სტრაბონი (ბერძ.
ჯვ.წ. 64 ვარდა 63, ამასია, პონტოშ ომაფე — ღ. ახ.წ. 24, რომიშ იმპერია) — ბერძენი გეოგრაფი, ფილოსოფოსი დო ისტორიკოსი.
სტრაბონი | |
ბერძ. Στράβων | |
სტრაბონი | |
დაბადებაშ თარიღი: | ჯვ.წ. 64 ვარდა 63 |
---|---|
დაბადებაშ აბანი: | ამასია, პონტოშ ომაფე (ასეიან თურქეთი) |
ღურაშ თარიღი: | ახ.წ. 24 (87 წანერი) |
ღურაშ აბანი: | |
ომენცარე სფერო: |
სტრაბონიქ დებადჷ დოხოლაფირო ჯვ.წ. 64 წანას, ნოღა ამასიას. სტრაბონი ახალობაშე შარალენდჷ ანატოლიას, ეგვიპტეს, ქუშის, ტოსკანას, ეთიოპიას. უკულ, დოხოლაფირო ჯვ.წ. 44 წანას მიდურთუმ რომშა, სოდეთ ქუდოსქიდჷ ჯვ.წ. 31 წანაშა. რომს სტრაბონს ჯგირი გონათაფა მეუღებუ. ჸათაქ თიში მაგურაფალი რდეს: ქსენარქე, ტირანიონი, ათინოდორე. რომს რინაშ ბორჯის, სტრაბონიქ ჯგირო ქიდიგურუ ფილოსოფია, გრამატიკა, გეოგრაფია.
სტრაბონიშ არძაშე უმოსო გიშარჩქინელი ნახანდი რე "გეოგრაფია". ჸათე ნახანდიშო სტრაბონი ბრელ წანას ნომუშებუე, მარა ჭარუაშ ზუსტი თარიღი ვარე რჩქინელი. ართი ვერსიათ სტრაბონს გეოგრაფიაშ ჭარუა იმპერატორი ტიბერიუსიშ ბორჯის ოკო უთებუდუკო. სტრაბონიშ გეოგრაფია, ნამუთ აკმოდირთუ 17 წინგიშე, ენციკლოპედიური ხასიათიშე რე დო იკათუანს პოლიტიკურ, ეკონომიკურ, სოციალურ, კულტურულ, გეოგრაფიულ ინფორმაციას ევროპაშ დო სქირონაშქა ზუღაშ გოხოლუაშ ტერიტორიეფიშ გეშა. წინგის ეჭარილი რე: ბრიტანეთიშ კოკეფი, იბერიაშ ჩქონი, გალია, გერმანია, ალპეფი, იტალია, საბერძნეთი, უჩა ზუღაშ ოორუე რეგიონი, ანატოლია, არხო ბჟაეიოლი, ცენტრალური აზია დო ოორუე აფრიკა.
სტრაბონიშ პირველი ნახანდი რდჷ "ისტორიული ნარკვიებუეფი", ნამუთ დინაფილი რე დო ჩქინი ბორჯიშა ვამუჭირინუაფჷ.
სტრაბონიშა დიდი გოლინა იღვენუ ჰომეროსიქ, ჰეკატეოს მილეტარქ დო არისტოტელექ.
This article uses material from the Wikipedia მარგალური (Margaluri) article სტრაბონი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.