أحمد عصيد

تزاد ف تارودانت نهار 14 يوليوز 1961، شد لإجازة ف لفلسفة من كلية الآداب و لعلوم الإنسانية ف الرباط عام 1984، و فعام 1988 قدر يتخرج من كلية عولوم التربية. كان خدم ؤستاد د تعليم تاناوي، و بدا النشر عام 1979 فاش دار قصيدة ديالتو "البدء، غدا يولد" ف جريدة لمحرر. ف2016 جاوه تهديدات بلقتيل من عند داعش اللي حطّوه فالليستة لكحلة ديالهوم اللي كاتخص الشخصيات ديال لمغريب، من مورا تلت سنين ما جاوه تهديدات خرين بزاف د لمرات.

أحمد عصيد
معلومات عامة
زيادة	14 يوليوز 1961 (62 عام) تارودانت
لجنسية	لمغريب
لحرفة	كاتب
لّوغات لي كيعرف	عربية و لفرانساوية

تزاد أحمد عصيد عام 1961 ف دوّار "تاورميت" ف منطقة د "إدوسكا أوفلا"، ف إقليم تارودانت ف لمغريب. تعلم ف دوّار ديالو منين كان صغير مبادئ د لحرية و لمساواة و تقسيم لخدمة، قرا ف مدينة لقنيطرة ما بين عام 1965 و 1980 و فيها خدا لباكالوريا ف ليسي التقدم، و جاب النقطة اللولا ف إقليم القنيطرة و خاد عليها جايزة تقديرية من لمندوبية د وزارة التربية لوطنية ف لإقليم. كمل قرايتو ف التعليم لعالي برباط ف شعبة لفلسفة و الصوصيولوجيا. وتخرج أستاذ د لفلسفة من كلية علوم التربية عام 1988.

• دراسات في الأدب الأمازيغي. رّباط: المعهد الملكي للثقافة الأمازيغية. 2015. ردمك 9789954282069.