民主

 

條件

經濟條件

經濟發展程度越高越有利民主發展，識字率提高、生活安定而理性，利益團體發達多元社會、中產階級提高，但唔係絕對。

社會條件

實行民主政治仰賴民主社會，社會階層化低，民主度較高。

文化條件

權威文化難以民主，理性、平權、容忍同妥協嘅文化民主較易生根。

政治條件

國家政治精英嘅風範易產生風動草偃嘅效果。

無政府主義反對包括民主在內嘅國家概念，認為佢哋註定係腐敗同具有強制性。好多無政府共產主義者同無政府工團主義者傾向支持一種冇等級制度同強迫制度嘅直接民主制。不過，無政府主義者之間對此亦存在爭論。

一啲無政府主義者反對某啲，甚至係全部嘅民主形式，Benjamin Tucker話：「統治係邪惡嘅，換成多數統治都唔會好得去邊……投票係咩？或多或少佢只係一張代表刺刀、警棍、同子彈嘅紙啫。」Pierre-Joseph Proudhon話：「民主只不過係多數人暴政，係所有暴政之中最可惡嘅，因為佢唔係建基於信仰嘅權威上、唔係建基於種族嘅出身上、亦唔係建基於天份同財富嘅價值上。佢只不過係建基於一啲假借人民之名匿喺幕後嘅人上。」

除咗無政府主義之外，君主專制同威權主義都反對民主。

喺當今世界嘅政治語言上，「民主」普遍被當係褒義詞，論述者會自行演譯其意思——可能同上述嗰啲傳統解釋南轅北轍；幾乎個個政治勢力，都話自己推崇嗰套制度係上乘版本嘅民主，敵人主張嘅為低劣嘅民主種類或者根本唔係民主。