鐵刀木

由於佢嘅木硬到刀斧槍都唔可以搞掂佢，所以「鐵刀木」嘅名就係噉嚟。

古仔

傳說喺雲南某地，有位土司喺在世嗰時成日好鬼惡產。喺佢死咗之後，因為自己在世嗰時啲衰嘢，結果變成樖樹畀鄉民斬落嚟當成柴嚟燒。

樖嘢一般有20m高，樹皮係深灰色，而樹枝又粗又光滑，佢嘅莖好難鋸、刨、剷同斬、劈佢，因為呢種樹用斧頭或刀劈佢，重會出現火花嘅。而樹葉方面，每個樹枝都有6－11對嘅長橢圓形細葉，好似啲牛皮噉；長35－70mm，闊15－20mm；而佢嘅葉後邊有好短嘅絨毛響度。花嘅直徑大概25mm到，黃色，有5嚿花瓣；雌蕊有10條，凈係得7條可以發育。而佢嘅果係扁嘅條形品種，兩邊逐漸變尖，入面有10－20粒籽。呢樖嘢嘅硬度可以去到656－698kg/cm³。

佢鍾意喺有陽光嘅環境度生，而且生得好快。佢重禁kam1熱、旱、濕同爛地、鹼性地、甚至抗到污染都得。

呢種植物既可以淨化城市嘅環境，亦可以用嚟做行道樹同園林風景樹；佢嘅木可以用嚟整傢俬、樂器、雕刻同建築用木都得。佢嘅葉可以做瀉藥，根可以用嚟做驅蟲藥；葉同果可以用嚟整栲膠。另外佢嘅花可以畀人睇。

植株

樹樣    樹皮    葉    葉同花    花    葉、花、果    果    籽

用途

鐵刀木嘅葉整成嘅湯    鐵刀木可以用嚟整成傢俬

• 蜆木

• 黄櫟, 章程. 《稀有植物大探秘》. p. 125. ISBN 978-7-5082-6715-9.