კუკიშ გვალა
კუკიშ გვალა (ინგლ.
Aoraki) — ახალი ზელანდიაშ უმაღალაში ჭურჭული. სიმაღალა 3754 მეტრი. იდვალუაფჷ ობჟათე კოკის, ნოღა კრაისტჩერჩიშ ობჟათე-ბჟადალშე. აკოგაფილი რე კრისტალური ქანეფით. კონკა უნანგერიშ ფორმაშ რე, ძალამი ქარაფი ფერდეფით. გვალა ფორილი რე თირით დო ჯიშთეფით. ბჟაეიოლ კართეს იდვალუაფჷ ტასმანიშ ჯიშთი, ბჟადალ კართეს — ჰუკერიშ ჯიშთი. ატმოსფერული ნოლექეფიშ მუდანობა წანმოწანას 4491 მმ ონჭჷ. კართეფიშ თუდოლენ ნორთის რე ენდემური გვარობეფით დინდარი ზჷმიერი ორტყაფუშ უნიკალური ჭვემაშ ტყალეფუ. ალპინისტეფიშ დო ტურისტეფიშ პოპულარული აბანი რე. იდვალუაფჷ კუკიშ გვალაშ ერჰანული პარკიშ ტერიტორიას, სოდე 2000 მეტრიშ მამაღალას მადვალუ 140-იშ უმოსი პიკი დო დოხოლაფირო 70-შახ ჯიშთი იდვალუაფჷ.
 | ||
| კოორდინატეფი: / | ||
| ორენი |  ახალი ზელანდია | |
| სიმაღალა | 3754 | |
| ქჷნდჷრი | ობჟათე ალპეფი | |
| მაართა ეშულა | 1894 | |
|
 | ||
გვალაშ აბანობური ჯოხოდვალა რე „აორაკი“, ნამუთ მაორულ ნინაშა ითანგუ მუჭოთ „დიდი ჩე მუნაფა“. ჯოხოქ გიადჷ ინგლისალი მეზუღეშ დო მარკვიალიშ ჯეიმზ კუკიშ პატიოჩამალო. 1991 წანას მოხვალამირი თირსციმორიშ შედეგო კონკას გამოხორცქჷ ქანეფქ (თირი დო ჸინწკჷმა ართო), ნამუშ გეშა გვალაშ სიმაღალაქ დოხოლადირო 10 მეტრით დეკუნტარ. კუკიშ გვალაშა მაართათ ეშართეს 1894 წანას.
რესურსეფი ინტერნეტის
შეგილებუნა ქოძირათ მედიაფაილეფი თემაშე „კუკიშ გვალა“ ვიკიოწკარუეს.- კუკიშ გვალა (ინგლისური) — სტატია ენციკლოპედია ბრიტანიკაშე
- კუკიშ გვალაშ ერუანული პარკი (ინგლისური)
This article uses material from the Wikipedia მარგალური (Margaluri) article კუკიშ გვალა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.