ערדישער פלאנעט: פלאנעט וואס באשטייט בעיקר פון שטיין

אסטראנאמען געבן דעם נאמען ערדישער פלאנעט צו די נאענטע פעלדזיקע שכנים פון ערד: מערקור, ווענוס און מאדים.

די דאזיקע פלאנעטן זענען ענלעך צו ערד אין סטרוקטור, אויבוואויל די אייבערפלאך און אטמאספער זענען אנדערש.אן ערדישער פלאנעט קען זיין אדער אסך הייסער אדער אסך קילער פון דער ערד, און קען האבן מער אדער ווייניגער אטמאספער.

אז מען איז געוואויר געווארן אז פלאנעטן ארביטירן אויך אנדערע שטערן (עקסאפלאנעטן), האט מען פארברייטערט ווייטער דעם טערמין ערדישער פלאנעט איינצושפארן  יעדן פעלדזיקן פלאנעט וואס ארביטירט א שטערן.

אלע ערדישע פלאנעטן האבן א יאדער, א צודעק און א סקארע. די סקארע פון אן ערדישן פלאנעט איז גאנץ דין, און דער פלאנעט איז בעיקר צודעק און יאדער, אמאל איז דער יאדער זייער גרויס, אמאל קלענער. דער יאדער פון אן ערדישן פלאנעט איז מערסטנס אייזן, און דער צודעק און די סקארע זענען פעלדזיק.

די לבנה איז גאנץ ענלעך, אבער מיט א קלענערן אייזערנעם יאדער. איא און אייראפא זענען אויך סאטעליטן מיט אן אינערלעכער סטרוקטור ענלעך צו די ערדישע פלאנעטן. ערדישע פלאנעטן קענען האבן בארגשפאלטן, קראטערס, בערג, וואולקאנען און אנדערע אייבערפלאך סטרוקטורן.