馬哈迪: 馬來西亞政治人物

馬來西亞現代化之父 尊敬的 敦 馬哈迪 Tun Mahathir bin Mohamad 國會議員 醫生 DK SMN SPMJ SSAP DGSM SPNS DUPN SPDK
2018年嘅馬哈迪
第4、7任馬來西亞首相
任期 2018年5月10號－2020年3月1號 2020年2月24號－3月1號（過渡期）
副總理	旺阿茲莎
最高元首	端姑莫哈末五世 蘇丹阿都拉
前任	納吉阿都拉薩
繼任	慕尤丁
任期 1981年7月16號－2003年10月31號
國家元首	歷任最高元首 蘇丹阿末沙 蘇丹馬末·依斯幹達 蘇丹阿茲蘭沙 端姑查法 蘇丹沙拉胡汀 端姑米占·再納·阿比丁 端姑賽西拉祖丁
前任	胡先翁
繼任	阿布都拉·巴達威
馬來西亞國會下議院議員 浮羅交怡
現任
就任日期 2018年7月16號 (2018-07-16)
前任	納華威阿末
多數票	8,893（2018）
希望聯盟名譽主席
任期 2017年7月14號－2020年2月24號
領袖	安華
前任	初創職位
繼任	職位廢止
土著團結黨領袖
任期 2016年9月7號－2020年2月24號
主席	馬哈迪
前任	初創職位
繼任	職位廢止
第21任不結盟運動秘書長
任期 2003年4月20號－2003年10月31號
前任	塔博·姆貝基
繼任	阿布都拉·巴達威
第4任馬來西亞副首相
任期 1976年3月5號－1981年7月16號
總理	胡先翁
最高元首	蘇丹雅耶·貝特拉 蘇丹阿末沙
前任	胡先翁
繼任	慕沙希淡（馬來話：Musa Hitam）
馬來西亞財政部長
任期 2001年6月5號－2003年10月31號
前任	達因·再努丁（英文：Daim Zainuddin）
繼任	阿布都拉·巴達威
任期 1998年9月7號－1999年1月7號
前任	安華
繼任	達因·再努丁（英文：Daim Zainuddin）
馬來西亞內政部長（英文：Minister of Home Affairs (Malaysia)）
任期 1986年5月8號－1999年1月8號
前任	慕沙希淡（馬來話：Musa Hitam）
繼任	阿布都拉·巴達威
馬來西亞國防部長（英文：Minister of Defence (Malaysia)）
任期 1981年7月18號－1986年5月6號
前任	泰益瑪目
繼任	阿布都拉·巴達威
馬來西亞國際貿易和工業部長（英文：Minister of International Trade and Industry (Malaysia)）
任期 1978年1月1號－1981年7月16號
總理	胡先翁
前任	韓沙阿布沙末（英文：Hamzah Abu Samah）
繼任	東姑阿末利濤丁依斯邁（馬來話：Tengku Ahmad Rithauddeen Ismail）
馬來西亞教育部長（英文：Minister of Education (Malaysia)）
任期 2020年1月3號－2020年2月28號 （代理）
總理	自己
前任	馬智禮
繼任	莫哈末拉迪（英文：Mohd Radzi Md Jidin）
任期 1974年9月5號－1977年12月31號
總理	阿都拉薩 胡先翁
前任	莫哈末耶谷（英文：Mohamed Yaacob）
繼任	慕沙希淡（馬來話：Musa Hitam）
馬來西亞國會下議院議員 古邦巴素
任期 1974年11月4號 (1974-11-04)－2004年3月4號 (2004-03-04)
前任	初創選區
繼任	佐哈里巴哈隆（國陣巫統）
多數票	自動當選（1974） 8,245（1978） 15,761（1982） 15,298（1986） 22,062（1990） 17,226（1995） 10,138（1999）
馬來西亞上議院吉打議員
任期 1972年12月30號－1974年8月23號
馬來西亞國會下議院議員 哥打士打南區
任期 1964年4月25號－1969年5月10號
前任	旺蘇萊曼（馬來話：Wan Sulaiman Wan Tam）（聯盟巫統）
繼任	尤索拉瓦（馬來話：Yusof Rawa）（泛馬回教黨）
多數票	4,210（1964）
個人資料
出世	(1925-07-10) 1925年7月10號（98歲） 馬來屬邦 吉打亞羅士打
國籍	馬來西亞
政黨	國家鬥士黨（2020年8月12號至到依家）
其他政黨	國民陣線 巫統 （1946年－1969年，1972年－2008年，2009年－2016年） 希望聯盟 土著團結黨（2016年8月—2020年6月4號）
配偶	茜蒂啊斯瑪
仔女	7（包括瑪麗娜、莫紮尼同慕克里）
親屬	依斯邁莫哈末阿里 莫哈末哈欣·莫哈末阿里
母校	馬來亞大學、新加坡國立大學
專業	醫生
知名於	馬來西亞現代化之父
宗教信仰	伊斯蘭教遜尼派
簽名
網站	chedet.cc

馬哈迪原本係醫生，之後先從政。1976年起做副首相，之後喺1981年7月16號接任首相，至2003年10月31號退休，係馬來西亞任職時間最長嘅政府首腦。馬哈迪執政風格果斷、注重實際，喺佢任內，馬來西亞經濟發展顯著，貧困率大幅度降低。

2018年5月9號第14屆馬來西亞下議院選舉，馬哈迪帶領嘅希望聯盟贏咗納吉阿都拉薩帶領嘅國民陣線，實現馬來西亞獨立61年後嘅首次政黨輪替，馬哈迪繼1981年至2003年後再一次擔任馬來西亞首相，直到2020年2月24號。2022年，佢再參與大選敗選。

 

馬哈迪喺吉打亞羅士打出生及成長，畢業於馬來亞大學同埋新加坡國立大學；學生時期喺校表現優異，考攞醫科並成為醫師。喺1964年前還未進入國會時已活躍於馬來西亞最大嘅政黨巫統。佢擔任一屆議員後敗選，又因為反對首相東姑阿都拉曼，而被巫統逐出。當東姑辭職後，馬哈迪重新加入巫統同進入國會，被首相阿都拉薩委任進入內閣擔任教育部長。1976年升為副首相。1981年7月16號，馬哈迪宣誓就任馬來西亞首相。

1981年至2003年，喺馬哈迪嘅領導下，馬來西亞從一個普通嘅發展中國家轉變成一個新興嘅工業化國家，經歷巨大嘅經濟成長。喺呢段期間，馬來西亞嘅地理景觀亦因為多項大型計劃而改變。1997年亞洲金融風暴前，馬來西亞喺全球經濟競爭力排名表上躍居第廿一位，人均年收入從1986年嘅1830美元增加到1996年嘅3627美元，國民富裕程度喺整個東南亞地區僅次於星加坡同汶萊，係泰國嘅2倍同印尼嘅5倍。馬哈迪政府亦嘗試將馬來西亞打造成區域教育中心，教育同語言政策漸趨寬鬆同開放，包括畀英語成為好多公立同私立大專院校嘅教學語言、中小學英文教數理政策，以及畀華文教育組織建立南方學院、新紀元學院同韓江學院。

 

1997年亞洲金融風暴，馬來西亞受到金融危機摧毀嘅威脅。馬哈迪喺公開批判貨幣投機家暨股票投資家佐治·索羅斯等外匯投機客嘅同時，拒絕國際貨幣基金組織嘅危機緩解「藥方」，對貨幣進行管制。經濟專家當時認為，外資將因此卻步，馬來西亞將步入經濟衰退期。然而，馬哈迪獨樹一幟嘅政策好快見效，領導馬來西亞走出金融危機嘅陰影，經濟復甦步伐係當時受金融危機打擊國家中最快嘅。1999年，馬來西亞重新步上經濟成長軌道，經濟增長率接近金融危機前嘅水平，嗰年經濟成長率約達6%；2000年，馬來西亞獲國際評級機構穆迪調升評級，指佢經濟發展前景穩定，整體經濟表現優於鄰近嘅泰國、印尼同菲律賓等國。

 

喺2002年6月22號嘅巫統大會中，馬哈迪宣布佢將會辭去首相一職，好多支持者湧往台上淚流滿面試圖挽留佢。之後佢定於2003年10月退任，等佢有時間以確保佢選定嘅繼任者阿布都拉·巴達威有序及冇爭議嘅權力交接，10月31號正式將首相職務移交阿布都拉。在職首相達22年，馬哈迪喺退位時係世界上在位最耐嘅被選舉國家領導人，亦係馬來西亞喺任最耐嘅首相。

 

 

退休後，馬哈迪仍然活躍於政壇，並批評佢提拔嘅首相阿布都拉·巴達威同埋納吉阿都拉薩。2016年2月29號，馬哈迪宣布退出巫統，理由係巫統黨內人士仍然支持納吉嘅行動，其他原因係一個馬來西亞發展有限公司醜聞（1MDB）。同年佢參與籌組土著團結黨，之後個黨加入反對黨陣營希望聯盟。

 

馬哈迪透過帶領希望聯盟喺2018年5月9號第14屆馬來西亞下議院選舉贏得大選，為馬來西亞實現首次政黨輪替。佢喺5月10號再次宣誓，就任馬來西亞聯邦第七任、在位最耐、同埋第一位做兩次嘅首相，兼且以92歳之齡成為世上最老嘅國家領袖。馬哈迪承諾上任後馬來西亞會「恢復法治」，並對一個馬來西亞發展有限公司醜聞（1MDB）做出深入同透明嘅調查；佢對媒體表示，如果前首相納吉阿都拉薩犯錯，納吉自己須對此承擔後果。馬哈迪做咗首相之後，美國總統當勞侵恭賀佢，並表示兩國嘅關係建立喺長久密切嘅人民關係、民主價值及商業關係上。

復任首相期間，佢幾次出訪其他國家或同各國領導人交流會面。截至2019年7月30號，馬哈迪已出國訪問22次，相關費用達1432萬令吉。

2020年1月3號，馬哈迪出任代教育部長，時任教育部副部長張念群喺Facebook貼文表示，歡迎馬哈迪出任代教育部長職務，並表示會支持同配合馬哈迪將實施嘅教育轉型工作。

推介5G馬來西亞

2019年4月18號，馬哈迪推介「5G馬來西亞：社群躍進」展覽會，展示馬來西亞嘅5G夢想同實踐。「5G馬來西亞」嘅推介亦係延續馬哈迪喺1996年提出嘅多媒體超級走廊發展項目，以發展馬來西亞成為數字經濟嘅典範。

馬哈迪喺2020年2月24號辭任首相，由慕尤丁接任。同年3月19號，馬哈迪同一名確診武漢肺炎嘅國會議員俞利文有密切接觸，因此佢自我隔離14日。

接種疫苗

2021年3月7號，馬哈迪同老婆茜蒂啊斯瑪喺浮羅交怡體育館內嘅疫苗接種中心，接種武漢肺炎BNT162疫苗。馬哈迪成為馬來西亞嗰時最年長嘅接種者。3月28號，馬哈迪接種第二劑武漢肺炎疫苗，佢較後喺Twitter發文表示一切感覺良好，並無任何反常副作用。

•  
  1984年訪問美國嘅馬哈迪
•  
  1998年1月12號，馬哈迪喺吉隆坡同美國國防部長威廉·科恩會面
•  
  2002年5月21號，馬哈迪同日本首相小泉純一郎會面
•  
  2003年8月5號，馬哈迪喺布城同俄羅斯總統普京會面交流
•  
  2012年9月7號，馬哈迪同泰國前總理亞比昔威猜芝華（左一）會面
•  
  2018年5月31號，馬哈迪喺吉隆坡同印度總理莫迪會面
•  
  2018年7月15號，馬哈迪同菲律賓總統杜特地合照
•  
  2018年8月3號，馬哈迪喺布城同美國國務卿龐比奧會面
•  
  2019年8月9號，馬哈迪喺布城同印尼總統佐戈維多多會面
•  
  2019年9月5號，馬哈迪抵達俄羅斯符拉迪沃斯托克，同俄羅斯總統普京、蒙古總統巴特圖勒嘎等人參加第五屆東方經濟論壇
•  
  2019年10月26號馬哈迪到訪阿塞拜疆，同阿塞拜疆總統伊利哈姆阿利耶夫會面
•  
  2019年11月25號，馬哈迪（後排右一）到韓國釜山參加東盟韓國紀念峰會

• 《馬來人的困境》（The Malay Dilemma）（1970年）
• 《馬哈迪醫生的信：與世界領袖溝通實錄》（Dr Mahathir’s Selected Letters to World Leaders）（2008年）
• 《醫生當家：敦馬哈迪醫生回憶錄》（A Doctor in the House: The Memoirs of Tun Dr. Mahathir Mohamad）（2011年）
• 《馬哈迪的智謀》（The Wit And Wisdom of Dr Mahathir Mohamad）（2014年）

• Usah Berkira Belanja Wang Untuk Buku

（知識好重要，千祈唔好將買書嘅費用當係一種多餘嘅花費）

• Persediaan Strategi Menentukan Kejayaan

（完全嘅準備同事先嘅策劃决定你能唔能夠成功）

• Ubah Mindset Bekerja Kepada Berniaga

（將打工嘅心態轉變為創業嘅心態）

• Pertahankan Tanah Air Kita Walaupun Apa Jua Keadaan

（我哋一定要不惜一切保衛我哋嘅家園）

• Dalam Kepimpinan Perlu Tahu Apa Orang Bawahan Mahu

（一名優秀嘅領導必須了解下屬嘅需求）

• Disiplin Adalah Kunci Kejayaan Hidup

（紀律係成功嘅主要關鍵之一）

• Kepada Orang Muda, Usah Dilayani Keseronokan

（畀後生嘅建議，唔好過度玩樂）

• Bersih, Cekap & Amanah

（廉潔、高效、誠信）

• Pengorbanan Sekarang Untuk Kesenangan Generasi Masa Depan

（而家嘅付出犧牲，係為咗下一代嘅未來）

 

 

婚姻

馬哈迪就讀大學期間，同茜蒂啊斯瑪係同班同學。當時全班有70人，其中大部分係華裔學生、馬來裔學生有七人，女學生得茜蒂一人，因此佢喺班上幾受歡迎。馬哈迪好學而且珍惜就學機會，成績喺班上相當優異並成日協助成績較差嘅同學；茜蒂嚟自吉隆坡，家族具名望，佢欣賞馬哈迪嘅學識同政治理念。喺上大學之前，茜蒂冇學過物理，好擔心自己因此留級，馬哈迪因協助輔導課業成為茜蒂嘅良師益友，佢哋嘅關係亦由普通朋友成為戀人。

馬哈迪喺過去除咗同女性家人相處之外，從未同其他女性來往，茜蒂係佢嘅初戀；直到兩人準備步入婚姻前，馬哈迪仍羞於對佢開口。茜蒂曾於受訪回憶當年馬哈迪求婚時微笑表示：「馬哈迪當時好怕醜，佢乜都冇對我講，只係寫咗一張英文寫嘅LOVE字條畀我！」由於馬哈迪同茜蒂兩人嘅家庭背景差異懸殊，當馬哈迪向女方家提親時，遭到強烈反對，後兩人喺1956年8月完婚。

 

屋企

• 老豆：穆罕默德·依斯甘達（Mohamad bin Iskandar）
• 老母：旺·登巴旺（Wan Tempawan binti Wan Hanapi）
• 老婆：茜蒂啊斯瑪（Siti Hasmah）
  • 仔：慕克里·馬哈迪（Mukhriz Mahathir）、莫紮尼·馬哈迪（Mokhzani Mahathir）、米占·馬哈迪（Mirzan Mahathir）、馬茲哈爾·馬哈迪（Mazhar Mahathir）
  • 女：瑪麗娜·馬哈迪（Marina Mahathir）、梅琳達·馬哈迪（Melinda Mahathir）

「現代化之父」

 

「現代化之父」（Bapa Pemodenan）係由於馬哈迪擔任首相期間努力推動經濟改革，馬來西亞人因而對佢有呢個尊稱。馬哈迪上任後實行一系列促進經濟發展嘅政策。

1982年初，馬哈迪宣布「向東學習」政策，即係向日本同韓國學習。日本同韓國嘅現代化工程成為馬來西亞嘅楷模。噉係馬哈迪為咗唔想照抄西方現代化模式而另覓嘅新路。喺佢領導下，馬來西亞經濟穩健發展。喺1997年亞洲金融風暴前嘅10年，馬來西亞經濟年均增長率達8%以上，馬來西亞喺全球經濟競爭力排名表上躍居第21位，人均年收入從1986年嘅1830美元增加到1996年嘅近4000美元，國民富裕程度喺整個東南亞地區僅次於星加坡同汶萊。

馬哈迪擔任首相期間，馬來西亞經歷快速嘅經濟成長，由原先以農業為基礎嘅經濟型態，轉變為以製造業同工業為主，特別係電腦同消費性電器產品領域。喺呢段期間，馬來西亞嘅城市景觀亦因多項大型計劃而改變，其中包括國家石油公司嘅雙子塔、吉隆坡國際機場、南北大道、雪邦國際賽道、多媒體超級走廊、沙撈越巴貢水壩以及新嘅聯邦行政首都布城直轄區等建設。

1998年，亞洲金融風暴令馬來西亞嘅經濟同政局嚴重受挫；馬哈迪喺公開批判貨幣投機家暨股票投資家索羅斯等外匯投機客、下令禁止股票放空嘅同時，拒絕時任副首相安華以及國際貨幣基金組織嘅危機緩解「藥方」，對貨幣進行管制。經濟專家當時認為外資將因此卻步，馬來西亞會步入經濟衰退期；之後馬哈迪嘅政策收到成效，領導馬來西亞走出金融危機，經濟復甦步伐係當時受金融危機打擊國家中最快嘅。1999年，馬來西亞重新步上經濟成長軌道，經濟增長率接近金融危機前嘅水平，嗰年經濟成長率約達6%；2000年，馬來西亞獲國際評級機構穆迪調升評級，指佢經濟發展前景穩定，整體經濟表現優於鄰近嘅泰國、印尼同菲律賓等國。

其他評價

美國《時代雜誌》將馬哈迪評選為1998年嘅亞洲新聞人物：「今年冇人好似馬哈迪咁強烈地吸引新聞界，噉令佢成為1998年嘅亞洲新聞人物。佢提醒世界，唔受管制嘅資本主義未必適合所有國家–自從馬哈迪一年前開始抨擊投機客嘅陰謀同埋猶太人嘅政治陰謀，世界各國開始接受佢嘅理論。」

1999年1月8號，澳洲作家兼亞洲事務專家布萊克曼刊出《澳洲金融評論報》表示，馬哈迪係亞洲其中一個最偉大嘅阿頭，同時亦係現代馬來西亞嘅創始人。佢指出，馬哈迪最高嘅成就係馬來西亞即管喺面臨最嚴峻嘅經濟危機，冇受到似印尼般嘅暴動所毀。

1999年10月6號，加納總統羅林斯向第3屆非洲南部國際呢個對話呢會議致詞時讚揚馬哈迪具有遠見，同埋克服經濟困難不屈唔生菜嘅精神，向所有國家立下啦典範。佢話：「畀我籍此機會，特別讚揚好有意義架。、創新、講求君真嘅精朋友關係哲學嘅創始人，馬哈迪。」

2013年10月5號，中華人民共和國主席習近平喺吉隆坡會見馬哈迪時稱佢為「中國人民敬重嘅老朋友」。

2018年9月27號，澳洲前總理陸克文喺主持同馬哈迪嘅對說環節時表示，佢對93歲高齡嘅馬哈迪喺2018年第14屆馬來西亞下議院選舉勝出，感到欽佩：「非常少見一名領袖可以唔使講稿演講30分鐘，我哋都承認你係政治回歸嘅守護神。」。

2019年8月10號，馬哈迪同老婆茜蒂啊斯瑪出訪，三日飛三國，並直頭喺機場前往星加坡政府大廈大草場參加星加坡國慶慶典，星加坡前總理吳作棟用三次「神奇」形容馬哈迪，於Facebook發文評論佢係「神奇」嘅人。

2019年8月11號，印尼總統佐戈維多多喺結束官訪馬來西亞後喺Twitter表示：「馬哈迪確實係一名勤勞而活力十足嘅資深領袖。佢唔只掌舵國家，亦操控自己私家車嘅軚盤。而且可以開得好快。」（佐戈訪馬期間馬哈迪曾親自開車接送佢）。

• 《M for Malaysia》記錄片

• 馬哈迪首相紀念館
• 馬哈迪科學獎
• 《敦馬和我》
• 鄭文傑（馬來西亞華裔律師，做過馬哈迪嘅政治秘書）
• 2020年宏願
• 2018年第14屆馬來西亞下議院選舉