Abantwana Bakatiyo Soga

WILLIAM ANDERSON SOGA (5 Janyuwari 1858 - 15 July 1916)

U-William yinkulu kaTiyo. ngexesha lokuwa kwakhe uTiyo, uWilliam wayeneminyaka eyi-13 kuphela ubudala. Njengogqirha u-William wavula imission ekuthiwa yiMiller mission kufuphi nase Elliotdale, eTranskei eMzantsi Afrika. Ngo 1885, uwilliam watshata inzalelwane yase Scotland uMay Agnes Meikle. Unyana wabo uAlexander RB Soga walandela ekhondweni likayise waba ngugqirha naye. Wazifumana iziqinisekiso zezizifundo eGlasgow ngo1912. Usebenze njengogqirha e-Elliotdale nase Dutywa.

JOHN HENDERSON SOGA (10 Febhuwari 1860 - 11 March 1941)

Nangona ezalelwe apha eMzantsi Afrika u-John, kodwa waswelekela eSouthampton. Waqeqeshelwa ubufundisi ke lo mfo njengoyise. Kodwa yena walufumana eEdinburgh obakhe ubufundisi waza wathwesa ngokusesiskweni isidanga soko ngo1893. Emva koko wabuyela eMzantsi Afrika. Apho afike wavula khona i-mission kwisitishi saseMbonda. Eselapho udibene nenzwakazi u-Isabella Brown, intombi kaChristina (m.s. McKay) noDavid Brown. Kwathi kanti kudibene ukufa neyeza.

ALAN KIRKLAND SOGA (24 Novemba 1861 - 1938, eMzantsi Afrika)

Amagama okuqala ale ndedeba ngamagama abazali bakanina uJanet. Lo mfo ufunde ezomthetho, waza wasebenza kwamantyi eMthatha. Ekuhambeni kwethuba ube yi-editor yephepha laseMzantsi Afrika. Yena ke uvele watshata nentomi yomXhosa u-Ellen Mba wakuCentane. Unyana wabo u-De villiers Soga uye waba ngumfundisi waseRhabe.

ISABELLA MCFARLANE SOGA (10 May 1864 - 16 March 1884)

He was very young when she passed away.

JOTELLO FESTIRI SOGA (1865 - 12 December 1906)

Wafumana isiqinisekiso sokuba ngugqirha wezilwanyana eDick College, eEdinburgh ngo1886. Emva koko wabuyela eMzantsi Afrika apho wafika walwa kakhulu nesifo sezilwanyana ekwakusithiwa 'Ngulindipasi' u-rinderpest ngesiNgesi, ngo-1897. U-Jotello watshata nonzwakazi uCatherine Watson, married Catherine Watson Chalmers, baza bawongwa ngeentombi ezintathu; uCatherine, uMargaret kunye no-Doris.

FRANCES MARIA ANNA SOGA (10 February 1868 - 20 September 1942)

JESSIE MARGARET SOGA (8 February 1870 - 23 February 1954)

lo ke ngumathunjana kanina, owathi enomnyaka omnye jwi, wasutywa kukufa uyise, uTiyo.

Kuyavakala ke okokuba kukho omnye umntwana ongazange alunge. Ngesiba sithi basibhozo bebonke abantwana bakaTiyo Soga.

Phambi kokuba alishiye eli ngo1871, wabashiya nomyolelo abantwana bakhe, ingakumbi kwaba wayefuna ukuba bafunde eScotland. Wabaxelela okokuba bangaze babeneentloni ngoyise ongumAfrika. Wayesoloko ebabongoza abantwana bakhe ukuba bangaze balilibale ikholwa lenkosikazi yaseScotland elingunina, umama io wayenomqolo, enyanisekile ekwakhuthele enenkathalo engummangaliso.

This article uses material from the Wikipedia isiXhosa article Abantwana bakaTiyo Soga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiXhosa (DUHOCTRUNGQUOC.VN) is an independent company and has no affiliation with Wiki Foundation.