დრავიდული ნინეფი
დრავიდული ნინეფი — ნინეფიშ ფანია, ნამუთ თარო გოფაჩილი რე ინდოეთიშ ობჟათე ნორთის.
გვალო იკათუანს 30-შე უმოს ნინას დო ირთუ, ობჟათურ, ცენტრალურ დო ოორუულ ბუნეფო. ასეშო, დრავიდულ ნინეფშა მორაგადეეფიშ რიცხუ 220 მილიონს ოჭირინუანს. დრავიდულ ნინეფშა რაგადანა დრავიდეფი.
ნინეფი
გიშმაგორჷნა 4 თარ დრავიდულ ნინას. თენეფი რე:
- ტელუგუ — 85 000 000 მორაგადე
- ტამილი — 70 000 000 მორაგადე
- კანადა — 49 000 000 მორაგადე
- მალაიალამი — 38 000,000 მორაგადე
ეშანილი ნინეფი ინდოეთის ტამილნადუშ, კერალაშ, მაისურიშ დო ანდჰრა-პრადეშიშ შტატეფიშ ოფიციალური ნინეფი რე. ოთთხოლოს უღჷ გორკვიაფილი ლიტერალურული ტრადიციეფი, მორო თინეფშე ხვალე ტელუგუშ ნინას უღუ ჭარალუა, ნამუქჷთ აკიქიმინჷ XIX ოშწანურას.
მოჯგირალა შხვა ნინეფწკჷმა
დრავიდულ ნინეფს სინტაქსი ტოპოლოგიურო თურქული დო მონღოლური ნინეფიშ მოგვენი რე. კინ თე ბორჯის კანკალე მენცარი (რ. კოლდუელი, ჰ. ფეენრიხი) შილებუამო კოროცხჷნს დრავიდული ნინეფიშ იბერიულ-კავკაციურ ნინეფიშ ფანიაწკჷმა უჯვეშაშ მოჯგირალას.
ლიტერატურა
- Caldwell R., A comprative grammar of the Dravidian or South-Indian family of languages, 3ed., L., 1913
- ქორთული სხუნუეფიშ ენციკლოპედია, ტ. 3, ხს. 631, ქართი, 1978 წანა.
This article uses material from the Wikipedia მარგალური (Margaluri) article დრავიდული ნინეფი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.