羅拔波爾

波爾喺1627年喺愛爾蘭嘅沃特福德郡（英文：County Waterford）里斯莫爾城堡（英文：Lismore Castle）出世。 佢出身於英國最富有嘅家庭之一。波爾喺幼年時接受私人教育，學習拉丁文、希臘文同法文。佢喺8歲嗰年喪母之後，同佢哥哥一齊去英國嘅伊頓公學讀書。成年後，波爾對科學研究有濃厚興趣，而且成為隱形學院（英文：Invisible College）嘅成員。1654年，波爾搬到牛津，並開始進行更多嘅科學研究。1668年，波爾搬到倫敦同佢家姐Katherine Jones一齊住，重喺佢家姐屋企做實驗。1691年，波爾喺倫敦去世，享年64歲。

波爾喺化學方面嘅貢獻最為人所熟知。佢提出咗「波爾定律」，描述咗氣體體積同壓力之間嘅反比關係。 佢嘅著作《懷疑的化學家》（英文：The Sceptical Chymist）被視為化學領域嘅重要著作。波爾亦對流體靜力學、物理學、醫學、地球科學同埋自然歷史有貢獻。佢亦係一位虔誠嘅基督教徒，佢嘅神學著作探討咗聖經語言、理性限度同埋自然哲學家作為基督徒嘅角色。1660年，波爾幫助創立咗倫敦皇家學會（英文：Royal Society of London for Improving Natural Knowledge），而且佢嘅實驗室亦成為學會嘅主要活動場地之一。

• 波爾嘅實驗成果包括有：
• 推論出原子之間嘅距離受壓時會縮短。
• 證實氣體都係由原子組成。
• 發明咗測試酸鹼度嘅石蕊試紙。
• 發明製造黑墨水嘅方法。
• 發現人體內有磷。
• 質疑亞里士多德嘅四元素論，帶出為後來嘅元素週期表。

• Robert Boyle | Science History Institute（英文）