醫學

2023 年嘅不列顛百科全書係噉樣形容醫學嘅：

• 心臟科
• 神經內科：研究神經系統；例如腦退化（AD）係一種神經細胞慢慢噉失去功能嘅長期病。患者會漸漸噉失去各種認知能力，初頭嘅症狀主包括短期記憶能力變差－個患者會容易唔記得嘢（但舊啲嘅記憶會相對冇咁受影響）以及喺做決策上有困難，而隨住病情加深，情況會變得更差。打後個患者喺各方面－包括語言、郁動同認嘢等－會開始變到愈嚟愈差，令到後期嗰陣佢哋會連一啲日常生活上嘅決定同計劃（例如煮飯同行街）都做唔到，需要人廿四小時照顧。
• 精神醫學：專門醫治同預防精神障礙。
• 預防醫學：指集中於防止疾病發生嘅工作。
  • 原始預防係最早郁手嘅預防，喺一個細路未出世或者出世冇耐嗰時就介入。簡單嘅有提倡餵人奶，或者教啲父母點樣幫仔女由細培養良好飲食習慣。
  • 初級預防排除引起疾病嘅物體，或者做啲嘢嚟提升啲人對疾病嘅抵抗能力，從而阻止疾病出現。例子有教人飲食均衡同埋多啲運動，kip1 住佢哋嘅身體狀態良好。
  • 二級預防盡力喺病徵出現之前，就達致成功探測到有問題，並且採取適當嘅行動。例子可以睇吓癌症篩查，講到點樣定期幫人以驗血等嘅方法 cek1 吓佢哋有冇癌症。
  • 三級預防講嘅係要將疾病帶嚟嘅損害—例如係永久傷殘呀噉—盡量減到有咁低得咁低。
  • 四級預防想保護病人免受弊大於利嘅醫療干預侵害。

Info：癡肥情況引起醫學同經濟學之間合作

响廿一世紀初，癡肥嘅情況日趨普遍，例如响 2020 至 2022 年嘅香港，估計 15 至 84 歲嘅大人當中有成 32.6% 嘅都屬於超重，BMI 高過 25 ，而肥胖會提升好多種嚴重疾病—例如心臟病同中風呀噉－嘅機率。因為噉，醫療工作者日益重視體重管理嘅問題。

喺呢方面，一種常見嘅研究係配合營銷同行為經濟學，吸引人食多啲生果同蔬菜，同時又食少啲垃圾食物。例如行為科學研究已經發現，人類揀嘢食嗰陣好多時都係按照啲相對簡單嘅法則嚟行事嘅，例如係會攞最就手嘅嘢食呀噉，於是有研究者試過對環境做一啲操作，例如將啲健康食品擺喺近客人嘅地方，同時又將啲垃圾食物擺喺離客人遠嘅地方，發現噉嘅操作的確能夠提升啲人揀健康食品嚟食嘅機率。

中醫學係以中醫藥理論與實踐經驗為主體，研究人類生命活動中健康與疾病轉化規律同埋佢嘅預防、診斷、治療、康復同保健嘅綜合性科學。中醫學至今已經有幾千年歷史。

中國醫學體系嘅傳統醫學，包括中國漢族為主體嘅中醫學（日本、朝鮮同台灣亦有稱漢醫），日本嘅漢方醫學，朝鮮半島嘅東醫學（即今日韓國嘅韓醫學，朝鮮嘅高麗醫學）。

• 醫生
• 醫院
• 醫藥
• 生物學
• 心理學
• 人工智能