帛琉

帛琉響1783年俾葡萄牙人發現，無幾耐就俾西班牙人統治，1899年又俾西班牙賣咗比德國。響第一次世界大戰之後俾日本託管，第二次世界大戰之後又俾美國統治過，最後喺1994年10月1號正式獨立。

帛琉總統係國家最高元首，每四年由人民選舉產生。

帛琉全國分做16個州。除咗最大嘅主島群分做14州之外，其他嘅堡礁再按南北分做兩個州。

帛琉由一個大堡礁同好多嘅島或者堡礁構成。嗰道有好多珊瑚，又有好多由海洋生物嘅屍體沉降累積而成嘅石灰岩。全國有三分之二嘅人口響科羅爾住。

生態

響帛琉有好多熱帶雨林同山，亦都有野生紅樹林同埋熱帶大草原。

帛琉有唔同種類嘅海底生物，比如超過1,500種魚、700種珊瑚同海葵，亦都有海龜、鯊魚、海蛇等等。爬行類動都有好多，重可以見到幾十種雀仔同一尐無毒嘅蛇類。

氣候

帛琉氣候屬於熱帶雨林氣候，全年平均溫度係30℃左右。全年都係雨季，平均濕度82%，但係好少受到熱帶氣旋影響。

宗教

帛琉三分之二嘅居民信奉基督教，當中天主教徒佔大多數，其餘嘅信其他新教派系。除咗基督教之外，當地一種叫做Modekngei嘅地方宗教都好流行。

語言

當地嘅官方語言係英文同帛琉文，其中有三個州官方語言係地方語言。而響安加爾島上面，日文曾經係官方語言，但係家陣全島80人都講英文。

 

維基同享有多媒體嘅嘢：

Palau（類）

 

響維基新聞度有一單新聞係同呢篇文有關：
Category:Palau

 

維基遊埠有呢篇旅遊嘅資源：Palau

• 〈国家概况 — 中华人民共和国外交部〉 (簡體中文). 中華人民共和國外交部.
• 〈帛琉共和國 Republic of Palau - 亞太地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文). 中華民國外交部.
• "Palau - United States Department of State" (英文). 美國國務院.
• 帛琉喺中央情報局《世界概況》嘅資料 （英文）
• 〈パラオ共和国 ｜ 外務省〉 (日文). 日本外務省（日文：外務省）.
• "Palau - Department of Foreign Affairs and Trade" (英文). 澳洲外交貿易部（英文：Department of Foreign Affairs and Trade (Australia)）.