Mount Cook (Maori: Aoraki, 'de berch dy't de wolkens pakt') is de heechste berch (3766 meter) fan Nij-Seelân en leit op it Sudereilân.
De berch krige syn namme fan kapitein Stokes, de kartograaf dy't dit gebiet yn kaart brocht, en is neamd nei de Ingelske seefarder James Cook, dy't Nij-Seelân foar Grut-Brittanje ûntdekt hat. De berch is in toeristyske trekpleister.
Mount Cook leit yn it Nasjonaal park Aoraki/Mount Cook, dat yn 1953 iepene waard en mei it Nasjonaal park Westland Tai Poutini, it Nasjonaal park Mount Aspiring en it Nasjonaal park Fiordland ien fan UNESCO syn World Heritage Sites is. It park hat mear as 140 berchtoppen boppe de 2.000 meter en 72 gletsjers, dy't 40 % (700 km²) fan it park bedekke.
Mount Cook bestiet út trije toppen de Lege top, Middelste top en Hege top. De Tasmangletsjer leit yn it easten en de Hookergletsjer bewesten.
Mount Cook Village (ek bekend as The Hermitage) is in toeristysk sintrum en it basiskamp fan de berch. It leit 7 km fan de Tasmangletsjer en 12 km ten suden fan Mount Cook.
Ofbylden dy't by dit ûnderwerp hearre, binne te finen yn de kategory Aoraki/Mount Cook fan Wiki Commons. |
This article uses material from the Wikipedia Frysk article Mount Cook, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.