八爪魚(Octopus,Ὀκτάπους),係軟體動物門頭足綱章魚目動物嘅總稱。而家有 289 種唔同嘅八爪魚物種。
八爪魚 | ||||||||||||
---|---|---|---|---|---|---|---|---|---|---|---|---|
Octopus vulgaris | ||||||||||||
物種分類 | ||||||||||||
| ||||||||||||
†前蛸屬(Proteroctopus) (地位未定) | ||||||||||||
|
同烏賊唔同,八爪魚全身無骨,只有八條爪或者「腳」,原本第2對退化咗,腳上面有吸盤。頭大而尖,而且有一個可以狠狠咬住獵物嘅鷹咀。重有漏斗,用嚟推進游水、噴墨、排泄等。
八爪魚有三個簡單嘅心臟,當一個心臟將啲血泵去身體唔同地方嗰陣,另外兩個心會分別將血泵到鰓度。
所謂嘅「墨魚骨」,其實係佢哋退化咗嘅殼,留喺身體裏面。因為含有好豐富嘅鈣質,所以畀人攞嚟做彩鳳(虎皮鸚鵡)嘅飼料。
八爪魚有高智能,聰明過其他無脊椎動物。至於佢哋有幾聰明啲生物學家仲拗緊 ,逃出迷宮同解決問題嘅實驗表明八爪魚有短同長期記憶。衰在短命,限制八爪魚最終學到幾多。有人懷疑八爪魚嘅行為係自己學返嚟,唔係本能,雖然證明唔到。八爪魚同佢哋老竇老母冇乜兩句,佢哋嘅行為唔係喺父母學返嚟。
八爪魚有個好複雜嘅神經系統,三份一嘅神經細胞集中喺個腦度,其餘嘅三份二都喺啲爪嘅神經線度,形成高度敏感嘅器官。好似模仿八爪魚識得將啲爪擺出個樣,嚟扮第二啲海裏面嘅生物。
喺實驗室,八爪魚俾人經過訓練之後,識得認物件形狀同排次序。亦有報告話八爪魚重識學返啲人做過嘅嘢,好似開樽蓋咁。此外,八爪魚重有「玩」嘅行為:例如八爪魚噴水整郁半浮沈嘅藥丸樽,令個樽喺水度氹氹轉。
有科學家相信,當八爪魚於緊張狀態,會食咗自己嘅手臂,但好少有人研究呢種唔正常嘅「自我摧殘行為」(self-cannibalism/autophagy),有人估計原因可能同八爪魚體內一啲病毒有關,影響到八爪魚嘅神經系統[未記出處或冇根據]。
八爪魚鍾意黑暗環境,主要生活喺深海。比起游水,八爪魚較鍾意爬行。
某啲品種嘅八爪魚可以隨住身處嘅環境,改變身體嘅顏色,令自己隱身喺珊瑚群,以便捕捉獵物。而大敵當前,八爪魚亦有兩招自衛術:噴墨同甩爪,另外有夜晚出嚟搵食嘅特性,一啲品種(例子:藍圈八爪魚)甚至帶有毒性,如果摸到隨時冇命。
八爪魚係兩性分體嘅軟體動物。會將卵生後經孵化成為幼體之後,再直接發育。
電影《深海圓疑》裏面亦有提及八爪魚。
唔同地方都有食八爪魚嘅傳統。日本人攞煮熟咗嘅爪切片整刺身、壽司,又或者燒八爪魚丸。
住喺德國奧博豪森水族館嘅八爪魚保羅,因多次估中2010年FIFA世界盃賽事而走紅,西班牙馬德里動物園想出價買佢。
八爪魚可以攞嚟當寵物咁養。好多水族館都有養八爪魚,包括香港海洋公園在內。八爪魚得三至六個月命,喺放精或排卵之後死。最長命嘅深海八爪魚,都係得三至五年命。
Template:Wikibookspar
This article uses material from the Wikipedia 粵語 article 八爪魚, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.