ჯოზაია უილარდ გიბსი (ინგლ.
11 ფურთუთა, 1839, ნიუ-ჰეივენი, კონექტიკუტი, ააშ — ღ. 28 პირელი, 1903, ნიუ-ჰეივენი, კონექტიკუტი, ააშ) — ამერიკალი ფიზიკოსი, ქიმიკოსი დო მათემატიკოსი. უილარდ გიბსი, ჯეიმზ კლერკ მაქსველი დო ლუდვიგ ბოლცმანიწკჷმა ართო რდჷ სტატისტიკური მექანიკაშ ართ-ართი დუმარსხუაფალი. უილარდ გიბსიქ გიმირინუ მაქსველიშ განტოლებეფი ფიზიკური ოპტიკაშ პრობლემეფიშ ეიონწყუმალო. მათემატიკაშ დარგის უილარდ გიბსიქ წჷმარინუ ვექტორული ანალიზი. ჯოზაია უილარდ გიბსიქ ფიზიკურ ქიმიას გიმირკვიუ: დუდიშული ენერგია, ფაზური დიაგრამა, ტრანსპორტული ფენომენი, სტატისტიკურ მექანიკას: სტატისტიკური ანსამბლი, ქიმიური პოტენციალი, გიბსიშ ენტროპია, გიბსიშ პარადოქსი, მათემატიკას: ვექტორული ანალიზი, ელექტრომაგნეტიზმის - მაქსველიშ განტოლებეფი დო შხვეფი. ჯოზაია უილარდ გიბსი გურაფულენდჷ იელიშ უნივერსიტეტის, სოდეთ მიპალუ მენცარობაშ დოქტორიშ ხარისხი ინჟინერიას. გურაფაშ თებაშ უკულ ევროპაშა მიდართჷ, სოდეთ სუმ წანას ქუდოსკიდჷ. ევროპაშ უკულ კინ ამერიკაშა დირთჷ დო მუშობა ქიდიჭყჷ იელიშ უნივერსიტეტის, სოდეთ 1871 წანაშე ღურაშახ, რდჷ მათემატიკური ფიზიკაშ პროფესორი. უილარდ გიბსი 1897 წანაშე რდჷ ლონდონიშ ომაფეშ ჯარალუაშ მაკათური. 1901 წანას უილარდ გიბსის, ომაფე ჯარალუაქ გინოჩჷ კოპლიშ მენდალი, მენცარული რკვიებაშ გეშა, ნამუთ ორხველუდჷ მათემატიკურ ფიზიკას.
ჯოზაია უილარდ გიბსი | |
ინგლ. Josiah Willard Gibbs | |
დაბადებაშ თარიღი: | |
---|---|
დაბადებაშ აბანი: | ნიუ-ჰეივენი, კონექტიკუტი, ააშ |
ღურაშ თარიღი: | პირელი 28, 1903 (64 წანერი) |
ღურაშ აბანი: | ნიუ-ჰეივენი, კონექტიკუტი, ააშ |
მენოღალობა: | |
ომენცარე სფერო: | |
სამუშაშ აბანი : | იელიშ კოლეჯი |
ალმა-მატერი: | იელიშ კოლეჯი |
ომენცარე ხემანჯღვერი: | |
ჯოხოშინელი მოგურაფეეფი: | ედუინ ბიდუელ უილსონი |
ჯილდოეფი დო პრემიეფი: | რუმფორდიშ პრემია (1880) |
ხეშმოჭარუა: |
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article ჯოზაია უილარდ გიბსი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.