天主教

天主教是基督教当中顶重要个一大派別,也是通常大家所讲个基督教三大派別当中个一个。,天主教会个名称是公教会或者是大公教会。除此之外,通常拿西方或者东方个宗派。通常又拿渠拉叫成功天主教会或者罗马天主教会。此外,一些搭罗马教宗呒有管理关系个教会,在天主教会个名称丄向使用“公教”作为称呼,比如古公教会、宽宏公教会,天主教與基督教的一個不同是天主教的十字架上有耶穌。

稱呼來歷

天主敎个名字,來自拉丁語當中个「Catholicus」,個詞彙个意識是「普遍个」,當翻譯成漢字个辰光,就拿「天下爲公」个「公」作爲替換詞彙;「公敎會」昰個詞彙,在《宗徒信經》當中个「聖而公敎會」(Sanctam Ecclesiam catholicam)當中第一趟出現,到公元381年召開个尼西亞第一趟大公會議確定个尼西亞信經當中得到進一步个確立搭完善:「我信唯一、至聖、至公、從宗徒傳下來的敎會」(Et unam, sanctam, cathólicam et apostólicam Ecclésiam)。漢語語境當中个「天主敎」,是17世紀,通過利瑪竇耶穌會傳敎士根據明帝國个傳統,通過呼應帝國老百姓「敬天」个崇拜意識進行命名个,昰個詞彙一般是稱呼天主敎會个,即:通過羅馬敎宗領導个敎會。

基本特徵

天主教 
根據聖經新约玛窦福音,稱爲厄瑪奴爾个耶穌是天主之子
天主教 
昰張圖當中是永援聖母,天主敎徒稱渠为「聖母」个童貞女瑪利亞是天主子耶穌基督因聖神降孕道成肉身个娘。

基督敎在開始个辰光,是猶太敎中分離出來个一個新型宗敎團體,受到打壓。到公元1世紀中期,猶太人个中心耶路撒冷个撥羅馬帝國个軍隊佔領,第二聖殿垮脫。猶太人開始到羅馬帝國各个行省移民。基督敎會个中心因此發生變動,慢慢較朝帝國个首都羅馬遷徙,耶穌个大弟子聖伯多祿搭重要个聖保羅就儕到羅馬進行傳敎。從此,羅馬在基督敎當中就佔有重要地位。從公元一世紀開始,一直到五世紀初,羅馬皇帝對基督敎進行過交關迫害。弗過,因爲餓形勢變動,到4世紀辰光,整个帝國精英階層儕皈依敎會,4世紀末,狄奧多西一世宣佈羅馬公敎成爲羅馬帝國个國敎。到公元5、6世紀,日爾曼族從中歐大規模進入帝國西部,最終讓西羅馬帝國分崩離析,个辰光羅馬帝國个首都已經遷移到君士坦丁堡,東方搭西方个敎會關係慢慢疏遠。在中世紀開始个辰光,西歐本身个經濟社會制度開始瓦解。衹有敎會保存下來交關書籍搭組織能力。新來个日爾曼移民搭敎會建立合作關係。由於封建領主大多數弗大會管理搭記錄,蓋咾敎會分擔了渠拉个行政能力,加上新領主需要合法性證明。蓋咾賦予敎會極大特權。到了10世紀辰光,敎宗開始封奧托一世爲神聖羅馬帝國皇帝,基本弗聽東方拜占庭帝國个皇帝个指示哉。

天主敎隨後个發展搭歐洲歷史密切相關,在弗同个歷史階段內,天主敎扮演个角色也有區別。在中世紀開始个辰光,羅馬天主敎主要个成就是保護老早个古典文明遺留,又成功讓哥特人皈依天主敎,從而避免歐洲文明个進一步破壞。在10世紀,羅馬天主敎成功讓維京人從海盜變成文明社會个一員。到11世紀,天主敎針對中東地區回敎迫害基督徒个情況,開展十字軍東征運動,收復老早就屬於基督徒世界个地中海沿岸地區,也爲歐洲帶來東方个文化交流。到13世紀,天主敎資助下个大學敎育開始繁榮,近代文明个萌芽開始孕育。弗過到15世紀,由於資產階級个興起搭貴族對敎權个弗滿,天主敎開始受到交關挑戰。爲修造大型藝術品搭建築物發行个贖罪券,成爲神聖羅馬帝國宗敎改革个導火索。到16世紀中期,英格蘭、北歐搭德意志个北部地方儕脫離天主敎个管轄。天主敎爲應對危機,採取傳敎措施。對美洲个殖民地搭東方開始傳敎。著名个傳敎團體耶穌會也在昰個辰光成立,對東西方文化交流做出交關貢獻。。

根據信理神學(dogmatic theology)个推演搭論證,天主敎會是主耶穌基督親自建立、唯一、至聖、至公、從宗徒傳下來个敎會。天主敎个首任敎宗是宗徒个老大伯多祿,根據聖經个記載,耶穌基督把天堂个鑰匙交撥伯多祿:

約納个兒子西滿,儂是有福人,因啟示儂个弗是血肉,而是我,天高頭个父。 我搭儂講:儂是伯多祿(磐石),在昰個磐石高頭,我个敎會要立起來,陰間个大門決弗能戰勝伊。 我要拿天國个鑰匙交撥儂;衹要儂在地丄向所束縛个,在天高頭也要撥束縛; 衹要儂在地丄向所釋放个,在天丄向也要撥釋放。(瑪16:17-19)

信徒人數

天主教 
世界天主敎分佈

當今世界高頭个天主敎徒人數已經突破10億,主要分佈在南美、美國、以及歐洲南部地區。

主要个天主敎國家

天主敎在美國个發展邪氣迅速,在20世紀初年,天主敎還受到交關歧視,by過到1960年,肯尼迪就作爲第一位天主敎總統哉。到21世紀,天主敎已經成爲美國第一大敎會團體,有敎徒五千多萬。加上墨西哥移民个增長,現在天主敎人數還在增加。

巴西是南美洲頂大个天主敎國家,也擁著有世界第一大天主敎人口。弗過巴西个兩年新敎發展也邪氣快,一些球星,比方講卡卡就是從天主敎皈依到新敎个。

天主敎在歷史高頭一直對法國有交關影響,法國國王自稱爲天主敎守護者。在16世紀个辰光,法國爆發針對新敎徒个內戰基本保持天主敎爲國敎个色彩。不過自從1789年大革命開始,法國政府搭天主敎會个關係開始越來越遠。

天主敎在西班牙有崇高个地位,再征服運動就是拿天主敎當作支柱个。到20世紀西班牙內戰辰光,天主敎也成爲弗朗哥將軍个長槍党抵抗共和分子个號召。西班牙歷史高頭出過交關聖徒,渠拉對南美洲个傳敎事業讓天主敎成爲西半球第一大宗敎。

意大利是敎宗个敎廷所在地,天主敎在此地影響邪氣大,基本高頭是人人信敎个局面。

江南天主敎

天主敎在江南地區个傳播有交關年數个歷史。在明朝後期,耶穌會个傳敎士利瑪竇就搭上海个徐光啓等讀書人建立聯繫。上海從昰個辰光開始就成爲江南天主敎个中心地區。目前上海个天主敎擁有130多座敎堂,分爲6个總鐸區進行管理。

到了十九世紀之後,天主敎終於能夠在江南公開傳播。由於上海法租界个關係以及老早个基礎。徐家匯成爲天主敎傳播个核心。建立起徐家匯天主堂,發展出土山灣藝術。在嘉興等場許,貤修造爻邪大个天主堂。

內部鏈接

參攷鏈接

天主教 
维基共享资源里向寻得着搭该篇文章搭界个多媒体资源:

Tags:

天主教 稱呼來歷天主教 基本特徵天主教 信徒人數天主教 江南天主敎天主教 內部鏈接天主教 參攷鏈接天主教公敎會基督教大公敎會天主教会渠拉羅馬天主敎會

🔥 Trending searches on Wiki 吴语:

冰雪奇缘2大提琴宋孝宗织女一体育运动南浦大橋勇者斗恶龙系列道教WhatsApp圣帕特里克理查一世乔治·弗洛伊德之死游隼苏州市阿拉伯字母鲍鱼贝尼格诺·阿基诺三世沙特里亚尔SHA-2吴卓羲圣帕特里克节世界各国搭地区人口单子神話(電視劇)恩波利足球俱乐部芙烈達·卡蘿多尼戈尔郡吮卵哈萨克斯坦坐骨神经痛侧田大汉族主义北亚济水维基媒体国际会议J·K·罗琳核聚变音程铁拳系列聖嚴法師隋朝消费主义罗塞塔号罗马帝国尤里·弗拉基米罗维奇·安德罗波夫蓝色起源苗侨伟铜钹品冠清迈干邑白兰地生物素廿四史周璇上巳节杰克逊维尔(佛罗里达州)丁石孙帝释天布蕾克·莱弗利Spotify筷子大剧院站(深圳)马尾造船厂李治廷马德里康普顿斯大学南欧詹妮弗·康纳利维基百科单子硫磺岛战役汉献帝三船敏郎阻抗马加什一世欧阳夏丹🡆 More