გნეუს პომპეუსი
გნეუს პომპეუს მაგნუსი (ლათ.
Gnaeus Pompeius Magnus; დ. ჯვ. წ. 29 ეკენია, 106 — ღ. ჯვ. წ. 28 ეკენია, 48) — რომიშ რესპუბლიკაშ სახენწჷფო დო ოურდუმე მოღალე. დებადჷ დინდარი რომალეფიშ ფანიას. თიში მუმა რდჷ გნეუს პომპეუს სტრაბონი, გოლინიანი ოურდუმე დო პოლიტიკური მოღალე, ნამუთ ნინალენდჷ კონსულო ჯვ.წ. 89 წანას.
| გნეუს პომპეუსი | |
| ლათ. Gnaeus Pompeius Magnus | |
_Pompey_the_Great,_Museo_Archeologico_Nazionale.jpg) პომპეუსიშ ბიუსტი | |
| მოღალობა | პოლიტიკოსი, ოურდუმე მოღალე, კონსული (ჯვ.წ. 70, 55, 52) |
|---|---|
| ბიოგრაფიული ჩინებეფი | |
| დაბადებაშ თარიღი | |
| დაბადებაშ აბანი | პიცენუმი, იტალია |
| ღურაშ თარიღი | |
| ღურაშ აბანი | პელუზიუმი, ეგვიპტე |
| ნთხორუაშ აბანი | ალბანუმი, იტალია |
| მენოღალობა | |
| მუმა | გნეუს პომპეუს სტრაბონი |
| ალმასქუ | ანტისტია (ჯვ.წ. 86-82) |
| სქუალეფი | გნეუს პომპეუს მაგნუსი |
| ჯილდოეფი: | 3 ტრიუმფი |
გნეუს პომპეუსი ახალნორდობაშე რდჷ სულაშ პროტეჟე. პომპეუსიქ პოპულარობა მიპალუ სულაშ ომენოღალე ლჷმაშ ბორჯის. სუმშა იჸუ გიშაგორილქ კონსულო ჯვ.წ. 70, 55 დო 52 წანეფს. ნინალენდჷ მანჯღვერთარო სერტორიანული, გლადიატორული, მითრიდატული ლჷმეფს დო შხვა ოურდუმე კამპანიეფს. მუჭოთ გომორძგვილი დო შანულამი მანჯღვერთარს სუმშა მუნწყის ტრიუმფი. ოურდუმე კამპანიეფს წჷმოძინეფიშ გეშა მიპალუ მეტჯოხო "მაგნუსი" — "დიდი".
ჯვ.წ. 60 წანაშე რდჷ პოლიტიკური ალიანსიშ მაართა ტრიუმვირატიშ მაკათური, იულიუს კეისარი დო მარკუს კრასუსიწკჷმა ართო. პომპეუსიქ ოსურო ქიმიჸონჷ იულიუსიშ ცირასქუა იულია. იულიაშ დო კრასუსიშ ღურაშ უკულ, პომპეუსიქ ქალუდირთჷ რომიშ სენატიშ კონსერვატორული ფრაქციას ოპტიმატეფს. მალას ქიდიჭყჷ ლჷმაქ ხეშულობაშო კეისარიშ დო პომპეუსიშ შქას. ჸათე კონფლიქტის კეისარიშ ომენოღალე ლჷმას უძახჷნა. ჯვ. წ. 48 წანას ფარსალოსიშ ლჷმას იულიუსიქ ორჯგინჷ პომპეუსიშ ლეგიონეფს. პომპეუსიქ პტოლემეეფიშ ეგვიპტეშა ინტუ, სოდეთ გეგთოჩეს დო დოჸვილეს.
ლიტერატურა
- Southern, P., Pompey the Great: Caesar's Friend and Foe, The History Press, 2003.
რესურსეფი ინტერნეტის
 | ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article გნეუს პომპეუსი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.