南京大屠殺或南京事件,係指侵華日軍響1937年12月13號攻陷中國首都南京至大概1938年1月,喺南京城區同郊區犯嘅戰爭罪。
開頭日軍話要殺扮成平民嘅中國軍人,結果捉咗好多無辜嘅平民來殺。後來演變成大規模屠殺、搶掠同埋強姦。
南京大屠殺嘅過程同死傷人數至今仍然有爭議,其中遠東國際軍事法庭認定至少20萬以上,中國學者考證為30萬以上,而日本學者嘅研究就眾說紛紜,難有統一定論。
喺中國,南京大屠殺往往係國民對日本右翼為侵略歷史翻案嘅關注焦點之一。而喺日本,公眾對南京大屠殺嘅認識就存在住廣泛唔同嘅情緒同觀點,尤其係日本極右翼份子,認為南京大屠殺係被誇大、甚至係憑空捏造嘅反日外交工具,亦有人認為否認南京大屠殺係歷史修正主義、否認主義嘅表現。由於日本人對南京大屠殺嘅意見有廣泛嘅分歧,因此視乎講話者嘅觀點,南京大屠殺喺日本可能稱為「南京大虐殺」、「南京虐殺」、同「南京事件」等。對南京大屠殺嘅認識,係中日關係中存在嘅重要問題之一。
南京大屠殺英文譯成Nanking Massacre(南京屠殺)或者Rape of Nanking(南京嘅強姦)等,但啲人往往對佢嘅認知遠遠唔及對納粹嘅種族滅絕過程嘅認知。
1937年七七事變後,日本展開全面侵略中國嘅大規模戰爭。7月17號,國民政府軍事委員會委員長蔣介石喺廬山聲明中話:「如果戰端一開,咁就係地無分南北,年無分老幼,無論係邊個,都有守土抗戰嘅責任。」全國上下掀起全民抗戰嘅浪潮。
同一年8月13號至11月12號晌上海同周邊地區展開淞滬會戰。戰役初期,日軍喺上海久攻不下,但係日軍進行戰役側翼機動,11月5日晌杭州灣嘅全公亭、金山衛間登陸,中國軍隊陷入腹背受敵嘅形勢,戰局急轉直下;11月8號蔣中正下令全線撤退;11月12號上海失守,淞滬會戰結束。
淞滬會戰結束後,中國軍隊向南京方向潰退,中國首都南京處於日軍嘅直接威脅之下。由於從上海嘅撤退組織嘅極其混亂,中國軍隊喺上海至南京沿途未能組織起有效抵抗。中國將領唐生智力主死守南京,主動請纓指揮南京保衛戰。11月20號國民政府宣佈遷都重慶。
經過淞滬會戰三個月鏖戰,日軍都好大損失。日本參謀本部原計劃畀上海日軍「凱旋歸國」,並冇進攻南京嘅計劃。11月7號,日本參謀本部向上海派遣軍同第十軍落命令:「掃蕩上海附近敵人,追擊嘅戰線為蘇州、嘉興以東」。然而日軍中下級軍官唔肯就此罷休,11月15號嘅第十軍軍團擴大會議達成決議:「全軍獨斷敢行,全力向南京方向追擊。」11月22號,松井石根致電多田駿:「為咗儘快解決事變,要求軍部批准向南京進軍同佔領南京。」12月1號,日本參謀本部正式下達佔領南京嘅命令。日軍經過幾個月連續作戰,呢個時候進攻上海以西幾百公里嘅南京,幾乎冇後勤支援。日軍軍官話:「糧草唔夠就現地解決,彈藥唔夠就打白刃戰。」喺西進途中,日軍搶劫、殺害平民、強暴婦女嘅行為已經開始。
自從命令下達後,罪惡感就消失,軍人變成周圍偷襲搶奪穀物、家畜來充饑嘅匪徒。呢個就地徵收嘅命令,令下級軍官發狂,唔單止搶奪糧食,並且強暴中國婦女……對於反抗嘅人就以武力解決(曾根一夫,《南京大屠殺親歷記》)。
12月4號,日軍逼近南京週圍。8號,日軍佔領南京周邊陣地,已從北、東、南三面包圍南京,呢個時侯南京守軍只剩西面嘅長江一條退路,然而唐生智做出「背水一戰」嘅姿態,一方面下令集中力量固守複廓陣地,另一方面命令銷毀長江上全部渡船,並令宋希濂三十六師睇實城內通向下關嘅唯一通道挹江門,唔畀部隊由呢度退出。自此,南京城內守軍同平民嘅退路被全部切斷。10號,日軍發動全線進攻,但直到12號仍未能突破南京城防。12號夜晚7點,唐生智突然下令突圍撤退,自己搭保留咗嘅汽艇出逃。南京守軍瓦解,大部向下關潰退,喺挹江門同三十六師發生激烈衝突,最終擊破城門逃至下關。由於渡船已經銷毀,好多難民同士兵試圖依靠木板渡江,最終大多凍溺江中。其他人見渡江無望,就返入城。好多士兵除低軍裝匿入南京安全區。
進城兵力約50000,執行軍紀維持嘅憲兵卻僅有17人嘅日軍除咗個別地或小規模地對南京居民隨時隨地任意殺戮之外,還對中國人,特別係解除咗武裝嘅軍警人員以同日軍認為係可能參加過抗日活動同適合兵役年齡嘅中國青壯年,進行過若干次大規模嘅「集體屠殺」。大規糢屠殺方法有機槍射殺、集體活埋等,手段極其殘忍。
屠殺地點 | 所在位置 | 遇害人數 | 倖存者 | 見証人 |
---|---|---|---|---|
燕子磯 | 50000人以上 | 葛仕坤、郭國強 | ||
草鞋峽 | 57418人 | 石明 | ||
寶塔橋 | 30000人以上 | |||
魚雷營 | 9000人以上 | |||
煤炭港 | 3821人 | 陳德貴、潘開明 | ||
龍江口 | 500人以上 | |||
中山碼頭 | 10000人以上 | 劉永興、白增榮、梁廷芳 | ||
下關 | 5100人以上 | 曹永興 | 陳光興、王秀英 | |
大方巷 | 4000人以上 | 程金海、吳連城、劉文靜、鄧明霞 | ||
靈谷寺 | 36000人以上 | 陳光秀、陸玉華、邵翰珍 | ||
漢中門 | 2000人以上 | 梁玉山、孟憲梅、湯正有 | ||
江東門 | 10000人以上 | 劉修榮、伍長德 | ||
上新河 | 28730人 | 邢久發、何玉峰 | ||
雨花台 | 9721人 |
1937年12月13號,《東京日日新聞》(即現在《每日新聞》)報道兩名日本軍官嘅「殺人競賽」。日軍第十六師團中島部隊兩個少尉軍官向井敏明同野田毅在其長官鼓勵下,彼呢相約「殺人競賽」,商定在佔領南京時,誰先殺滿100人為勝者。佢地從句容殺到湯山,向井敏明殺咗89人,野田毅殺咗78人,因皆未滿100,「競賽」繼續進行。12月10號中午,兩人在紫金山下相遇,彼呢軍刀已砍缺咗口。野田謂殺咗105人,向井謂殺咗106人。又因確定唔咗係誰先達到殺100人之數,決定呢次比賽唔分勝負,重新比賽誰殺滿 150名中國人。呢些暴行都一直在報紙上圖文並茂連載,稱為「皇軍嘅英雄」。日本投降後,呢兩個戰犯終以在作戰期間,共同連續屠殺俘虜同非戰中人員「實為人類蟊賊,文明公敵」嘅罪名在南京槍決。
日軍侵佔南京期間強姦咗成千上萬嘅婦女,佢地唔分晝夜並喺受害婦女嘅家人面前施行強暴。有些婦女被日軍強姦咗好幾次,往往有婦女受唔住日軍折磨而死。此外,日軍還強迫亂倫行為。估計當時發生嘅強暴案可能超過30萬宗。
參與大屠殺嘅中支派遣軍主要由上海派遣軍第10軍構成。
據統計,世界紅十字會喺南京城內外掩埋屍體總計43121具,南京紅十字會收埋22371具,慈善機構崇善堂收埋11萬2267具,慈善機構同善堂共埋屍7000餘具,雞鵝巷清真寺王壽仁以「南京回教公會掩埋隊」名義掩埋回族屍體400餘具。僅呢5個慈善團體收埋屍體就達18.5萬餘具。另有中國平民芮芳緣、張鴻儒組織難民30幾人掩埋屍體7000餘具;湖南木商盛世征雇工,收埋上新河地區死難者遺體2萬8730具。
此外,日軍支援嘅傀儡政權對屍體都進行咗掩埋。如偽下關區公所在下關、三汊河一帶收埋屍體3240具;第一區公所在城東南一帶收埋屍體1233具;南京市政公署命僞衛生局於1939年1月收集中山門外靈穀寺一帶遺骨3000具,葬喺靈穀寺之東,立「無主孤魂碑」記錄埋屍經過。
南京淪陷前,日軍曾在上海、蘇州、嘉興、杭州、紹興、無錫、常州等地屠殺平民。有日本部分歷史學家曾經懷疑中方聲稱嘅三十萬被殺平民,實際上包括咗呢批南京以外被殺嘅華東人口。而中國歷史學家認為若華東地區被殺人口都計算在內嘅話,總數可能高達一百萬人。
根據孫宅巍(江蘇省社會科學院研究員)、高興祖(南京大學教授)嘅研究認為死亡30萬人以上。
更加多幸存者介紹請睇南京大屠殺幸存者
侵華日軍各級指揮機構當時嘅命令同軍官嘅記錄為直接物證:
侵華日軍隨軍記者嘅報道、士兵嘅日記、證言都被列為南京大屠殺嘅證據:
遠東國際法庭嘅判決書上寫道:「喺日軍佔領後嘅最初六個星期內,南京同佢附近被屠殺嘅平民同俘虜,總數達20萬以上。呢種估計並唔誇張,由掩埋隊同其他團體所埋屍體達十五萬五千人嘅事實就可以證明(由紅十字會掩埋嘅係43071人,由崇善堂收埋嘅係112266人,呢啲數字係由呢兩個團體嘅負責人根據各個團體當時嘅記錄同檔案向遠東法庭鄭重提出嘅)。」
法官之一嘅梅汝璈指出,對於南京大屠殺一案「花咗差唔多三個星期嘅工夫專事聽取來自中國、親歷目睹嘅中外證人(十人以上)嘅口頭證言,同檢查同被告律師雙方嘅對質辯難,接受咗一百件以上嘅書面證詞同有關文件,並且鞫訊咗松井石根本人」,「審理係特別嚴肅認真嘅」。松井石根聽取咗法庭宣佈嘅罪狀同科刑後,表示「南京事件,可恥之極」。
法庭判決書中遂有鄭重聲明:「呢個數字重未計被日軍燒毀咗嘅屍體,同埋投入到長江或以其他方法處死嘅人。」事實上遠東國際法庭認定被殺害者有二十萬人以上,未包括屍體被日軍消滅咗嘅受害者在內,而且呢個數字只係「喺日軍佔領後六個星期內」嘅。
東京審判判處死刑嘅7名甲級戰犯中,松井石根嘅唯一罪狀係南京大屠殺。
許多曾在當時南京附近作戰嘅日籍老兵承認南京大屠殺嘅存在。日本左翼嘅日本社會黨同左翼背景嘅日本教職員組合對南京大屠殺都多抱持承認大規模屠殺嘅立場。但因為日本政府始終否認該罪行同日本右翼民族主義教育下,唔少未經歷過侵華戰爭嘅日本人否認南京大屠殺嘅存在。但因為秉持觀點同政治立場唔同,唔同日本人對南京大屠殺有唔同嘅解讀同睇法,其中死傷人數嘅部分,有二十多萬人、四萬、數千、數百乃至於完全否定者等各種話法。
日本對南京大屠殺最大嘅爭議在於,否認方認為日軍進入南京城後城內人口僅二十萬人,認為拉貝日記等可以佐證,而拉貝日記記載嘅事實係——在南京城中嘅國際安全區內就有20萬平民,中國方面認定至少有三十萬人罹難;埋葬總人數嘅問題,都係否認方對南京大屠殺進行質疑之處。另外,日軍無條件投降之後到盟軍接收之前,有充足嘅時間銷毀隨軍文件同照片等直接罪證,造成日後追查嘅直接證據唔足,無法一一求證其事實,都係遭到否認方質疑之處。日本否認方認為有唔少嘅書面記錄都顯示,日軍進入南京後南京並未成為空城,冇屠殺嘅迹象;另外國民黨軍隊倉促撤退,使唔少國民黨軍成為遊擊隊在南京進行巷戰,使得平民死傷嘅責任唔清楚。另外日本否認方提出,有國民黨軍便衣兵假冒日軍犯罪而遭國際安全委員會發現嘅事情。
研究大屠殺事件嘅日本學者對死亡人數主要有幾種睇法:
早稻田大學教授洞富雄,1973年7月發表《南京事件同史料批判》。《駁南京大屠殺係所謂「無稽之談」》(日本現代史出版會),批判鈴木同山本嘅否定史觀。1967年寫成《近代戰史之謎》(人物往來社,後半部分為《南京事件》),1972年4月出版單行本《南京事件》(新人物往來社),1972年11月出版日中戰爭史 資料《南京事件》(河出書房新社),1982年日本文部省在審定教科書時對教科書文字進行修改,佢又立即于同年12月出版定本《南京大屠殺》駁斥。
1984年教文社出版咗松井石根嘅親信秘書田中正明嘅《「南京大屠殺」之虛構》。
(以出品年代順序排列)
This article uses material from the Wikipedia 粵語 article 南京大屠殺, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.