吳保錡: 香港男藝人

2018-2020年

吳保錡喺2018年透過參加ViuTV嘅選秀節目《Good Night Show 全民造星》進入廿強而令大眾認識，比賽結束之後同肥仔（梁業）、DeeGor（何啟華）同193（郭嘉駿）組成男子偶像組合ERROR， 喺2018年12月2號推出歌曲《404》作為出道作品。之後同ERROR其他成員一同參加ViuTv節目《花姐ERROR遊》，佢挑戰食辣拉麵同生吞魚頭嘅勇敢表現獲得唔少讚賞，佢嘅金句好似「快吞轟」及「惟快不破」更加流行一時。同年9月《花姐ERROR遊2》推出，而組合ERROR亦喺10月2號喺麥花臣體育館演出首次Talk Show《人到中年 口不擇言》ERROR道歉招待會，呢次嘅演出備受讚賞。

吳保錡細細個就鍾意音樂，識得彈琴同埋吹小號，除咗以ERROR身份推出嘅團體歌曲外，佢同時亦都以獨立音樂人身分PØK1同其他音樂人包括JNYBeatz、Delta T及Madboii等合作自資出咗好多首歌。喺訪問入面佢曾經表示喺2020年佢決定每月出一首歌，而喺2020年最後佢總共自資出咗15首歌，同JNYBeatz及Delta T合作嘅歌曲《Can't Stop》就幾受樂評人好評。

2021年

年頭因爆出三角戀緋聞而短暫宣佈休息。四月時《ERROR自肥企畫》熱播，吳保錡喺節目中成功完成高難度嘅片石及電結他挑戰，令觀眾重新認識佢嘅真性情並對佢改觀。節目結束播放後，吳保錡亦以獨立音樂人身分PØK1推出一手包辦曲詞嘅歌曲《W.W.W.M》，繼續佢喺音樂上嘅創作。之後ERROR喺7月12號推出嘅派台歌《我們不chok》亦由佢聯同JNYBeatz同埋Delta T共同作曲。喺8月，吳保錡同ERROR成員為日本動畫電影《鱷魚君最後的100天》配音，呢次係佢首次擔任電影配音工作。

另外，吳保錡係服裝品牌 Lost Life及Øbeginning1嘅創辦人。其中Lost Life曾經同華爾登餅店合作推出月餅、同潮牌Ad-Lib合作推出「快吞轟」Tee仲有和服、同口罩品牌WM Project推出多款口罩，仲有同日本品牌6dots合作推出背囊等產品。喺2022年就推出咗個人玩具品牌TriMeToy。

2022年

4月18日，吳保錡首次以ERROR成員名義推出獨唱單曲《猥瑣》，MV喺ERROR官方YouTube頻道首播。《猥瑣》亦得到咗Chill Club榜冠軍。，同年9月30日推出第二首作品《羅曼蒂克衰亡史》。於11月23日推出第三首個人派台作品《Am I Crazy?》，呢首歌搵咗日本作曲班底主理，充滿J-Rock味道，同先前兩首作品嘅風格截然不同。呢一年佢喺《新城勁爆頒獎典禮》獲得「勁爆新人」獎項。

呢一年佢亦都出任咗NowTV 2022年世界盃嘅宣傳大使。另外於12月16-19日ERROR亦喺九展Star Hall舉行咗四場《明星生活》live show，呢次演唱會嘅飛亦都迅速賣完。

2023年

4月20日推出第4首個人單曲《Echo My Heart》。5月8日喺《Chill Club推介榜年度推介22/23》上獲得男新人銀獎。ERROR首部擔正演出嘅電影《陰目偵信》亦定檔喺8月10日上映。

2023年8月1日，古巨基公佈「I Really Love To Sing」音樂企劃第十回，佢同30位新晉歌手翻唱於2005年推出並收錄於同名專輯嘅歌曲《星戰》，當中嘅新晉歌手包括吳保錡。

2023年9月22日推出第5首個人單曲《黑貓》。

2024年

拍攝將近一年嘅跑步節目《公司冇逼我跑馬拉松》喺1月份播出並大受歡迎。節目一眾主持同Kolor合作推出以跑步為主題嘅歌曲《一二一二》，另外亦有保錡同Kolor主音Sammy合唱嘅派台版本。

喺1月21日舉行的渣打馬拉松以45分完成10k賽事，比去年快接近10分鐘。

2月時受邀去中文大學做演講嘉賓，同在場學生分享演藝事業嘅見聞。

軼事

• 因經常爆出金句而為人熟悉。金句包括「快吞轟」、「貧窮限制工作態度」、「地底泥」同港普金句「禾Bu是賣飛滴」等
• 2023年首次參加《第25屆渣打香港馬拉松》10公里項目，最終以55分鐘完成賽事。之後佢亦繼續參加各式馬拉松比賽，自稱係「音樂運動員」﹐其後與柳爺柳俊江共同創立「大埔民間體育會」，與大埔街坊一同跑步
• 出道4年獲得多次銀幕接吻機會，但只同男人接吻。
• 2024年threads興起，佢喺threads發起「笑一個」行動，散播正能量，人稱「ViuTV笑一哥」。

電視節目（ViuTV）

個人音樂作品

註：組合名義嘅音樂作品，請睇ERROR。

註：組合名義嘅派台歌，請睇ERROR。

• （*）喺榜上
• （-）未能上榜
• （×）冇派去該台
• （(1)）兩週冠軍

海外電台訪問

吳保錡係服裝品牌Lost Life嘅創辦人。其中Lost Life曾經同華爾登餅店合作推出月餅、跟潮牌Ad-Lib合作推出「快吞轟」Tee與和服、與本地街頭品牌 PROJECT 4 聯乘推出「唯快不破」系列包括Tee、褲子和外套、同口罩品牌WM Project推出多款口罩同埋同日本品牌6dots合作推出背囊等產品。

自2023年起，Lost Life配合保錡熱愛跑步嘅蛻變，開始推出運動用品，如跑褲、跑衫等。

另外亦喺2022年開設個人玩具品牌TriMeToy，推出一系列以佢本人為設計藍本嘅Dadeily玩具。