ب رغم من أن سڤيتلانا تيخانوڤسكايا مرشحة مستقلة، قدرات أنها تجدب عدد كبير من لأنصار ف ݣاع لمناطق د بيلاروسيا، و ݣاع لمعارضين كيفما كانت توجهات ديالهم كايدعموها. ڤيتال ريماشوسكي، زعيم ديال لحزب لمسيحي ديمقراطي لبيلاروسي، علن على دعم ديالو ل تيخانوڤسكايا، و نفس شيئ ب نسبة ل حزب ديمقراطي لإجتماعي لبيلاروسي، لحزب لمدني لموحد، لحزب نسائي لبيلاروسي. سڤيتلانا تيخانوڤسكايا تدعمات حتى من لمرشح رئاسي سابق ديال لإنتخابات رئاسية 2010، ميكولا ستاتكيڤيتش.
تقدر تزيد شوف بزاف د تّصاور و لمعلومات ديال Sviatlana Tsikhanouskaya ف ويكيميديا كومنز. |
This article uses material from the Wikipedia داريجة article سڤيتلانا تيخانوڤسكايا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.