佛蘭明歌(西班牙文:Flamenco)係源自 18 世紀尾西班牙南邊安達盧西亞地區嘅一種音樂、歌曲(Cante)同舞蹈(Baile),深受當地摩爾人同猶太人影響,仲吸收咗大量羅姆人(吉卜賽人)藝術特性。佛蘭明歌相當有影響力,對歌劇等嘅演藝都有造成影響。到咗廿一世紀初,好似美國同日本等地都有開學校專門教佛蘭明歌相關嘅藝術。
佛蘭明歌嘅歌有得再細分做幾種,當中 cante jondo 係最強烈嗰種,出咗名有啲音樂會用到一段節拍 12 吓拍子呢種極端嘅節奏,例如第 3、6、8、10 同 12 吓拍子強(兩段三拍子然後三段兩拍子),拍號上會係混合 6/8、3/4 或者 12/8,而且 cante jondo 啲歌喺主題上會表達死亡同絕望等強烈哀怨嘅情緒。
This article uses material from the Wikipedia 粵語 article 佛蘭明歌, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.