女仔(粵拼:neoi5 zai2)係指未成年嘅女性。由一個細路女變成一個女人嘅年齡喺唔同嘅社會都唔同,但基本上都認為青少年期向成年期嘅轉變年齡喺15歲至20歲之間。此外,亦有人認為女仔係無性經驗嘅女性,但有關叫法嘅來源難以考證。
粵語入面「女仔」其實有兩種唔同嘅年齡意義。最傳統同常用嘅定義係細蚊女,即係識行到實齡十歲女左右,大啲青春期就叫少女。但而家女仔嘅用法更為寬泛,幾乎涵蓋所有實齡20者以下,或者年齡更大但睇落比較後生嘅女性。
歷史上女仔經常受到歧視,而且受到社會角色嘅限制。對女仔同男仔社會角色差別嘅成因,一直都有「先天決定論」(或基因決定論)同「後天決定論」(或環境決定論)嘅爭論。女仔喺藝術、文學同流行文化中以乜嘢形象出現往往反映社會對女仔性別角色嘅認知。
This article uses material from the Wikipedia 粵語 article 女仔, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.