第14屆馬來西亞下議院選舉喺2018年5月9號舉行。結果馬哈迪帶領嘅希望聯盟贏咗納吉阿都拉薩帶領嘅國民陣線,馬來西亞獨立61年後首次出現政黨輪替,馬哈迪繼1981年至2003年後再一次擔任首相。選舉課題圍繞民生課題同埋一個馬來西亞發展有限公司醜聞(1MDB)。
第14屆馬來西亞下議院選舉 | |||||||||||
---|---|---|---|---|---|---|---|---|---|---|---|
馬來西亞選舉政治專題 | |||||||||||
‹ 2013 • • 2022 › | |||||||||||
2018年5月9號 | |||||||||||
選舉類型 | 下議院 | ||||||||||
議席數目 | 222 | ||||||||||
選舉席次 | 222(過半數要112席) | ||||||||||
馬哈迪-希望聯盟 | |||||||||||
投票數 | 5,781,600 | ||||||||||
獲得議席 | 121 ▲ 49 | ||||||||||
47.92% | |||||||||||
納吉阿都拉薩-國民陣線 | |||||||||||
投票數 | 4,080,797 | ||||||||||
獲得議席 | 79 ▼ 54 | ||||||||||
33.80% | |||||||||||
哈迪阿旺-和諧陣線 | |||||||||||
投票數 | 2,051,188 | ||||||||||
獲得議席 | 18 ▼ 3 | ||||||||||
16.99% | |||||||||||
議席分佈圖 | |||||||||||
馬來西亞首相 | |||||||||||
上屆選舉任期原訂去到2018年6月24號屆滿,如果冇提前解散下議院,到時國會就會自動解散,當局一定要響六十日之內舉行大選,所以選舉最遲會響8月24號之前舉行。但係由於馬來西亞首相納吉阿都拉薩涉及一個馬來西亞發展有限公司醜聞(1MDB),備受政治同民眾壓力,政權變得搖搖欲墜有機會提前解散下議院提早大選,但係納吉一直否認自己有任何不當同貪污行為。
2018年3月28號,馬來西亞國會通過首相納吉提交選區重劃報告,根據選舉委員會提交嘅重劃選區報告,國會二百二十二席入面有九十八個會重新劃分,其中最受影響嘅係由在野黨控制嘅雪蘭莪州,當地廿二個國會選區有十六個重劃,柔佛州廿六個國會選區亦都有十九個要重劃。大批「淨選盟2.0」民眾朝上響吉隆坡國家英雄紀念碑聚集,反對當局重劃選區嘅建議,警方派防暴警察戒備,又封鎖去國會嘅路,當局批准十個淨選盟代表去國會交請願信,示威者唔滿意呢個安排兩次衝破警方防線,去到國會大樓前邊先停低。前首相馬哈迪亦有到場聲援,佢促請民眾響大選投票支持反對派,國會入面亦出現火爆場面,在野行動黨議員林吉祥就重劃選區建議係唔係要提交國會審議,同議長爆發拗撬,最尾議長下令凍結林吉祥嘅議員資格半年。納吉話而家國會選區嘅制訂已經搞過三次大選,係時候重新劃分,但反對派話重劃選區後會出現,唔少選民人數少嘅地區都係以馬來族佔多數嘅選區,令執政國民陣線嘅候選人可以容易贏出,到時國民陣線就算總得票唔夠反對派多,但係會攞到更多議席,維持執政地位,甚至攞返三分之二嘅多數地位。
對巫統嚟講,創出更好嘅選舉戰績係一大重要挑戰。納吉阿都拉薩強調,新一輪大選將會係決定馬來西亞命運嘅關鍵所在。對於當前力量薄弱嘅華人政黨,納吉亦畀出警告,馬來西亞社會唔穩定,最先會受到影響嘅就係華人,而華人響馬來西亞國家經濟入面佔有重要地位。
重坐緊監嘅希望聯盟精神領袖安華之前曾經宣布唔會參加呢次大選,但係會集合反對派力量支持九十二歲嘅前首相馬哈迪同納吉對決,以土著團結黨同人民公正黨力量夾擊巫統。
當地傳媒預計國會通過重劃選區之後,納吉就會宣布舉行大選。外國傳媒預計巫統為首嘅國民陣線仍然可以守住執政權。但係馬來西亞本地嘅傳媒就認為希望聯盟有機會贏到大選。
2018年5月21號,馬來西亞前任內政部副部長諾嘉茲蘭接受英文《太陽報》訪問時首度炮轟納吉阿都拉薩同佢屋企人嘅形象,導致國陣同巫統喺大選失去政權。佢認為,納吉冇可能冇意識到領導層嘅問題,以及對方無法處理喺一個馬來西亞發展有限公司醜聞(1MDB)嘅貪腐指控,令國陣同巫統輸咗大選。
This article uses material from the Wikipedia 粵語 article 第14屆馬來西亞下議院選舉, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.