驾驽士·庞培(拉丁文:Gnaeus Pompeius Magnus,公元前106年-公元前48年),是罗马共和国晏末阶段个独裁者、将军搭政治家。伊少年成名,依靠支持络几维·阔拿武·苏拉,进入上层社会。随后伊廿几岁就开始立在北非搭西班牙征讨,侪获得大胜。之后,搭麻掴撕·李锡尼·克拉苏媾和,共同当选执政官。立在之后,伊前往东地中海围剿海盗,获得完胜。立在公元前60年左右,庞培、克拉苏搭冒出来个阴谋家凯撒组成前三头同盟。讲起来庞培立在迭个同盟里势力顶顶大,弗过,伊实际浪并弗是一个合格个演讲家搭独裁者。更嘸阴谋家凯撒个野心大。所以之后伊一直立在罗马搭意大利本土,再呒公开搭罗马元老院叫板。到公元前50年左右,凯撒立在高卢个势力让元老院搭庞培警觉,迭个辰光克拉苏已经死脱,所以,庞培也搭元老院一道对凯撒发出最后通牒,弗过,凯撒羽翼丰满,并弗买账。跨过卢比孔河进入罗马。庞培搓手弗及,只好搭一帮反对凯撒个元老一道逃到希腊组织军队抵抗。立在法萨卢斯战役战役当中,庞培军畀凯撒完全击溃。庞培逃跑到埃及,畀埃及大臣杀脱。
This article uses material from the Wikipedia 吴语 article 格奈乌斯·庞培, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另外声明,内容用CC BY-SA 4.0授权。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 吴语 (DUHOCTRUNGQUOC.VN) is an independent company and has no affiliation with Wiki Foundation.