一院制係指議會淨係有一個院嘅制度,通常同兩院制相對。呢個制度喺新興嘅民主國家、地區政府、同實行歐陸法系嘅政體比較常出現。截至2015年,全球大約有 40% 嘅最高立法機構係用兩院制,而大約 60% 係用一院制。
相比於傳統嘅兩院制,一院制嘅議會比較有效率。喺兩院制之下,議會之間嘅爭鬥會阻礙法案通過,特別係當兩個議會係由唔同嘅黨派掌權嗰陣。咁樣,立法過程就能夠喺唔太花行政費底下,實現到通過以民意爲本嘅法案。仲有,唔少現代嘅兩院制國家,例如英國同加拿大等等,都會對佢哋嘅上議院削減權力,因爲唔少都係任命而唔係民選嘅,變成實際上用緊一院制。所以,一院制相對於兩院制嚟講,立法同通過議案相對比較簡單方便,可以避免漫長嘅立法程序。
一院制嘅議會入面,相對於兩院制冇咁強嘅權力牽制,比較容易出現多數決同一黨獨大嘅現象。如果個國家再加上係使用總統制,更加有可能造成獨裁統治。
This article uses material from the Wikipedia 粵語 article 一院制, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.