弓箭(bow and arrows)係一種長距離武器,包括用嚟貫穿目標造成傷害嘅箭(arrows)同埋用嚟將箭射出去嘅弓(bow)。
射箭運動起源好早,原始時代就成為咗人類狩獵同戰爭嘅手段。世界各地嘅民族都有呢做活動,中國殷代甲骨文上曾經有「矰(箭)繳」嘅記載,係一種獵殺啲鳥嘅射具。漢代畫像入面嘅善射者,通常都叫做蹶張士或者強弩手。《史記·張丞相列傳》「以材官蹶張」裴駰《集解》引用三國魏如淳曰:「材官之多力,能腳蹋強弩張之,故曰蹶張。律有蹶張士。」宋朝同金朝兩國使節往來嗰陣,會舉行射弓宴,兩邊喺宴會上射箭嚟決勝負,金人往往都係贏得多輸得少,但係隨着金人漢化政策嘅發展,金人嘅射箭技術已經冇以前咁勁。衛紹王崇慶元年(1212年),南宋賀金國正旦國信使程卓去中都,喺朝廷例行嘅射弓宴入面,金朝「伴射昭勇大將軍、殿前右衛將軍完顏守榮,自午初射,伴射連不中」。
This article uses material from the Wikipedia 粵語 article 弓箭, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.