直布罗陀

 

直布罗陀来勒历史开始个辰光就有人类活动。来勒几万年之前，迭个场所就有尼安德特人，现在还有伊拉个化石。弗过来勒冰河辰光，迭个地方个人類遺跡弗算顶多。

到古典文明个辰光，直布罗陀成为腓尼基人个聚居地，来勒公元前二世紀，罗马人拿迦太基人赶走，征服伊比利亚，也拿直布罗陀变成伊拉个行省。

到公元5世纪，羅馬帝國开始消亡，西罗马帝国滅亡之后，西哥特人、伊比利亞人搭之后个摩爾人先后爭奪此地。到公元7世纪，新兴个回教从此地进入半岛，开始侵略欧洲。之后八百多年辰光内，迭个地方一直是北非搭半岛个回教联系通道。

到公元15世纪，西班牙王国完成统一，迭个地方成为新兴帝国个领土。

公元1704年，英國来勒西班牙王位繼承戰爭当中攻佔直布羅陀，到1713年，西班牙承认拿直布罗陀割脱把英国，迭个事体来勒之后个几百年里向直接让直布罗陀成为英国领土。

到20世纪晚期，直布罗陀个主权问题成为英国搭西班牙争论个一个焦点。弗过当地民众大多认为自家是英国人。

 

直布罗陀个地理位置来勒伊比利亚半岛个顶南部，伊自家本身也是一个老小个半岛，面积只有6.543平方公里，海岸線長12公里。

直布罗陀是典型个地中海氣候，夏天乾燥暖和，冬天濕潤，雨水比较多，弗过一点也弗冷。

除脱有限淡水資源，該處並沒有其他明顯个天然資源，直至近期當地人才興建集水設施蓄水。

为满足土地个要求，直布罗陀一直来勒天海。填海土地来勒直布羅陀總面積当中大概有十分之一。