აჭარაშ ავტონომიური რესპუბლიკა
აჭარაშ ავტონომიური რესპუბლიკა — ავტონომიური რესპუბლიკა საქორთუოშ აკოდგინალუას.
რეგიონიშ საირქიანო კოდი რე GE-AJ. იკათუანს ისტორიულ–გეოგრაფიული პროვინციეფიშ აჭარაშ დო ლაზეთიშ (ნორთობურო) ტერიტორიას. რესპუბლიკას აპალუ დორხველი შილა დო გერბი. აჭარაშ ავტონომიურ რესპუბლიკაშა მიშურს გეჸვენჯი ადმინისტრაციულ–ტერიტორიული ართურეფი:
- ბათუმი;
- ქედაშ მუნიციპალიტეტი;
- ქობულეთიშ მუნიციპალიტეტი;
- ხელვაჩაურიშ მუნიციპალიტეტი;
- შუახევიშ მუნიციპალიტეტი;
- ხულოშ მუნიციპალიტეტი.
გერბი | შილა |
| ქიანა |  საქორთუო |
| სტატუსი | ავტონომიური რესპუბლიკა |
| ფორჷნს | ბათუმი, ქედაშ მუნიციპალიტეტი, ქობულეთიშ მუნიციპალიტეტი, ხელვაჩაურიშ მუნიციპალიტეტი, ხულოშ მუნიციპალიტეტი დო შუახევიშ მუნიციპალიტეტი |
| ადმინ. ცენტრი | ბათუმი |
| შხუ ნოღეფი | ბათუმი, ქობულეთი |
| დორსხუაფაშ თარიღი | 1991 |
| მადუდე | თარობაშ მადუდე: თორნიკე რიჟვაძე |
| ოფიც. ნინა | ქორთული |
| მახორობა (2016) | 337 000 |
| ფართობი | 2899 კმ² კმ² |
 | |
| ბორჯიშ ორტყაფუ | UTC+4 |
| კოდი ISO 3166-2 | GE-AJ |
| ოფიციალური ვებ-ხასჷლა | |
ზოგადი ჩინებეფი
აჭარა მილარე საქორთუოშ ობჟათე-ბჟადალ ნორთის, უჩა ზუღაშ ოძგაშე ზოლს, ობჟათეშე ომძღჷ თურქეთიშ რესპუბლიკა. ფართობი აკმადგინანს 2900 კვ.კმ–ს, მახორობა – მეხოლაფირო 333 953 კოჩი (2014), მახორობაშ მეჭედალა — 115 კოჩის. ავტონომიაშ ადმინისტრაციული ცენტრი რე ნოღა ბათუმი. ავტონომიაშ ტერიტორიას 342 დოხორელილი პუნქტი რე, თენეფ შქას:
მართუალა
ავტონომიური რესპუბლიკაშ კონსტიტუციათ კანონიშდუმადვალუ ორგანო რე აჭარაშ ავტონომიური რესპუბლიკაშ უმაღალაში სხუნუ (30 მაკათური), ნამუთ ეშმესხუნუ 5 წანაშ ვადათ. ემაჸონაფალი ორგანო რე მინისტრეფიშ სხუნუ.
- აჭარაშ ავტონომიაშ მადუდე
- უმაღალაში სხუნუშ დუდმახვენჯეფი:
- მინისტრეფიშ სხუნუშ დუდმახვენჯეფი:
- ვახტანგ აბაშიძე
- რევაზ შამილიშვილი
- როსტომ ჯაფარიძე
- 2004-2012 ლევან ვარშალომიძე
- 2012-არჩილ ხაბაძე
აჭარაშ ავტონომიაშ ადმინისტრაციული ართულეფი რე: ნოღაშ მერია — 1, მუნიციპალიტეტიშ გამგეობა — 5, სადაბო ოკათუ (საკრებულო) — 3, ოფუტეშ ოკათუ — 56.
ეკონომიკა
აჭარა აგრარული რეგიონი რე, სოდეთ მეთხოზჷნა სუბტროპიკული კულტურეფიშ (ჩაი, ციტრუსეფი) მოჸუნაფას. შანულამი დარგეფი რე ხოლო: ნაფთობიშ რეწუა, მანქანაშკიდანჯალა დო ტურიზმი. ნაფთობი მოურს ბათუმშე, ნამუთ წჷმარინუანს გაზსადენიშ ეკონია პუნქტის. ბათუმიშ, მუჭოთ ოპორტე ნოღაშ შანულობაქ მირდჷ თურქეთ-საქორთუოშ თანჯაშ გონწყჷმაშ უკული სარფიწკჷმა.
კულტურული მონძეობეფი
ავტონომიური რესპუბლიკაშ ტერიტორიას იდვალუაფუ ორთაშ, არქიტექტურაშ დო კულტურაშ მიარე ობიექტი:
- გონიოშ ჯიხა
- სხალთაშ ოხვამე
- ბათუმიშ ბოტანიკური ბაღი
ისტორია
1877–78 წანეფიშ რუსეთ–ოსმალეთიშ ლჷმაშ უკული აჭარაშ ტერიტორიაქ რუსეთიშ იმპერიაშ ფარგალეფშა მიშელჷ ბათუმიშ ოლქიშ ჯოხოთ. 1918-20 წანეფს ოკუპირაფილი რდჷ დიო თურქეფშე, უკული ინგლისარეფშე. საქორთუოს სხუნუეფიშ რეჟიმიშ მოულაშ უკული, 1921 წანას დირსხუ აჭარაშ ავტონომიურ რესუბლიკაქ საქორთუოშ აკოდგინალუას. 1990 წანაშ ლიაშე ჯოხო აჭარაშ ავტონომიური რესპუბლიკა.
რესურსეფი ინტერნეტის
This article uses material from the Wikipedia მარგალური (Margaluri) article აჭარაშ ავტონომიური რესპუბლიკა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.