太平紳士

太平紳士（Justice of the Peace，JP）係一種源於英國，由政府委任民間人士擔任維持社區安寧、防止非法刑罰同埋處理一啲較簡單法律程序嘅職銜。做太平紳士唔一定要讀過書或者有乜乜資格。而家英國嘅英格蘭同威爾斯、澳洲、紐西蘭，馬來西亞、美國、新加坡呢啲國家以及香港都有太平紳士制度，但係各地區對太平紳士嘅定義唔同；要求亦有分別。

聯合王國

英格蘭及威爾斯

喺英格蘭同埋威爾斯，太平紳士即係裁判官，對輕微嘅刑事同民事案件有司法管轄權。

喺英格蘭同埋威爾斯，只要有下面嘅資格，都可以申請做太平紳士：

• 年滿十八歲，未到六十五歲
• 願意宣誓效忠，唔係英國國民都得

太平紳士到咗七十歲就要退休。

下列人等，就冇擔任太平紳士嘅格：

• 冇良好品格，包括有案底
• 駕駛執照釘牌多過十二個月，同之後嘅十年，都唔申請得做太平紳士
• 駕駛執照釘牌少過十二個月，同之後嘅五年，唔申請得做太平紳士
• 警察同佢嘅近親，連文職人員都唔得
• 英國皇家三軍部隊成員
• 英國國會議員
• 搞緊政治庇護嘅人

蘇格蘭

北愛爾蘭

香港

香港政府，現時根據《太平紳士條例》（香港法例五百一十章）委任太平紳士。

1972年前，香港非官守太平紳士，有權提名一個立法局議員，1972年取消。

澳洲

維多利亞省

澳洲維多利亞省嘅太平紳士，主要係由省嘅檢察官向省總督提名，再由省總督委任。

昆士蘭省

根據昆士蘭省嘅現行規定，要委任做太平紳士嘅資格：

• 澳洲公民
• 年滿十八歲
• 州選舉嘅合資格選民
• 有良好品格

馬來西亞

喺馬來西亞，太平紳士嘅職能，好大程度上已經俾裁判官代替。但係有啲州政府，重繼續將太平紳士當係一種榮譽嚟頒。喺2004年，有批太平紳士向聯邦政府要求，為咗清理喺法院積壓嘅案件，畀太平紳士做第二級裁判官。