張國榮官方歌迷會

1983年正值張國榮啱出道冇耐，嗰時佢人氣未算好高，認為自己歌迷唔多，所以佢本身亦未打算成立歌迷會。但好快同年嘅《風繼續吹》令佢打開知名度，於是響1984年1月表示因為最近新出兩張嘅唱片（指《風繼續吹》同埋《張國榮的一片痴…》）反應唔錯，對自己嘅信心增加咗，就樂於成立歌迷會。張國榮官方歌迷會最終響同年2月成立，旨在應援張國榮。1989年張國榮宣佈退出樂壇，官方歌迷會亦跟住解散；而張國榮響1995年復出樂壇後，就未再成立官方嘅歌迷會。

張國榮官方歌迷會以香港做總部，由張國榮所屬嘅娛樂公司無綫電視有限公司負責監管日常運作同埋財政狀況，為成員提供關於張國榮嘅重要新聞同埋大型活動嘅建議，營運費主要係嚟自會員交嘅會費。

制度

會長一職由無綫電視旗下嘅員工出任，一手包辦搞聚會同埋會務通知嘅工作；每當有聚會或者會務嗰陣，會長要親手寫信再印畀會員，清楚交代細節。至於屬於義務性質嘅委員，就要負責通知會員活動嘅詳情。如果想入會就要到張國榮經理人陳淑芬嘅辦公室，會費係100蚊，入會禮物係一隻外型係福士汽車嘅電子手錶。響第一任會長李偲嫣時期已經有一百幾個會員。

活動

張國榮官方歌迷會活動唔多，會搞歌迷聚會、同埋每年一次慶祝張國榮生日嘅生日聚會。當歌迷會響1989年解散後，有部份會員自發搞活動，包括登頭版廣告慶祝張國榮生日、自發搞聚會等。

• 張國榮歌迷會第一任會長係李偲嫣。

書籍

• 潘瑞香歌迷社群的愉悅與反抗：以偶像歌手之歌迷俱樂部為例 (2002). 〈第五章〉. 《歌迷俱樂部與流行音樂工業的角力》 (PDF) (論文) (中文). 國立政治大學社會學研究所. 原先內容歸檔 (PDF)喺2020-02-20. 喺2020-02-20搵到.

攷