甲午戰爭

甲午戰爭
日期： 1894年8月1號 - 1895年4月17號 地點： 朝鮮半島、遼東半島、山東威海、黃海 結果： 日本大獲全勝，大清帝國戰敗並簽訂《馬關條約》 北洋艦隊覆滅 大清正式撤出朝鮮半島 領土變更： 朝鮮國自大清帝國獨立，日本控制之後兼併朝鮮半島 大清割讓遼東半島、台灣、澎湖畀日本
參戰方
大清帝國	大日本帝國
指揮官同領導者
光緒皇帝 慈禧太后 李鴻章 劉坤一 宋慶 依克唐阿 長順	明治天皇 山縣有朋 野津道貫 大山岩 伊東祐亨 桂太郎 川上操六
兵力
約630,000人 欽差大臣劉坤一統一指揮奉軍、吉林靖邊軍、黑龍江鎮邊軍、毅軍、淮軍、湘軍各營，依克唐阿、長順守盛京方向，宋慶守山海關方向 北洋水師	240,616人 陸軍第1軍 陸軍第2軍 聯合艦隊
傷亡同損失
约11,864人陣亡 6,840人受傷 除鎮遠、濟遠被俘虜，北洋水師沉嗮	1,132人陣亡 3,758人受傷 被清軍處死若干間諜

呢場仗係由於大清同日本之間，為咗爭奪朝鮮半島控制權嘅同時，日本入侵大清而爆發，最後滿清政府戰敗，清政府被逼要簽署《馬關條約》，割讓臺灣、澎湖同附屬島畀日本。

 

十九世紀中後期，沙俄帝國喺中國東北同埋朝鮮半島開始擴張勢力嘅行動。呢個時候，正進行緊明治維新嘅日本驚俄羅斯嘅擴張行動會影響到佢哋嘅發展空間。

1875年（大日本帝國明治八年，大清朝光緒元年），朝鮮國王李熙因為年紀重細，所以由佢爸爸李昰應攝政，即係大院君。由於佢排外，所以落咗一道命令，邊個同日本人交涉嘅話，邊個就要處死。

同一年，一艘叫雲揚號嘅日本軍艦航行去朝鮮江華島附近進行勘測工作。由於當時嘅反日氣氛，所以江華島上面嘅守軍就向雲揚號開火。但由於雲揚號全力反擊，江華島炮台因此畀日本人摧毀。之後，日軍更加登陸佔領永宗城。

呢次衝突後，朝鮮被迫同日本喺江華島上簽訂一條不平等條約，即係江華島條約。條約中列明，朝鮮政府必須畀日本人擁有貿易特權；同時，朝鮮同埋日本要互相承認對方係獨立國家。因為呢個條約，朝鮮逐步走入成為日本殖民地嘅道路。

呢件事過後，朝鮮政府內部嘅保守派同維新派出現爭論。保守派人認為，朝鮮最好保持以往「事大交小」嘅外交方式，即係繼續承認大清帝國係朝鮮嘅宗主國。但係維新派人就認為，大清帝國喺呢十幾年裏面，連自己嘅國土都保唔住，經常畀外國列強入侵割地，所以大清帝國已經唔再可靠。朝鮮而家應該同歐美列強建交，靠外國人嘅力量嚟發展朝鮮同埋抵抗日本。

• 甲午戰爭
• 清日甲午戰爭與台灣

   呢篇甲午戰爭係一篇關於歷史嘅楔位文章。你可以編輯呢一版嚟充實內容。