馬爾代夫: 亞洲國家

16世紀，馬爾代夫試過畀葡萄牙短暫佔領過一陣。1950年代中期，馬爾代夫成為咗英國嘅保護國。1965年，馬爾代夫搣甩英國統治成功獨立，同年加入聯合國。

馬爾代夫橫跨赤道，屬於熱帶氣候，全年畀陽光照射，四季唔明顯，一年當中以4月最熱，12月最凍。12月至4月屬於乾季，5月至11月就係濕季。

馬爾代夫總人口將近27萬，四份之一住喺首都馬累。馬爾代夫人通用語言係迪維西文。馬爾代夫人以伊斯蘭教做國教，有好多宗教習俗，譬如禁酒、禁食豬肉、每日禱告五次等等。

馬爾代夫嘅流通貨幣係馬爾代夫盧比，輔幣係拉里Laaree。有2、5、 10、20、50、100、500盧比等面額銀紙同埋1、5、10、25、50拉里同1盧比銀仔。一般酒店用得美金。

馬爾代夫平均國民生產毛額超過2,000緡美金，經濟富裕程度居南亞國家頭三名。馬爾代夫佔全世界珊瑚礁面積有5%，經濟以漁業為主，1972年，意大利人去到馬爾代夫成立第一個休閒度假村，吸引唔少歐洲人去玩，旅遊業自此大放異彩，成為馬爾代夫主要經濟來源，觀光外匯收入佔國家外匯收入60%以上。馬爾代夫無現代化工業，淨係有小型船舶修造廠、 漁業產品、水果加工、手工藝製作等細囈工業。海島土地又瘦又少，發展唔到農業自給，絕大多數工業產品同生活必需品靠由斯里蘭卡、印度等南亞國入口。主要出口商品係海產同成衣。

2004年印度洋大地震引起嘅海嘯破壞咗馬爾代夫唔少度假村，更摧毀咗唔少本地居民住嘅島，重創當地觀光業。

馬爾代夫第三任總統މައުމޫނު ޢަބްދުލް ޤައްޔޫމ獨裁統治咗近30年，2008年總統大選輸畀代表反對派參選嘅納希德而落臺。

2012年2月7號，喺國內爆發警察叛變同埋群眾示威之後，納希德宣布辭職，總統職權移交畀副總統。後來納希德自爆佢喺畀人用槍指住逼落臺。

 

維基同享有多媒體嘅嘢：

Maldives（類）

 

響維基新聞度有一單新聞係同呢篇文有關：
Category:Maldives

 

維基語錄收錄咗同呢篇文相關嘅摘錄： Maldives

 

維基遊埠有呢篇旅遊嘅資源：Maldives

• "The President's Office".
• "Visit Maldives".
• 〈国家概况 — 中华人民共和国外交部〉 (簡體中文). 中華人民共和國外交部.
• 〈馬爾地夫共和國 Republic of Maldives - 亞太地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文). 中華民國外交部.
• "Maldives - United States Department of State" (英文). 美國國務院.
• 馬爾代夫喺中央情報局《世界概況》嘅資料 （英文）
• 〈モルディブ共和国 ｜ 外務省〉 (日文). 日本外務省（日文：外務省）.
• "Maldives - Department of Foreign Affairs and Trade" (英文). 澳洲外交貿易部（英文：Department of Foreign Affairs and Trade (Australia)）.