მარიამ მირზახანი (სპარს.
12 მესი, 1977, თეირანი, ირანი — ღ. 14 კვირკვე, 2017, სტენფორდი, კალიფორნია, ააშ) — ირანალი-ამერიკალი მათემატიკოსი.
მარიამ მირზახანი | |
სპარს. مریم میرزاخانی | |
მარიამ მირზახანი მათემატიკოსეფიშ საირქიანო კონგრესის, სეულს (2014 წ.) | |
დაბადებაშ თარიღი: | |
---|---|
დაბადებაშ აბანი: | |
ღურაშ თარიღი: | კვირკვე 14, 2017 (40 წანერი) |
ღურაშ აბანი: | სტენფორდი, კალიფორნია, ააშ |
მენოღალობა: | |
ომენცარე სფერო: | |
სამუშაშ აბანი : | |
ალმა-მატერი: | შარიფიშ ტექნოლოგიური უნივერსიტეტი |
ომენცარე ხემანჯღვერი: | კერტის მაკმალენი |
ჯილდოეფი დო პრემიეფი: | ბლუმენტალიშ პრემია (2009) |
მარიამ მირზახანი გურაფულენდჷ მათემატიკას შარიფიშ ტექნოლოგიურ უნივერსიტეტის, სოდეთ მიპალუ ბაკალავრიშ ხარისხი 1999 წანას. მალას ოცხოვრებშა დო ომუშებუშა ამერიკაშა გეგნორთჷ დო გურაფა გაგინძორჷ ჰარვარდიშ უნივერსიტეტის. მირზახანიქ ოდოქტორე დისერტაცია თხილუ 2004 წანას გიშარჩქინელი ამერიკალი მათემატიკოსიშ კერტის მაკმალენიშ ხემანჯღვერობათ. გურაფაშ თებაშ უკულ მირზახანი მუშენდჷ კლეიშ მათემატიკაშ ინსტიტუტის დო ფრინსთონიშ უნივერსიტეტის. 2009 წანაშე რდჷ სტენფორდიშ უნივერსიტეტიშ მათემატიკაშ პროფესორი. მარიამ მირზახანიშ მენცარული ინტერესეფიშ სფერო რდჷ: ტეიხმიულერიშ თეორია, ლობაჩევსკიშ გეომეტრია, ერგოდიკული თეორია დო სიმპლექტიკური გეომეტრია. მარიამ მირზახანი რდჷ შხვადოშხვა მათემატიკური ოლიმპიადეფიშ გომორძგვილი დო პრესტიჟული ჯილდოეფიშ ლაურეატი. მირზახანის 2009 წანას გინოჩეს ბლუმენტალიშ პრემია, 2014 წანას მიპალუ ფილდსიშ მენდალი. მირზახანი რდჷ ამერიკაშ მენცარობეფიშ ერუანული აკადემიაშ დო ამერიკაშ ხელუანობეფიშ დო მენცარობეფიშ აკადემიაშ მაკათური. მარიამ მირზახანიქ ღურუ 2017 წანაშ 17 კვირკვეს, კიდირიშ კიბოთ. მირზახანი 40 წანერი რდჷ.
This article uses material from the Wikipedia მარგალური (Margaluri) article მარიამ მირზახანი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.