趙增熹(英文:Chiu Tsang Hei,1967年3月7日—)係香港音樂製作人,主要從事香港流行歌幕後工作,包括唱片監製、編曲、作曲、演唱會音樂總監、電影配樂等。亦係香港管弦樂團既客席指揮。多年嚟替張國榮、梅艷芳、張學友、林憶蓮同李克勤等製作過好多膾炙人口既經典金曲同専輯。
趙增熹 | |
---|---|
2012年9月,趙增熹喺《葉倩文完全是你演唱會》中彈奏 | |
幕後 | |
羅馬拼音 | Chiu Tsang Hei |
國籍 | 中國(香港) |
出世 | 英屬香港 | 1967年3月7號
職業 | 作曲家、編曲、指揮家、監製、電影配樂 |
母校 | 聖若瑟小學 聖若瑟書院 |
配偶 | 趙太(1989年結婚) |
仔女 | 2 |
演奏樂器 | 鋼琴 |
出道地 | 英屬香港 |
出道日期 | 1986年 |
代表作品 | 《甜蜜蜜》 |
活躍年代 | 1986年至今 |
趙增熹就讀於聖若瑟小學及聖若瑟書院。六歲開始學琴,中四開始夾Band,熱愛吹奏口琴,經常參加校際音樂節比賽,並多次獲得冠軍。十分喜歡古典音樂,並考取英國皇家音樂學院聯合的第八級樂理證書。
中學會考取得2A(A.Maths及生物)1B3C唔錯既成績原校升講中六,可惜因為太過沈迷舉辦聯校音樂會,A-Level 成績考唔上香港大港音樂系。中七果年為參與新秀歌唱比賽既朋友鋼琴伴奏,係試音時得到黎小田賞識,獲邀加入華星唱片公司出任製作助理。
一年後,十九歲既佢就幫張國榮既改編歌《有誰共鳴》做編曲。之後陸續幫梅艷芳、呂方等做編曲,同埋開始作曲工作。
1991年,加入許愿旗下既星工廠,除左編曲同作曲,亦開始做唱片監製,其中包括林憶蓮既《野花》、《不如重新開始》專輯,後者既主打歌《不如重新開始》仲幫趙攞咗入行後第一個「最佳編曲獎」。
成個90年代,趙增熹為好多膾炙人口既金曲編曲,當中有好多都係張學友既作品,包括《祇想一生跟你走》、《一千個傷心的理由》、《我等到花兒也謝了》、《原來只要共你活一天》。
1997年,張學友既金牌監製歐丁玉,邀請趙增熹擔任由張學友主演的音樂劇《雪狼湖》既指揮。個音樂劇非常成功,係港連開四十二場。同年,趙增熹憑《甜蜜蜜》、《嬤嬤煩煩》及《色情男女》同時獲提名1996年度香港電影金像獎最佳原創電影音樂,最後以《甜蜜蜜》攞獎而聲明大噪。 果年趙增熹三十歲,咁啱就應驗咗十年前張國榮講過趙「三十歲一定會做出成績」既預言。
之後趙增熹繼續憑多部電影配樂獲提名香港電影金像獎及台灣金馬獎,包括《玻璃之城》、《安娜瑪德蓮娜》、《千言萬語》及 2021年的《梅艷芳》。
係梅艷芳、黎明等演唱會上擔任過和音同琴手後,90年代中期,趙增熹開始擔任演唱會音樂總監,歌手包括王菲、劉德華、李克勤、葉蒨文、陳慧琳、容祖兒等。2000年起幫李克勤監製一系列《演奏廰》為主題既演唱會及専輯,均大獲好評,業界內外均掀起回响。
2005年起,對流行和古典音樂都十分熟悉既趙增熹獲邀出任香港管弦樂團每年舉辦既「港樂流行音樂會」系列既音樂總監同音樂顧問,更多次擔任管弦樂團既指揮,包括2014年和香港管弦樂團合作既《廸士尼90周年音樂會》、2015年與日本殿堂級歌手玉置浩二合作的《Koji Tamaki Premium Symphonic Concert》、同埋2021年同傳承愛樂合作既音樂會《光影回憶:電影中的美麗與哀愁》等等。
2012年開始,趙增熹為香港旅遊發展局重點節目《除夕倒數詠香江煙花匯演》創作主題音樂,一直沿用到依家。2019年為香港藝術館「未開館‧先開鑼」主旋律創作計劃擔任指導音樂家。2014年更獲邀為香港電台及香港青年協會既萬人音樂會擔任創新健力士世界紀錄見證人,佢既專業廣為業界及大眾所認同。
趙亦曾為無線電視人氣唱歌比賽節目《超級巨聲》及《星夢傳奇》擔任評審,佢對参賽者一針見血而不慍不火既批評大受觀眾歡迎。
進入2010年,趙增熹開始將工作重心放係音樂教育上。2016年成立社企「大台主」音樂及多媒體文化種子計劃,走訪唔同中學和大專院校,舉行免費講座及招募,為有志以音樂作專業的年青人,免費提供培訓,讓學生全面了解幕後製作音樂的知識,指導學生點樣運用科技以最少成本一手包辦音樂製作、以至行銷。並提供平台,畀佢哋表演既機會,鼓勵年輕音樂人成為香港音樂行業未來既「大台主」。
生於潮州人家庭,有三個姐姐,三個妹妹。父親從事布料貿易生意,母親開設廠房,家住跑馬地。趙增熹既父母都唔支持佢玩音樂,係父親眼中,佢係承繼衣缽既最佳人選。可惜中五果年,趙父親因病過世。趙增熹說: “傷心過後,突然發覺無人再管到我了,玩音樂玩得更瘋狂。”
趙增熹係華星時期認識咗比佢大八歲既太太,係華星高層李進既秘書。拍拖兩年,廿二歲結婚,生咗一仔一女。細女做咗醫生,大仔就係趙增熹既工作室做音樂製作既工作。
1986年-1990年
1991年-2000年
2001年-2010年
2011年-2015年
趙增熹曾擔任以下歌手演唱會的音樂總監:(包括但不限於)
趙增熹曾擔任以下歌手的唱片監製:(包括但不限於)
This article uses material from the Wikipedia 粵語 article 趙增熹, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.