منصف السلاوي: دكتور مغربي أمريكي

و ف15 ماي 2020 طرامپ علن بلي السلاوي غادي يكون شاف د لفريق لي كلفاتو لحوكومة لميريكانية باش يوجدو لقاح لڤيروس كورونا.

منصف السلاوي
معلومات عامة
زيادة	22 يوليوز 1959 (64 عام) أڭادير
لجنسية	لمغريب بلجيكا
لحرفة	باحت و عالم مناعة
لّوغات لي كيعرف	عربية، نڭليزية و لفرانساوية

تزاد منصف ف 22 يولبوز 1959 فأكادير ف لمغريب، لواليد ديالو كان بيزنيسمان عندو مقاولة فالمجال ديال السقي لفلاحي، و الواليدة ديالو ربة بيت عندو جوج ديال لخوت صغر منو (واحد منهوم مات) و عندو ختو كبر منو. قرا منصف فالليسي ديال محمد الخامس ف كازا تما خدا لباك عام 1976 من بعد كان باغي يدير الطب ف فرانسا ولاكين فاتت عليه لوقيتة د التسجال حيت كان ملاهي مع لمرض ديال الواليدة ديالو ف ديك لوقيتة،داكشي علاش قرر يدير لبيولوجيا فبلجيكا و من بعد عام واحد بدل التخصص باش يكمل فالطب ف فرانسا، لاكين من بعد عام بغا يرجع يكمل ف نفس التخصص د لبيولوجيا لجزيئية حتا خدا الدوكتورا ف البيولوجيا الجزيئية و عيلم لمناعة من لجاميعة د بروكسيل كان عنوان لأطروحة ديالو هوا "Etude de la diversité et de la sélection des répertoires idiotypiques dans le système immunitaire".

 

من بعد ماخدا الدوكتورا نتاقل منصف ل لميريكان معا الزوجة ديالو لي كانت كاتوجد بحت علا الإنفلونزا، و هوا كان كايقري علم المناعة ف لجاميعة د هارڤرد،و ف1988 غاينضم ل شركة ڭلاكسو سميث كلاين كا باحيت في مجال لڤاكسانات، و من بعد ف 2006 غايولي هو رئيس قيسم لبحت و التطوير ف الشركة. بقا منصف خدام معا هاد الشركة لمدة ديال 30 سنة، فهاد لمدة ساهم ف كتيشاف ڤاكسان ل مجموعة من لأمراض منها سرطان عنق الرحم، لتيهاب لمعدة و لمصارن، إيبولا، لمالاريا... ف 30 يونيو 2017 غادر منصف شركة د ڭلاكسو سميث كلاين و نضم ل شركة ميديكسي Medicxi ف ؤروپا و شركة موديرنا Moderna ف ماساتشوستس ف ميريكان.

 

ف 22 ماي 2020 الرئيس د لميريكان دونالد طرامپ علن رسميا على إطلاق مشروع Operation Warp Speed لي لهاداف منو هو يوجدو 300 مليون ضوز ديال لڤاكسان ضد كورونا ف يناير 2021، و تعين منصف على راس لفريق لي تكلف ب هاد لمشروع، و ف اللقاء الصحفي باش يعلنو على لمشروع صرح منصف بلي كتيشاف ڤاكسان ف مدة مابين 12 ل 18 شهر "صعيبة" ولاكين "ممكنة"، و باش يتجنب تضارب لمصالح قرر منصف يستاقل من شركة موديرنا Moderna لي حتى هي كانت كاتطور لقاح ل لڤيروس.

منصف السلاوي مسلم الديانة، كايدوي ب طلاقة ب الدارجة، لفرونسي و نّݣليزية. عندو تلاتة لولاد، لأخ ديالو محمد دكتور متخصص ف طب لجهاز لهضمي، و لأخت ديالو هادية أستادة جامعية فالأدب لفرنساوي ف لجاميعة د الدار البيضا.

أعمال

• Slaoui، Mohamed Monsif (1983). Etude de la diversité et de la sélection des répertoires idiotypiques dans le système immunitaire (ب لفرانساوية). Bruxelles: Université libre de Bruxelles، Faculté des sciences. identifier: ulbcat.ulb.ac.be:537608
• Rosenthal، Susan L.؛ Stanberry، Lawrence R.؛ Biro، Frank M.؛ Slaoui، Moncef؛ Francotte، Myriam؛ Koutsoukos، Marguerite؛ Hayes، Marianne؛ Bernstein، David I. (غشت 1997). "Seroprevalence of Herpes Simplex Virus Types 1 and 2 and Cytomegalovirus in Adolescents". The Journal of Infectious Diseases. 176 (2): 331–338. doi:10.1093/clinids/24.2.135. PMID 9237697.
• Stanberry، Lawrence R.؛ Spruance، Spotswood L.؛ Cunningham، Anthony L.؛ Bernstein، David I.؛ Mindel، Adrian؛ Sacks، Stephen؛ Tyring، Stephen؛ Aoki، Fred Y.؛ Slaoui، Moncef؛ Denis، Martine؛ Vandepapeliere، Pierre؛ Dubin، Gary (21 نونبر 2002). "Glycoprotein-D–Adjuvant Vaccine to Prevent Genital Herpes". The New England Journal of Medicine. 347 (21): 1652–1661. doi:10.1056/NEJMOA011915. PMID 12444179.
• Bourne، Nigel؛ Bravo، Fernando J.؛ Francotte، Myriam؛ Bernstein، David I.؛ Myers، Martin G.؛ Slaoui، Moncef؛ Stanberry، Lawrence R. (15 فبراير 2003). "Herpes Simplex Virus (HSV) Type 2 Glycoprotein D Subunit Vaccines and Protection against Genital HSV‐1 or HSV‐2 Disease in Guinea Pigs". The Journal of Infectious Diseases. 187 (4): 542–549. doi:10.1086/374002. PMID 12599070.
• Slaoui، Moncef (23 أبريل 2010). "The rise and fall of rosiglitazone: reply". European Heart Journal. 31 (10): 1282–1284. doi:10.1093/EURHEARTJ/EHQ118. PMID 20499440.
• Famm، Kristoffer؛ Litt، Brian؛ Tracey، Kevin J.؛ Boyden، Edward S.؛ Slaoui، Moncef (10 أبريل 2013). "A jump-start for electroceuticals". Nature. 496 (7444): 159–161. doi:10.1038/496159A. PMC 4179459. PMID 23579662.
• Uguen، David؛ Lönngren، Thomas؛ Le Cam، Yann؛ Garner، Sarah؛ Voisin، Emmanuelle؛ Incerti، Carlo؛ Dunoyer، Marc؛ Slaoui، Moncef (2014). "Accelerating development، registration and access to medicines for rare diseases in the European Union through adaptive approaches: features and perspectives". Orphanet Journal of Rare Diseases. 9 (1): 20. doi:10.1186/1750-1172-9-20. PMC 3923002. PMID 24513034.

مقالات

• Slaoui، Moncef (1 يوليوز 2013). "It's Time to Further Incentivize Medical Innovation". Huffington Post.