北美巨杉

19世紀中葉，人類喺北美地區發現咗呢樖嘢。由於佢啲枝葉好古怪，所以一直嗌「加州松」。1859年，英國人發現咗呢樖嘢之後改佢名做「惠靈頓巨樹」嚟紀念滑鐵盧戰役嗰時，惠靈頓將拿破崙打沉咗，但呢個名激嬲咗好多美國佬而嗌成「華盛頓巨樹」。後嚟植物家研究咗佢之後改名做「北美巨杉」或「美國巨杉」。

樹幹直而粗兼高到入雲，平均有100m高，最高可以到115m，直徑12m，樹幹周長37m，要廿幾位大人嘅手先至攬得實。樹幹下邊同檳榔科或桉屬嘅植物一樣，冇分岔，凈得樹頂有好多側枝；樹底可以開個窿嚟通車都得，加上樹莖係空心。樹葉個樣比較短，似鱗狀鑽形。果係細嘅蒴果品種，有25~40個籽鱗；籽比較細，得3cm長，重4mg，雖然出芽率比較低，但生得好快，2年內可以生到8dm咁高。

北美巨杉可以抗腐蝕、防蟲害同防火，但材質比較脆，尤其樹心好易爛。

呢種植物嘅莖可以做細木器同高級建築用材。而建築用材大多數用喺木板或欄杆。

雖然巨杉從7000幾萬年前喺全球各地都搵到，但受到第四紀冰川嘅侵襲，好多樹都死嗮，得返美國加州內華達山脈西邊一帶先至有。

成樖樹

植株    習性    體積第二大嘅存活北美巨杉—格蘭特將軍樹

植株

完全形態    啱生出2個禮拜    出世之後9個月    樹皮    葉    果    北美巨杉群，佢嘅樹基都幾大下。    北美巨杉底出嘅大窿既可以畀人行過，又可以畀車行都得。

• 北美紅杉