აშოკა (დევანაგარი: अशोक IPA: aˈɕoːkə; ჯვ.წ.
304-232) — ინდოეთიშ იმპერატორი მაურიაშ დინასტიაშე, ნამუთ მართუნდჷ დახე ედომუშამ ინდოეთიშ ჩქონს ჯვ. წ. 269-232 წანეფს. მუსხირენ ოურდუმე ეჭოფუეფიშ უკული, ინდოეთიშ ართ-ართი უდიდაში იმპერატორი, თეხანიშ ინდოეთშე უმოს დიდ სახენწჷფოს მართუნდჷ. თიშ იმპერია გჷნოზინდილი რდჷ თეხანური პაკისტანიშე ბანგლადეშშახ დო კერალაშე ანდჰრაშახ. თიქ გეჭოფუ კალინგიშ ომაფე, ნამუშ ეჭოფუა ჩანდრაგუპტა მაურიაშ დინასტიაშე მოჸუნაფილი მითინს ვეშიალებუ. თიში ომაფე ცენტრი რდჷ მაგადჰას (თეხანური ბიჰარი). კალინგიშ ლჷმას მასობურ ჸვილუეფიშ მეჭიშაფაშ უკული, გენშიღუ ბუდიზმი. მოგვიანეთ, აზიას ბუდიზმიშ პროპაგანდას ოწიუდჷ დო აკაგჷ ბუდდჰა შაკიამუნიშ რინაშ მაძირაფალი მუსხირენ ძეგლი. აშოკა რდჷ აჰიმსაშ (უნძალობუობაშ), ჸოროფაშ, ტოლერანტობაშ დო ვეგეტარიანალობაშ გემაჸვენჯი. ისტორიას ფილანტროპულ მამართალო რე ჩინებული.
თიში ჯოხო „აშოკა“ შანენს „უჭუალეს“. თიშ ედიქტეფს თაშნეშე მიშინუანდეს დევანამპრიჲათ („ღორონთეფშო საჸვარელი“).
აშოკას დიდი თია მიშუძჷ ბუდიზმიშ მოსოფელიშ სარწუმოებათ გჷნორთინაშ საქვარს.
This article uses material from the Wikipedia მარგალური (Margaluri) article აშოკა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.