جبل الطر

التيساع ديالها واصل ل 6،7 لكم²، و عندها حدود ف الشمال معا سپانيا. التقدير ديال عدد السكان ديالها ف 2022 كان ف جوايه 32688 واحد، أغلبية ديالهوم محليين (جبلطريين).

Gibraltar (en) Gibraltar (es)
التقسيم لإداري
لبلاد	جبل الطر
لعاصيمة	جبل الطر
التأسيس	1704
تسمات على	طارق بن زياد
لجغرافيا والسكان
لميساحة	6.843 كم²
محادية معا	سپانيا إقليم الأندلس تيحاد لؤروپي
شحال دالسكان	34,003 (2020)
لإدارة
لملك د لمملكة لمتحدة	تشارلز التالت
Chief Minister of Gibraltar	فابيان بيكاردو
معلومات خرى
التوقيت	التوقيت د وسط أوروپا
اللوغات	نڭليزية نڭليزية صبليونية
السيت الرسمي	لموقع الرسمي
خريطة لجيهة

ف 1704، لقوات لأنڭلو-هولاندية سيطرات على جبل الطر من عند سپانيا ف لوقت ديال حرب لخلافة د سپانيا. التيريطوار تّعطى بشكل كامل ؤ نهائي ل بريطانيا لعظيمة ف معاهدة ؤتريخت د 1713. جبل الطر ولّا قاعدة موهيمة ديال لبحرية لبريطانية، سيرتو ف لفترة ديال لحروب الناپوليونية و لحرب لعالمية الجاوجة، حيت كاتكونطرولي ممر ضيّق ديال الدخول و لخروج من لبحر الشامي (لأبيض لمتوسط)، لي كيتسمى مضيق جبل الطر، ب عرض ديال 14,3 لكلم. النص ديال الطرافيك التجاري لبحري ف لعالم كيدوز من هاد لمضيق.

لإقتصاد ديال جبل الطر معتامد على السياحة، لقمر ف أنتيرنيت، السرابس د لفينونص، و السوطاج (تزويد لباطوات ب لفيول). و عندها وحدة من أضعف النسب ديال الشوماج، زيادة على كون أغلب لخدّاما فيها ماشي جبلطريين (سيرتو صبليون).

السيادة على جبل الطر من بين النقاطي ديال لمخالفة بين سپانيا و لمملكة لمتحدة، حيت سپانيا كاتطالب ب ترجاع هاد لمدينة ليها. ف ستيفتاء تدار ف 1967، أغلبية د الجبلطريين رفضو باش يرجعو ل سپانيا، و ف واحد أخور ف 2002، أغلبية كانو معا سيادة مشتاركة بين بريطانيا و سپانيا. تقافياً كاين تقارب كبير بين سپانيا و جبل الطر، حيت أغلبية د السكان كيهضرو الصبليونية، زيادة على لهجة ديالهوم كاتسمى يانيطو.

من لبريڭزيت مابقاش جبل الطر عضو ف لإتحاد لؤروپي، ولاكين كاينين مفاوضات طاريين دابا باش تولي لمدينة داخلة ف الزون د شينڭين، باش تسهل الدوزان عبر لحدود بين سپانيا و جبل الطر. تال حدود مارس 2023، لمفاوضات ماوصلو فين.

 

السمية د لمدينة جات من لعربية "جبل طارق"، على السمية ديال لقايد لعسكاري لموري طارق بن زياد لي حط لارمي ديالو ف داك لموضع ملي لمسلمين دخلو ل لأندلس ف لقرن 8. السمية "جبل الطر" مخدّمة من عهد السعديين، و كانو سميات خرين بحال "جبل لفتح" و "جبل لبشارة".