閃光彈
閃光彈（flash grenade、flashbang、thunderflash、sound bomb、stun grenade），又叫做致盲彈、眩目彈、眩暈彈或者震撼彈，係一種以強光阻礙目標視力功能嘅一種輕型非致命性武器，屬於手榴彈嘅一種，係戰術性嘅輔助工具之一。
閃光彈掟出去之後，會燃燒鎂或者鉀以產生殘眼到暈嘅強光，令被攻擊嘅目標喺短時間內產生短暫失明嘅現象，從而令目標喪失反抗能力。由於閃光彈喺爆炸嗰陣唔會產生攻擊性嘅傷害碎片，因此被廣泛咁被特種警察部隊用嚟拯救人質等。除咗以人為目標外，閃光彈亦有被用嚟掟向坦克喺光學器材嘅膜層，令探測器失去探測功能，此外閃光彈仲有干擾敵人等戰術用途。
This article uses material from the Wikipedia 粵語 article 閃光彈, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈；可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.